Isaías 65:21 - Biblia Dc en Mixe de Quetzaltepec

²¹ Nëjkxëp ja'ay ja tyëjk tkojtë, ets nëjkx jotkujk tuktsëënëtë; nëjkxëp tpäntë tkojtë ja tsatym, ets nëjkx tjë'kxtë tpëktë ko ënety tyëëmpety.

Biblia Mixe de Quetzaltepec

²¹ Nëjkxëp ja'ay ja tyëjk tkojtë, ets nëjkx jotkujk tuktsëënëtë; nëjkxëp tpäntë tkojtë ja tsatym, ets nëjkx tjë'kxtë tpëktë ko ënäty tyëëmpety.

Isaías 65:21 ပူးပေါင်းရင်းမြစ်များ

Amós 9:14

Ënätës nyajmina'any ja nnaax nkajpnës mëti'ipë ënety të yajpaatyën tsumy matsy wiink naax wiink kajpn. Ets nëjkx tkoj'o'oyëtya'atë ja kajpn mëti'ipëjaty të jyityën ets jam jyuuky'atëty; nëjkxëp yë tsatym tniyu'ujëtë ets nëjkx t'uuktë yë tsatym nyëë; nëjkxëp tkojtë tpäntë yë y'ääy y'ujtsëty ets y'ääy kyepyëty mëti'ipë jyë'kxtëp pyëktëpën.

Isaías 32:18

Jam nëjkx ja nnaax nkajpnës jyuuky'äty ma ja naax kajpnën akujkpë jotkujkpë, jam nëjkx jyuuky'äty oy tsuj ets katii kyajjotmaytyunëtëty ma jyëën tyëjkën,

Isaías 37:30

Ënet ja Jeséas t'ënëmaay ja Ezequías: Ya'atë mtuk'ixëp ets xynyijawëty mëti'ipë tunan jatanëpën: Ya'atë jëmëjt yë'ë mkaytyëp yë tsajpmok mëti'ipë kë'ëm yonaanp muxaanpën, e kom tëkëëk jëmëjt jyëkyejpy mni'iptëty ets xyajpëtë'ëktëty ja mpëjktä'äkyëty, ijxtëm ja aaytyëëm ujts tëëmën ets aaypyajk ujts pajkën mëti'ipë mjë'kxtëp mpëktëpën.

Salmos 107:37

Ets tyuntëty yye'eytyëty, tkojtëty tpäntëty mëti'ipë tyukjuuky'atëpën ets mëjwiin këjää pyëjktä'äky tyajpëtë'ëktëty.

Isaías 30:23

Yë Wintsën mtuknikäxanëp ja nëë tuu ma ënety të mni'ipy të mkojyën, jam mkamwinm mtu'uwinm may jam xyajpëtë'ëkëty ja tsajpmok ets ja mjë'kxy mpëky. Jä'ä xëëw ja mtsajpkaa nëjkx jyë'kxtë pyëktë ku'uxyë.