Isaías 62:8 - Biblia Dc en Mixe de Quetzaltepec

⁸ Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Biblia Mixe de Quetzaltepec

⁸ Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Isaías 62:8 ပူးပေါင်းရင်းမြစ်များ

Deuteronomio 28:33

Ja pëjktä'äky ets ja aaytyëëm ujtstëëm mëti'ipë ënety të xynyitunën, wiink ja'ay nëjkx tjë'kxy tpëky, mëti'ipë nikajëna'a të xy'ixyën. Ëxëëk nëjkx yë ja'ay xëmë mtunyë ets nijëna'a pën mkawinkutsë'ëkëtëty.

Deuteronomio 28:31

Mwintuuy yë ja'ay tyaj'ookëty yë mtsajpkaa, e yë nyitsu'utsy nitu'k'aaw xykyajawëty. Jëtu'un xyjya'ixëty ko yë ja'ay tmëtso'onëty yë mkrukts ets mjajëjp'ixëp jatëkok mooywyimpitëtëty; yë mtsajppax mkupixyny yë mëtsip nëjkx tjä'ä'ajta'ay, oy jënu'un xyjyanitsiptunëty nitii nëjkx xykyatuny.

Ezequiel 20:5

Jëtu'un xy'ënëëmëty: Jëtu'un yë Wintsën y'ënä'äny: Koos ojts nwin'ixy yë Israel kajpn, ojtsës mëët yë käjpxytyu'unën ntuny yë y'u'unk y'ok ets ojtsës jap Egiptë nnänyikëxë'ëkyë. Mëët tu'uk ja mëj winma'any n'ënëmaaytyës: Ëjts jëtu'un Wintsënajtp, mëti'ipë miits m'ëwtajtëpën.

Jeremias 5:17

Nëjkxëp tjë'kxta'atë mëti'ipë të xynyiyu'u të xynyitunën, nëjkxëp tkaaytya'atë yë mtsajpkääky, yë'ëpaat yë m'u'unk m'ëna'k ye'etyëjkpë to'oxytyëjkpë nëjkx tsu'utstë. Ja mkupixyny ets ja mjëyujk mtsajpkaa wa'ats tsu'tsta'aja'antë, yë mtsatym kyam ets mxe'enky kyam wa'ats tyajpëtë'kta'aja'antë. Mëët yë tyi'pxnëty kyu'umënëty tyajkutëkoya'antë yë mnaax mkajpn mëti'ipë ënety mtijpyën ko tya'tspëkyëty ets kyëwent'atyëty.

Isaías 1:7

Anë'ëk tëëtsë'ëk ja mnaax mkajpn të wyë'ëmnë, aak tooy aak jäämnëp je'eyë ja naax kajpn. Ma mjëën mtëjkëtyën ja mmëtsip jap winë jyë'kxtëp mëti'ipë miitsëty të xynyitunëtën.

Deuteronomio 32:40

Tyamës yë nkë'ë nxajë'ëky etsës yam nikäjpxy maas ëjts kë'ëyxyëëw kë'ëyjyëmëjt njuuky'ätyën.

Isaías 45:23

Ëjts ojts kë'ëm nyänyikäjpxyë, tëëjës nikäjpxy koos nmëta'aka'any, ets jëtu'un jyänty tyuna'any jyänty jyata'anyë: nëjkxëp ni'ëmukë ja'ay xywyinkoxtänëtës ets nikajpxtë yë nxëëwës,

Isaías 54:9

Jëtu'un tääjës n'ënëmaayën ja Noé, ko ja mëk komtuu nyäjxy, ko ka'apës nijëna'a n'ëkyajtu'ujanë naaxwiiny naaxkëjxy. Jëtu'un tyam nikäjpxyës ko ka'ap nijëna'a mijts n'ëktukjoot'anpëkanë ets ka'ap n'ëkëtsu'ux ya'axanë.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Deuteronomio 28:30

Nëjkxëp xyjyanijämyëët'aty yë to'oxytyëjk, e wiink ja'ay nëjkx myëët'atyë. Nëjkxëp ja mjëën mtëjk xyjyakojy, e yë'ë ka'ap nëjkx xytyuktsëënë, mjanipëjktaakëp ja mtsatym kyam, ka'ap nëjkx xyjyi'kxy. Jä'ä ko wiink ja'ay nëjkx tjë'kxta'ay.

Isaías 59:16

Yë Wintsën wiink të t'ixy ko ni pën tkayaj'oyë ya'atë jotmay; ënät kë'ëm yë myëk'ajtën të tpëjktä'äky ets të tuny ijxtëm tsokyën ets tëë myëtä'äky.

Jeremias 31:5

Ets xykyojëty xymya'kxëty jatëkok ja m'tsatym ma Samaria kyopk jotmën, ja mëti'ipë tsatym kyojtëpën jotkujk, nëjkxëp tukxoonta'aktë.

Amós 9:14

Ënätës nyajmina'any ja nnaax nkajpnës mëti'ipë ënety të yajpaatyën tsumy matsy wiink naax wiink kajpn. Ets nëjkx tkoj'o'oyëtya'atë ja kajpn mëti'ipëjaty të jyityën ets jam jyuuky'atëty; nëjkxëp yë tsatym tniyu'ujëtë ets nëjkx t'uuktë yë tsatym nyëë; nëjkxëp tkojtë tpäntë yë y'ääy y'ujtsëty ets y'ääy kyepyëty mëti'ipë jyë'kxtëp pyëktëpën.