Isaías 63:10 - Biblia Dc en Mixe de Quetzaltepec

¹⁰ E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

Biblia Mixe de Quetzaltepec

¹⁰ E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

Isaías 63:10 ပူးပေါင်းရင်းမြစ်များ

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Efesios 4:30

Këtii nëkoo xyajjotmaytyëkëtëty ja Dios ja kyënu'kxymyëk'ajtën, mëti'ipë të myajtuk'ijxwë'ëmtën ko Dios mjä'ä'atëtë mapaat ja nitsokën ënety tu'ukyë myajmooynyëtën.

Salmos 78:56

E yë'ëjëty je'eyë ojts yë Dios Ni'ik Këjxmëpë tnëxi'ik tukxi'iktë, ets ni'ikyë tkäjpxykyumëtoownajxtë ets ka'ap tpatuuntë ijxtëm ënety ja y'ënä'ämën tyiyajtën jya'ëna'anyën.

Salmos 78:40

Kanaak ok ojts tkäjpxykyumëtoownaxtë yë Dios yë y'ënä'ämën ets ojts mëj këjää tyajmon tyajtuktë jam të'ëts'itjotm.

Jeremias 21:5

Ëjts kë'ëm tsiptunaanp ets miitsëty nipëtë'ëka'antë mëët yë mëk'ajtën, tsip äkë ets joot'an.

Ezequiel 20:8

E yë'ëjëty je'eyë ojts xykyäjpxy kumëtoownaxtës ets ka'ap tja'akyujkëtyë ijxtëm nja'ënëmaaytyës; ka'ap t'ëxmajtstë ja y'awinaxëty mëti'ipë jap Egiptë ets nän ka'ap tyajma'taaytyë ja wyiink tyiosëty. Ojtsës njamay njatajy nyajnaxa'any ja njoot'an ma yë'ëjëtyën etsës jap Egiptë njatëytyunantë etsës jotkujk nwë'ëmëty.

Salmos 51:11

Ka'ap mëpaat xyjyëkexyës mijts mwintuuy, ets ka'apës mëpaat xypyëjkë yë wa'atspë mmëkajtën m'oyajtën.

Ezequiel 20:21

E yë y'u'unk y'ëna'këty ojts xykyäjpxy kumëtoownaxtës. Ka'ap tpatuuntë ja ntëyajtënës ets ka'ap tmëmëtoowtë ja n'ënä'ämënës, mëti'ipë yajjuuky'ajtpën ko yajpatuny, e yë'ëjëty ojts ja npo'kxën nxëëwës tyaj'ëxëëkëtë. Ojtsës nja'ëna'any ets jeexyë jam të'ëts'itjotm nyajkutëkooytyës ets jeexyë ja n'äkës xyeemy,

Ezequiel 6:9

Ja ja'ay mëti'ipë ënety juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënety të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënety të tuuntëkoy të tkajpxtëkoytyën ets mëti'ipë ënety tëkatsy të tmëmay të tmëtajtën.

Ezequiel 2:7

Mijts kajpxnax yë n'ayukës, oy tmëpëk tkamëpëktëty, jä'ä ko yë'ëjëty je'eyë kyäjpxykyumëtoownaxtë.

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Dios oy tmëtuuntë.

Nehemías 9:29

Mjanajts'ë'ëw mjanaskajpxëp ijty ets tpatuntëty ja m'ënä'äm mtëyajtën; e yë'ëjëty ijtëpën ja nyäyajnaxëtë paaty ja ka'ap timmyëmay timyëtajtë mijts ja m'ënä'ämën; këtii ijty mëj timjyawëtë ja m'aaw m'ayuk mëti'ipë juukyajtën yäjkpyën ma ja'ayëty mëti'ipë pyatuumpyën ja m'ënä'ämën; je'eyë xëmë kyäjpxykyumëtoownajxtë ets juun ja jyot wyinma'any tpëjktaktë.

Deuteronomio 9:7

Këtii xyjyä'äytyëkoytyëty nijëna'a, ko miitsëty ojts yë Dios xyajjoot'anpëktë jam të'ëts'itjotm. Tyimtso'ontäky ko jap mtso'ontë Egiptë ets Yaapaat je'eyëm mkäjpxykyumëtoownaxtë.

