Isaías 65:14 - Biblia Dc en Mixe de Quetzaltepec

¹⁴ Ëjts ja ntuunpëtëjk akujk jotkujk y'ëwa'an xyoonta'aka'antë, e miitsëty je'eyë ja mon tuk mjë'ëja'an mya'axa'antë.

Biblia Mixe de Quetzaltepec

¹⁴ Ëjts ja ntuunpëtëjk akujk jotkujk y'ëwa'an xyoonta'aka'antë, e miitsëty je'eyë ja mon tuk mjë'ëja'an mya'axa'antë.

Isaías 65:14 ပူးပေါင်းရင်းမြစ်များ

Mateo 8:12

E mëti'ipë japaat'ajtëtëp jeexyë yajpaatë ma ja kyutujktaknën, nëjkxëp yajpëjkta'aktë akootstuuy tëja'p. Tääts tyëkëtëty jëëpyë yaxpë ets ka'ap nëjkx tmëmëta'aktë.

Salmos 66:4

tëkokyë yë naaxwiinyëtë ja'ay aakmijts m'ëwtajtëp ets yë'ë mxëëw kyuuy'ëëw kyuuyaxtëp.

Santiago 5:13

Pën jam pën myony tyuk ma miitsëtyën, wä'än ja Dios tja'amyetsy. Pën jam pën akujk jotkujk yajpaaty, wä'än ja Dios tkuuy'iy.

Santiago 5:1

Mëtowtë miits, kumeenyjyä'äyëty. Mëjë'ë mëya'axtë ja m'ëyo'on mjotmayëty mëti'ipë mpaatantëpën.

Lucas 13:28

Ënet ja ja'ay nëjkx jyë'ëtë ya'axtë ets nyätyëtskääpëtëty ko t'ixtëty ja Abraham, Isaac, Jacob ets ni'ëmukë ja Dios ja kyäjpxynyajxpëtëjk, jap ma Dios ja kyutujktaknën, tyam ënety miitsëty ni'ikyë të myaj'ëxwojptëpë.

Mateo 22:13

Ënet ja yajkutujkpë t'ënëmaay ja tyuunpë: Kë'ëtsumtë tekytsymtë ets xypyëjkta'aktëty jap tëja'p akootstuuy, ma ja'ay jyë'ëtëty ya'axtëtyën ets nyätyëtskääpëtëtyën.

Mateo 13:42

Jap yajpëjkta'aka'antë ma ja jëën mëj tyoyën, ma jyë'ëtëty ya'axtëty ets tyipkä'äxtëtyën.

Jeremias 31:7

Jëtu'un yë Wintsën y'ënä'äny: Ëwtë akujk jotkujk, tukxoonta'aktë yë Jacob yë nyaax kyajpn mëti'ipë tu'uk je'eyë kajpn'ajtpën ets mëj'äämpyë y'ityën ma wiinkëtypë naax kajpnën. Mëk ëwtë ets mëjjaw kënu'kxyjyawëtë yë Wintsën, wä'än ja'ay tmëtowtë ets m'ëna'antëty: Tëë yë Wintsën tyajtso'oky yë nyaax kyajpn, niwäänëpë ënety të jyaakwë'ëmtën ma Israel ja'ayëtyën.

Isaías 24:14

Mëti'ipë ënety juuky të jyaakwë'ëmtën, akujk jotkujk nëjkx wyë'ëmtë. Jam ma xëëw kyëtä'äkyën, nëjkxëp y'ëwtë ya'axtë ko ënety t'ixtë ja Wintsën ja myëj'ajtën y'oyajtën mëjwiinpë këjääpë.

Job 29:13

Mëti'ipë winë yajmëyäjtypyën xykyukajpxëpës ijty; koos yë ku'ookytyo'oxy ijty nputëkë mëk ijty xyoonta'aktë.

Salmos 109:28

Ka'ap wyi'ixëty oyës të xypyoktë, nëkoo ko mijts xykyënu'kxyës. Wä'än yë'ë tsëtyuntë e ja mtuunpë wä'än jotkujk näjyawëty.

Isaías 9:3

Wintsën, mijts të xyajminy të xyajkëtä'äky ja jotkujk'ajtën; mëj këjää ja jotkujk'ajtën tyam yajmëët'aty, janty jotkujk tyam ja ja'ay nyäyjyawëtë, jëtu'un tä jyää'atyën ja xoontakën ko ja pëjktä'äky y'ity wyintëy, ijxtëm xyoonta'aktën ja ja'ayëty ko ja wit meeny nyätyuknikääkëtë.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Isaías 51:11

Jëtu'un nëjkx wyimpitë mëti'ipë ënety mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënety jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.

Isaías 50:11

E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënety kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Isaías 66:14

Ko ënety jëtu'un xy'ixtë, oy nëjkx xyjyawëtë; jempyën nëjkx ja mni'kx mkopk xyjyawëtë. Yë Wintsën yë'ë nëjkx yë myëj'ajtën tyaj'ixyë ma tyuunpëtëjkën, ets tsyip y'äkë ma myëtsiptëjkën.