Isaías 65:12 - Biblia Dc en Mixe de Quetzaltepec

¹² Miitsëty tëkatsy mkumeeny'ata'antë: Kupuxy nyaj'ooka'antë. Jä'ä ko tëë njamëkajpxtë ets ka'ap të m'ëtsowtë; ojts njamëëtmëtya'aktë e miitsëty ka'ap të mja'akyukëtë; jä'ä të xytyuntë mëti'ipës ka'ap nkumayën ets mëti'ipës n'ëxëëk'ijxypyën.

Biblia Mixe de Quetzaltepec

¹² Miitsëty tëkatsy mkumeeny'ata'antë: Kupuxy nyaj'ooka'antë. Jä'ä ko tëë njamëkajpxtë ets ka'ap të m'ëtsowtë; ojts njamëëtmëtya'aktë e miitsëty ka'ap të mja'akyukëtë; jä'ä të xytyuntë mëti'ipës ka'ap nkumayën ets mëti'ipës n'ëxëëk'ijxypyën.

Isaías 65:12 ပူးပေါင်းရင်းမြစ်များ

Isaías 1:16

Näypyuj näjyä'ätsëtë, näyajwa'atsëtë. Ka'apës n'ëk'ixanë ja mpokyëty. Ja ëxëëk tu'u jä'ä m'ëxmatstëp.

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Isaías 10:4

Oy ënety miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Isaías 3:25

Jam nëjkx ja mja'ay y'ooktë tsipjotm, ja mtsiptuunpëtëjk jam nëjkx y'ooktë ma ënety tsyiptuntën.

Isaías 34:2

Jä'ä ko yë Wintsën tëë tukjoot'anpëjkta'ay ja naax kajpn ets tëkokyë ja ja'ay, jëtu'un të y'ënä'äny ko tyajkutëkootya'aja'any ets tyaj'o'kta'aja'any wä'än timpyënëty.

Isaías 34:5

Jëtu'un jam tsyoona'any ja amay jotmay tsajpkëjxm tä ja'ay tëypyujxn tjëpijpminy tjëpijxëpyën, jam kyëta'aka'any Edom, mëti'ipë tëë yajtuknipëjktaakën ets kyutëkoyëty.

Isaías 34:6

Nëjkxëp ja Wintsën ja tyiypyujxn nye'pynyëtyä'äy ets y'onku'tsta'ay jëtu'un ijxtëm ko ja'ay tyaj'ookyën yë kupixyny ayääkë ets tsajppax ayääkë ma y'o'ktaknën. Mëj këjää ja Wintsën ja o'kën tëko'oyën tyaj'ita'any jam Bosrá ets jam Edom.

Isaías 41:28

Koos nja'ixy, nimaa wiinkpë tios kyakëxë'ëky; mëti'ipë jeexyë ëëwij kajpxwijpën, ni pën tka'ëtsoowwinpity ja mëti'ipës të njayajtëyën.

Isaías 50:2

¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Isaías 59:15

Ja jaantypë ja käjpxy mëtyä'äky, jëtu'unyë të pyojtëkoy; ja mëti'ipë jyakukekpyën ja ëxëëkpë tëë yajmä'tsta'ay. Tëë ja Wintsën jyoot'anpëky ko të t'ixy ko ka'ap jyää'aty ja oypyë nipaye'eyën.

Isaías 63:6

Ajoot'an ojts yë naax kajpn nyajkutëkooytyä'äyës, atsip a'äkë ojts njo'tsta'ayës, tëë ne'pny ntemy nje'etsyës naaxkëjxy.

Isaías 65:3

ja naax kajpn mëti'ipë ëjts nwintuuyës të xymyëtëkoyën; mëti'ipë ja wintsë'kën të tmo'oyën ja wiink tios jam muum aayjyotm ujtsjotm; ets të tukwintoy tukwinjoky ja poom ma ja wintsë'këntyaknën mëti'ipë muutsy pyotsyën;

Isaías 66:16

Yë Wintsën, jëën yajtunäämpy ko ënety tuny ja nipaye'eyën ets tukwinmëtoowa'any ja naax kajpn ja nyëë pyoky, tëypyujxn nëjkx tyajtuny ets tkupujxa'any may ja ja'ay.

