Isaías 65:19 - Biblia Dc en Mixe de Quetzaltepec

¹⁹ Ëjts jotkujkës nnäjyawëja'anyë mëët yë Jerusalén, ets xoonta'akaanpës mëëtës yë nnaax nkajpn, ka'ap nëjkx nijëna'a pën jyi'iy yä'äxy, ets ka'ap nëjkx nijëna'a pën myony tyuky.

Biblia Mixe de Quetzaltepec

¹⁹ Ëjts jotkujkës nnäjyawëja'anyë mëët yë Jerusalén, ets xoonta'akaanpës mëëtës yë nnaax nkajpn, ka'ap nëjkx nijëna'a pën jyi'iy yä'äxy, ets ka'ap nëjkx nijëna'a pën myony tyuky.

Isaías 65:19 ပူးပေါင်းရင်းမြစ်များ

Apocalipsis 21:4

Yajtëkooytya'ajäämpy ja Dios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Dios tu'kë'ëyë ja wyiin nëë pyo'ta'aja'anëtë.

Jeremias 32:41

Ëjts oyës nëjkx nnäjyawëty ko ënety oy jyuuky'atë, winë aaw winëjot nëjkx yaa nyajtsëënëtës ma ya'atë naax kajpnën.

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Sofonías 3:17

Yë Wintsën, mëti'ipë mTios'ajtypyën, itkujky yajpaaty ma mijtsën, yë'ë maaytyääyëp winë ets myajtso'okanëp. Mtukxoontakëp yë Wintsën. Yë tsyojkën jya'awën yë'ë mjuukyajtën yaj'ajämëjäämpy; ets tyukxoonta'akäämpy ko ënety jotkujk yajpaaty

Isaías 60:20

Ka'ap yë xëëw kyëta'aka'any ets po'o ka'ap tyëkoy'ita'any, jä'ä ko, mëti'ipë mWintsën'ajtypyën xëmë nkutë'kxa'anyë; ja mmonyë mtukyë ko ënety pën të y'ooky këxaanp naxaanp jä'ä.

Isaías 51:11

Jëtu'un nëjkx wyimpitë mëti'ipë ënety mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënety jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.

Jeremias 31:12

Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënety ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

Cantares 3:11

Miitsëty to'oxytyëjktëjkëty mëti'ipë yajpatëpën ma Jerusalén kajpnën, pëtsëmtë ets xy'ixtëty yë yajkutujkpë Salomón. Yë'ë myënëjkxyp yë kyujän mëti'ipë y'oytyuunën yë tyaak ko ënety pyiky y'uuky, ma ënety ja xyoontakën tpaatyën.

Lucas 15:5

Ko tpaaty, akujk jotkujk nyäjyawëty, ets kyejkykyëjxm tpëjktä'äky,

Lucas 15:3

Ënet ja Jesús nimëtyaktso'ony ya'atë ijxpäjtën:

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënety tmëtoy mjë'ëy myä'äxy, je'eyë tmëtoowpaatëty ko ënety xy'amëtoy ja näypyutëkë, ënätyë mputëkëja'anyë.

Zacarías 2:10

Jëtu'un yë Wintsën y'ënä'äny: Ëwtë ya'axtë akujk jotkujk, miitsëty Jerusalén ja'ayëty, jä'ä ko tëëjës nminy ets ntsëënëja'anyës ma miitsëtyën.

Salmos 144:14

Yë ntsajpkaa'ajtëmë janty oyëty y'u'unk'ixtë, ets aak jää myëxu'unk'atë ma tnixëëwëtyën, ka'ap nijëna'a yajmëtoy pën jyi'iy yä'äxy ma ntu'u'ajtëm nyäxyën.

Ezequiel 36:15

Ka'apës n'ëkyajkutukanë ets wiinkpë naax kajpn m'ojëtëty mya'axëtëty; ka'ap tjëkyepy tääpë naax kajpn jatëkok je'eyë ëxaty m'ëk tijënëtëty jä'ä ko miitsëty ka'ap yë naax kajpn u'unktuk xy'ëkyajwë'ëmanëtë. Ëjts Wintsën, ëjts ënaanp.

Sofonías 3:15

Tëë yë Wintsën tjëpëky ja tëytyu'unën ma mijtsën ets tëë ja mmëtsip tyajjëwa'kta'ay. Yë Wintsën, mëti'ipë jam Israel yajkutujkpën, itkujky yajpaaty ma mijtsën: Mijts ka'ap tii ëxëëkpë xy'ëktsë'kënëty.