Isaías 65:13 - Biblia Dc en Mixe de Quetzaltepec

¹³ Paaty tyam ja Wintsën y'ënä'äny: Ëjts ja ntuunpëtëjk pyaatantëp ja kyääky y'uuky, e miitsëty ni'ikyë m'ayuu'ata'antë; yë'ëjëty nëjkxëp ja xyiktëpë xyoontëpë, e miitsëty je'eyë nëjkx myajnëxi'ik myajtukxi'iktë.

Biblia Mixe de Quetzaltepec

¹³ Paaty tyam ja Wintsën y'ënä'äny: Ëjts ja ntuunpëtëjk pyaatantëp ja kyääky y'uuky, e miitsëty ni'ikyë m'ayuu'ata'antë; yë'ëjëty nëjkxëp ja xyiktëpë xyoontëpë, e miitsëty je'eyë nëjkx myajnëxi'ik myajtukxi'iktë.

Isaías 65:13 ပူးပေါင်းရင်းမြစ်များ

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Isaías 66:14

Ko ënety jëtu'un xy'ixtë, oy nëjkx xyjyawëtë; jempyën nëjkx ja mni'kx mkopk xyjyawëtë. Yë Wintsën yë'ë nëjkx yë myëj'ajtën tyaj'ixyë ma tyuunpëtëjkën, ets tsyip y'äkë ma myëtsiptëjkën.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Isaías 61:7

E mëët ko miitsëty ni'ik të m'ëyowtë, näjyëtu'un nëjkx ni'ik myajmo'otë ja näypyutëkë ets näpya'ëyowë, jëtu'unts akujk jotkujk xëmëkyëjxm mjuuky'ata'antë.

Isaías 44:9

Ja'ay mëti'ipë yajkojpyën yë awinax ka'ap nijënu'un tsyowpaaty ets ja awinax mëti'ipë yajkojtëpën nijënu'un mëj'ajtën tkamëët'aty. Mëti'ipë ja'ay awinax y'ëwtajtëpën tsuu ets winma'anytyuk jëtu'unëty, nëxi'iky tukxi'iky wyë'ëma'antë.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Isaías 1:19

Ko miitsëty xykyupëktëty ko mmëtowantëp, nëjkxëp mka'ayën m'ukën xypyaatë oyëtypë;

Salmos 34:10

Yë kumeenyjyä'äytyëjkëty ëyoopëja'ay y'awinpita'antë, ets nëjkxëp yuu'ooktë, e mëti'ipë ja Wintsën y'ijxtaaytyëpën, ka'ap tii tyëkoy'ata'anxëtë.

Isaías 41:17

Yë ëyoopëja'aytyëjk nëkooyë nëë t'ijxtaaynyëtë ets ka'ap maa tpaatë. Tëë ja yyä'än tyëtstaaynyëtë mëët ja tëëtsë; ëjts maas nWintsën'atyën npa'ëyowantëpës yam; ëjts, mëti'ipë yë Israel ja'ay y'ëwtajtëpën, ka'apës n'ëxmatsa'antë.

Isaías 5:13

Paatykyëjxm, mëët yë'ë ko ja naax kajpn ka'ap jyä'äkyukë, ni'amukë mnëjkxta'aja'antë wiink naax wiink kajpn tsumy matsy. Tëkokyë ja ja'ayëty mëët ja kyutuunk yuu'o'kta'aja'antë.

Isaías 8:21

Jëtu'unyë nëjkx ja'ay kyuye'ey kyunaxëtë, mëk nëjkx ja'ay yajtunëtë ets ayuu yajxëëwnaxëtëty, je'eyë nëjkx jyoot'anpëktë mëët ja yuu ets nëjkxëp tsyajp'ixtë ets tpoktë ja yajkutujkpë ets ja Tyiosëty.

Isaías 41:18

Nyajkupëjäämpyës yë mëjnëë të'ëts'itum ets nëë nyajmuuta'anyës joy ituuy; mo'ontsjot nyaj'awinpita'anyës yë të'ëts'itjot, nyajkomäämpyës yë nëë wok ma y'anë'ëk tyëëtsë'ëkëtyën.

Isaías 42:17

Mëti'ipë ja'ay awinax tyuk'ijxpäjtëpën ets mëti'ipë myëkajpxtëpën yë tsaatsetsy, kepy tsyetsy ets t'ënëëmëtë: Miits myaj'ëwtajtp, nitsëtyu'un kutsëtyu'un nëjkx kyäkta'atë.

Isaías 44:11

Tëkokyë ja'ayëty mëti'ipë y'ëwtajtëpën yë awinax nëxi'ik tukxi'iky wyë'ëma'antë. Mëti'ipë ja'ay yajkojtëpën awinax naaxwiinyëtë ja'ay yë'ëjëty. Ko jeexyë y'ëkyajpaye'ey yë pyokyëty, pokymyëët jeexyë wyë'ëmtë ets o'ktëy jeexyë jyatë.

Isaías 49:10

Ka'ap nëjkx yuu nëëtëtsë xymyëët'atë, oy mëk y'anëty, miitsëty ka'ap mni'ana'antë, jä'ä ko ntsojktëp nja'awëtyëp ets nwoownëjkxantëp ma ja nëë myuutyën.

Isaías 50:11

E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënety kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Isaías 62:9

Miitsëty nëjkx kë'ëm xyajpëtë'ëktë ja mpëjktä'äkyëty miits nëjkx kë'ëm xyjyë'kxtë ets ëjts xyajmëjnaxtëty; nëjkxëp xyajmuktë yë mtsatym tyëëmëty ets nëjkx ja tsatym nyëë xy'uuktë jap tsajptëkoty.

Jeremias 22:22

Paaty ja mkopktëjk jëtu'un jyata'antë tä aay pu'uxm wyimpapojyën ets ja mye'etyëjktëjk tsumy matsy yajmënëjkxa'antë wiink naax wiink kajpn. Wintsëtyu'un jëjptsëtyu'un nëjkx mwë'ëmy mëët ko ënety ëxëëkpë yi'iyë të xytyuny të xykyäjpxy.

Oseas 4:10

Mëëtkyëjxm ko ka'ap ja Wintsën t'ëk mëtuunëtë, ja kay ja uuktëp, je'eyëp ko ka'ap kyu'uxëtëty; jyatooktëp ja jyot nyini'kxëty, je'eyëp ko ka'ap y'u'unkpaatëty.

Proverbios 13:25

Yë wa'ats ja'ay ku'uxyë kyäy y'uuky. E yë ëxëëk ja'ay xëmë yu'o'kp yajpaaty.