Jeremias 16:17

Jä'ä ko wa'atsës n'ijxtaay ntuuntaay tiijaty tyuuntëp kyajpxtëpën ëxëëkjaty; nitii kyayu'utsy'ity ma ëjtsën, ni yë'ë nyëë pyokyëty tkajëkyepy tkuyu'utstëty.

Jeremias 18:21

E mijts myajkutukëp ets ja y'u'unk y'ëna'k yuu'ooktëty ëkë kupuxy y'ooktëty. Wä'än yë pa'am ëyo'on yë'ë yaj'ookëtë ets ja y'ëna'ktëjkëty wä'än jam tsipjotm t'ooktë.

Jeremias 34:17

Paatyës mëti'ipë Wintsën'ajtpën, jëtu'unës n'ëna'any: Miitsëty ka'apës të xymyëmëtowtë, ka'ap të xy'ëxmatstë ets të xyaj'ëwaatsëpëtsëmtë ja mjëëky mmëku'ukëty mëti'ipë të xyajmëtuntën; e ëjts yë'ëjës nnajtsmatsëjäämpy yë tsip käjpxy, yuu xëëw ets pa'am ëyo'on, mëti'ipë ëxëëk myajjat myajkëpätëtëpën ets naax kajpn tsyë'ëkëtëty. Ëjts Wintsën, ëjts ënaanp.

Jeremias 35:17

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ëna'any: Nkäxäämpyës ja ëyo'on jotmay ma Judá ja'ayëtyën ets ma Jerusalén ja'ayëtyën tëkokyë mëti'ipës të nikäjpxyën. Jä'ä ko miitsëty tëë njamëkajpxtë ka'apës të xy'ëtsowtë; tëë njayaxtsowtë miitsëty ka'apës të xynyimintë.

Jeremias 7:13

Kanaak'ok n'ënëmaaytyës ets jeexyë tyaj'oyëtë wyinma'any, miitsëty ka'ap të xymyëmëtowtës ets ka'ap të xy'ëtsowtës. Ëjts Wintsën, ëjts ënaanp.

Jeremias 7:27

Mijts Jeremías, tukmëmëtyakta'a ya'atë aaw ayuk; oy mkamëjpëjkta'akëtëty, winya'ax winjokmës oy pën mka'ëtsoowinpitëtëty.

Miqueas 5:15

Maas ja ntsip n'äkë ënety nyajnaxyën, ëxëëkës nëjkx ntuny ja naax kajpn mëti'ipës xykyamëmëtoowpën.

Zacarías 7:7

¿Këtii näjyëtu'un yë Dios ojts yë y'aaw y'ayuk t'ëk kajpxpë mëët yë kyäjpxynyajxpëtëjkëty tëëyëpë jyuuky'atën, ma ënety ja Jerusalén kajpn jotkujk yajpaatyën ets ma ënety ja wiinkëtypë ja naax kajpn jotkujk yajpaatën ets Négueb y'itjot ets tu'kë'ëyë tampë joyjotmën?

Mateo 22:3

Ets ja tyuunpë tkejxy ets ja ja'ay twowtëty, e ja ja'ayëty ka'ap myinantë.

Mateo 22:7

Ënet ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.

Juan 1:11

Yë'ë ojts tjaniminy mëti'ipë jyä'ä'ajtypyën ets kä'äp ojts kyupëkyë.

Deuteronomio 32:25

Yë y'u'unkëty y'ëna'këty jam nëjkx muum kupuxy y'ooktë tu'ujotm, jap tyëkotyëty tsë'ëkëtëp jam xëmë, ooktëp ja yä'äy'ëna'k, to'oxy'ëna'k, mëjja'ay mutskja'aypyë, pi'k'ëna'këty mëti'ipë tsi'tstëpnëm.