Éxodo 23:21

Këtii xymyëjëkämkä'äkëty, mëmëtowëp ets këtii xykyäjpxykyumëtoownaxëty, jä'ä ko yë'ë ëjts yë xykyutënääpy ets ka'ap nëjkx tme'kxy ja mpoky.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Éxodo 15:24

Ënet ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?

Mateo 22:7

Ënet ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.

Ezequiel 20:13

E yë'ëjëty ojts jam të'ëts'itjotm xykyäjpxy kumëtoownaxtës, ka'ap tpatuuntë ja n'ënä'ämënës ntëyajtënës; ojts tninajxnëtë ja n'ënä'ämënës ntëyajtënës mëti'ipës ënety të nmo'otën ets tëëjës ënety n'ënëëmëtë ko tpatuntëty nëjkxëp jyuuky'atë, e yë'ëjëty ni'ikyë ojts tyaj'ëxëëktëjkënëtë ja npo'kxënxëëwës. Ënätës ojts njamay njatajy ko ni'ik oy ko ntimy yajkutëkoytyëtyës ma ënety jam të'ëts'itjotm yajpaatën,

Ezequiel 2:3

jëtu'un y'ënaan'ëtë'ëtsy: Mijts ye'etyëjk, tyam yë Israel ja'ay ntuknikäxa'any, yë kajpn ka'apë jyä'äkyukën mëti'ipë käjpxy kyumëtoownajxpën, yë y'ap y'okëty ets yë'ëjëty tëëjës xynyipëtë'ëktë ets jëtu'un tyampaat.

Lamentaciones 1:20

Wintsën ix yë nmonyë ntukyës, tim ma'tääpyës njawë njot nini'kx. Je'eyës yë n'aaw njot nja'awënë y'atijmujknë ko të nkäjpxykyumëtoownaxyës. Jap tëja'p yo'kpuxyës jap yë n'u'unk n'ëna'k y'ooktë, e yaa tëkoty nän o'kën yap ijtp.

Lamentaciones 1:18

Yë Wintsën jä'ä të tuny mëti'ipë mëtëyën, ëjts tëëjës njanty kyäjpxy kyumëtoownaxy. Mëtoow'itë nnaax kajpn; ixtë wi'ixës pëjkën ijxën nmënaxy nyajnaxyën. Yë ëna'ktëjkëty ets to'oxy'ëna'këty tsumy matsy wiink naax wiink kajpn të yajmënëjkxta'atë.

Jeremias 30:14

Ja ye'etyëjktëjk mëti'ipë ënety mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Isaías 65:2

Xëmës ja nkë'ë të nnajtsxajë ets jeexyë myintë ja naax kajpn mëti'ipë käjpxy kyumëtoownajxtëpën, mëti'ipë wiink tu'u të tmatstën ets ja jyot wyinma'any jä'ä të nyätyuktu'uwinwowëtë;

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Salmos 78:49

Dios ojts jëtu'un yë tsyip y'äkë tnajtsmatsë; yë joot'an, tëytyu'unën ets monyëtukyë, mëti'ipë ojts tnikajpxtën ko ënety ëyo'on y'ita'any.

Nehemías 9:26

Je'eyëp ko yë'ëjëty ojts mkäjpxykyutëjyë ets ni'ikyë ojts je'eyë mkäjpxykyumëtoownajxënë ets ka'ap n'ëktuunëtë këwentë ja m'ënä'ämën mtëyajtën. Ja mtuunpë ets ja mja'ay mëti'ipë ja m'aaw m'ayuk jyanikäjpxypën je'eyë tyaj'o'k tyajtëkooytyë jä'ä ko ënety tyukwinmëtowëtë ja nyëë pyokyëty, tääts jëtu'un'äämpy myajjoot'anpëjkë mëjwiin këjää.

Éxodo 32:8

Ka'ap ninu'un të tyimpo'oxy ets të t'ëxmatstë ja oytyu'u, mëti'ipës të ntuk'ënä'ämtën ets yë'ë tye'eytyëty. Tëë tyajkojtë tu'uk yë awinax, jëtu'umpë kyëxë'ëkyën tsajpkaajën, aak pu'ts pujxnpë mëët y'oytyunyëtyën, tam tmo'otë kanaakpëky yë wyintsë'kën, tam tmëjjaw tjaantyjawëtë ets y'ëna'antë: Israel ja'ayëty ya'atë jëtu'un mwintsën'ajtëp, mëti'ipë ojts mjuutëtën jap Egiptë.

