Isaías 64:3 - Biblia Dc en Mixe de Quetzaltepec

³ Ko xyaj'ijty ja ëyo'on tsë'ëkëpë jawëpë ka'ap ënety pën jëtu'un tyim'ëna'any, ko mjënäjky yaa ëpa'tkë'ëy, ojts ja tun kopk yu'kxpëjkta'atë mijts mwintuuy.

Biblia Mixe de Quetzaltepec

³ Ko xyaj'ijty ja ëyo'on tsë'ëkëpë jawëpë ka'ap ënäty pën jëtu'un tyim'ëna'any, ko mjënäjky yaa ëpa'tkë'ëy, ojts ja tun kopk yu'kxpëjkta'atë mijts mwintuuy.

Isaías 64:3 ပူးပေါင်းရင်းမြစ်များ

Habacuc 3:3

Jamtsow yë Wintsën tsyoony ma Temán ets Parán y'itjotmën jamtsow yë Dios wa'atspë myiny. Yë myëj'ajt y'oyajtën jëtu'unyë jam tsajpkëjxm jyajwä'kxy ets ja naaxwiinyëtë ja'ay y'ëwtatyë ets wyin'ëw wyinyä'äxyë.

Salmos 106:22

mëti'ipë ënety të tyaj'ixyën ja myëj'ajtën ma ja Cam y'itjotmën ets ma ja Tsaptsmejyën.

Salmos 66:5

Min ixtë mëti'ipë Dios të tuuntä'äkyën, ja myëj'ajtën mëti'ipë të tyaj'ixyën ma naaxwiinyëtë ja'ayën:

Salmos 66:3

Jëtu'un yë Dios ënëëmëtë: Dios, tu'kë'ëyë mëti'ipë të xyajkojy të xypyëjktä'äkyën janty oyëty yaj'ixy ets tukxoontaknëty. Mëët yë mmëkajtën, yë mmëtsiptëjk aakmijts mëmëtowanëp,

Deuteronomio 10:21

Jä'ä ko miits xoontä'äky myajpaatë, e mëët yë'ëkyëjxm jëtu'un mxoonta'aktë. Jä'ä ko yë'ë mTios'ajtëp ets tëë yë myëj'ajtën mëj këjää tyaj'ixyë mëët miitskyëjxmëty, miitsëty tëë kë'ëm xytyim'ix xytyimtuntë.

Habacuc 3:6

Jëtu'un yë naaxwiinyëtë jyänty yu'kxy ko wya'akwë'ëmy; tsë'këp yë naax kajpn ko muum tku'ijxkëtä'äky; tim jijtääpy yë tun kopk, tim ma'tääpy yë kopk mëti'ipë jääyëmën; e yë Wintsën yë nyë'ë tyu'u ijtëëp yë xëmë.

Isaías 64:1

Jääpëk jeexyë xykyë'ëtswä'kxy yë tsajp ets mkëta'akëty naaxwiiny ets xyajyu'kxypëjkta'ajëty ja tun kopk,

Salmos 76:12

Yë'ë pyëjkëp yë jyuukyajtën mëti'ipë ënä'ämtëpën ets yajkutujktëpën, y'ëtsë'këp yë ënä'ämpëtëjk naaxwiinypë yajpaatën.

Salmos 68:8

ojts yë naaxwiinyëtë yu'kxy ets ojts yë mëk komtuu kyëtä'äky naaxkëjxy mëti'ipë tsajpwinm tso'onpën, yë Sinaí kopk näjyëtu'un jyänty yu'kxtäky Dios wyintuuy, ma ja Israel ja'ay Tyiosëtyën.

2 Samuel 7:23

E yë'ë ënät ja Israel kajpn, mëti'ipë mijts mkajpn'ajtypyën, ni pën kyamëpaatëtëty tä yë'ëjën. Tä yë'ëjën, tu'ukyë jëtu'unpë yajpaaty yaa naaxwiiny naaxkëjxy. Mijts Wintsën, mijts ojts xyaj'ëwaatsëpëtsëmy ets mijts xyjyä'ä'atëty; tëë mëj'äämpy xyajnaxy mëët ko winë të xytyuny ma yë'ëjën mëjwiin këjää, jä'ä ko mijts ojts xyajkutëkooytyä'äy ja naax kajpn mëti'ipë ënety atsijpëpën ko tsyo'ony jap Egiptë mëët tukë'ëyë ja tiosëty mëti'ipë y'ëwtajtëpën,

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

Éxodo 34:10

Jëtu'un yë Dios y'ënäny: Ëkmëtoow'itë: Tyamës ntuny tu'uk yë käjpxytyu'unën mëët ya'atë naax kajpn, mëj këjääjës yë nmëjajtën nyaj'ixa'anyë ma miitsëtyën, mëti'ipë ka'ap maa jëtu'unpë yaj'ixynyëmën ma wiinkëtypë naax kajpnën. Tëkokyë miitsëty m'ixtëp ets mnijawëtëp wi'ix yë Dios mëj këjää winë tunyën, jä'ä ko nyaj'ixanëpës yë nmëjajtën mëjpë këjääpë ma miitsëtyën.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.