Isaías 62:5 - Biblia Dc en Mixe de Quetzaltepec

⁵ Jëtu'un tä tu'uk yë yä'äy ëna'k pyikyën mëët ja kiixy, jëtu'un ja Dios mpëka'anyë, nëjkxëp myaj'oyëty ets jotkujk nyäjyawëja'anyë mëët mijts tä tu'uk ye'etyëjk nyäjyawëtyën ko pyiky mëët ja tyo'oxytyëjk.

Biblia Mixe de Quetzaltepec

⁵ Jëtu'un tä tu'uk yë yä'äy ëna'k pyikyën mëët ja kiixy, jëtu'un ja Tios mpëka'anyë, nëjkxëp myaj'oyëty ets jotkujk nyäjyawëja'anyë mëët mijts tä tu'uk ye'etyëjk nyäjyawëtyën ko pyiky mëët ja tyo'oxytyëjk.

Isaías 62:5 ပူးပေါင်းရင်းမြစ်များ

Isaías 65:19

Ëjts jotkujkës nnäjyawëja'anyë mëët yë Jerusalén, ets xoonta'akaanpës mëëtës yë nnaax nkajpn, ka'ap nëjkx nijëna'a pën jyi'iy yä'äxy, ets ka'ap nëjkx nijëna'a pën myony tyuky.

Isaías 62:4

Ka'ap nëjkx m'ëk yajtijnë Tëë yaj'ëxmatsy ets ka'ap nëjkx mnaax mkam y'ëkyajtijnë Tëë kyutëkoy, yë mxëëw jä'ä nëjkx yajtijy Ëjts Ntsojkën, ets mnaax mkajpn jä'ä nëjkx yajtijy Ëjts Nto'oxytyëjk, jä'ä ko mijts yë Wintsën ni'ik mtsojkën'ajtëp, ets yë'ë jëtu'un itaanp tä mniye'etyëjkën ma mnaax mkajpnën.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.

Jeremias 32:41

Ëjts oyës nëjkx nnäjyawëty ko ënety oy jyuuky'atë, winë aaw winëjot nëjkx yaa nyajtsëënëtës ma ya'atë naax kajpnën.

Cantares 3:11

Miitsëty to'oxytyëjktëjkëty mëti'ipë yajpatëpën ma Jerusalén kajpnën, pëtsëmtë ets xy'ixtëty yë yajkutujkpë Salomón. Yë'ë myënëjkxyp yë kyujän mëti'ipë y'oytyuunën yë tyaak ko ënety pyiky y'uuky, ma ënety ja xyoontakën tpaatyën.

Cantares 4:8

Tsojk ntso'onëmë yaa Líbano, to'oxytyëjk mëti'ipës mpëkäämpyën; tsojk yaa Líbano ntso'onëmë. Najts'ixë yë joyjyot ma Amaná kopkën, jam m'ijxtsoonëty ma Senir kopkën ets jampaat ma Hermón kopkën, ma kaa aankën, ma kuuyxyëpëjy aankën.

Oseas 2:19

Israel, mijts nto'oxytyëjk'atäämpy xëmëkyëjxm, mpëkäämpy n'uukäämpy tëy jaanty tä kyutukyëtyën ënä'ämënjoty, jä'ä ko ntsojky nja'ap ëmuumtu'ukjot.

Sofonías 3:17

Yë Wintsën, mëti'ipë mTios'ajtypyën, itkujky yajpaaty ma mijtsën, yë'ë maaytyääyëp winë ets myajtso'okanëp. Mtukxoontakëp yë Wintsën. Yë tsyojkën jya'awën yë'ë mjuukyajtën yaj'ajämëjäämpy; ets tyukxoonta'akäämpy ko ënety jotkujk yajpaaty

Oseas 2:21

Ëjts Wintsën, ëjts jëtu'un ënaanpës: Jä'ä xëëw nëjkxëpës yë tsajp n'ëtsoy, e yë tsajp nëjkxëp yë naaxwiinyëtë t'ëtsoowinpity.

Malaquías 3:12

Nëjkxëp nitëkokyë ja naax kajpn mtijëtë, ko jotkujk miits myajpaatë. Ëjts Wintsën mëti'ipë maaytyääyëpën winë, ëjts ënaanp.