Hechos 7:42

Paaty ja Dios y'ëxmajtsëtë ets twintsë'ëkëtëty ja matsa'a ets tiijaty jam tsajpwinmën. Jëtu'un ijxtëm ja Dios ja kyäjpxynyajxpë ënety ja nyoky y'ënä'änyën: Miits, Israel ja'ayëty, ko m'ijtë jam të'ëts'itjotm wëxtyikxy jëmëjt, ¿xymyooytyës ja wintsë'kënë?

Génesis 6:6

Mëk ja Wintsën tja'awëy jä'ä ko kë'ëm ënety të t'ëkyajkojy ja ja'ay. Mëët ja mëkjotmay,

Salmos 78:17

E yë'ëjëty ni'ikyë ojts tmëpokytyuntë yë Dios, ojts tnipëtë'ëktë Ni'ik Këjxmëpë jam të'ëts'itjotm.

Salmos 106:33

ojts tyajkumon tyajkutukëtë ets y'ëëwnë kyajpxnë tëkatsy, ka'ap t'ëkmëmaay t'ëkmëtajnë tii kyäjpxyp.

Isaías 63:11

Ënet tja'amyäjtstë ja tëëyëpë, ma ja Moisés tyaj'ëwaatsëpëtsëëmyën ja nyaax kyajpn, ets nyäyajtëëwëtë: ¿Maa jëtäätën ja Wintsën mëti'ipë yajnajxën ja Israel kajpn mëët ja Moisés ma ja mëjmejyën, jëtu'un tä mëti'ipë tsajppax ets kupixyny kyëwent'ajtypyën? ¿Maa jëtäätën ënät? mëti'ipë ja Moisés yajtuunën mëët yë kënu'kxypyoj,

Jeremias 32:30

Tyimtso'ontäky yë Israel kajpn ets Judá kajpn yi'iyë tyuuntëp ka'apës n'oy'ixyën; yë Israel kajpn xëmë yë'ë xytyuk'yajjoot'anpëktës ko t'ëwtatë awinax mëti'ipë yë'ë kë'ëm yajkojtëpën. Ëjts Wintsën, ëjts ënaanp.

Ezequiel 16:43

Mijts tëë xyjyä'äytyëkoy wi'ix ojts m'ëna'k'atyën, je'eyës ojts xyajjoot'anpëky mëët ko yi'iyë ja ëxëëktu'un ëxëëk kajpxën të xyajtu'uye'ey ëxëëkpë tsaatsypë; paatykyëjxm mijts ntëytyuna'any ko ka'ap tii oy të xytyuny. Ëjts Wintsën, ëjts ënaanp.

Deuteronomio 1:26

E miitsëty ka'ap mnëjkxantë, ojts xykyäjpxykyutëjtë ja Dios ja y'ënä'ämën, mëti'ipë ënety të mo'ojëtën.

Josue 22:15

Tä ojts tyu'upëktë ets jam jyajtë Galaad ma ënety jam yajpaatën ja Rubén, Gad ets nikujkwä'kxy ja Manasés ja jyä'äy, tääts t'ënëmaaytyë:

2 Crónicas 12:2

E jää ma myëmëkoxk jëmëjtpejtyën, ma ënety ja Roboam yajkutukyën jää ojts ka'ap ja Wintsën t'ëkmëj'ijxnëtë. Ënet ja Sisac nyijajtëtë, mëti'ipë ënety jap yajkutujkpën Egiptë ets tnitëjkëy ja Jerusalén kajpn,

Salmos 78:21

Ko yë Wintsën jëtu'un tmëtooy tä ojts jyoot'anpëky, toopyëm no'kpëm yajxon jyoot'anpëjky, yë'ë tyukjoot'anpëjk yë Jacob yë nyaax kyajpn.

Salmos 107:11

mëët ko tkäjpxykyumëtoownajxtë ja Wintsën ja y'ënä'ämën tyiyajtën ets ko ka'ap tuuntë këwentë mëti'ipë ojts tjatuknipëjktaakën ja Ni'ik Këjxmëpë.