Isaías 61:1 - Biblia Dc en Mixe de Quetzaltepec

¹ Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Biblia Mixe de Quetzaltepec

¹ Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Isaías 61:1 ပူးပေါင်းရင်းမြစ်များ

Salmos 102:20

ets tmëtoowkukëja'any yë jyi'iyënëty yaxënëty ja tsumjyä'äytyëjk, ets tyajtso'oka'any ja ja'ay mëti'ipë yi'iyë y'ëwxijnëp ja o'kën;

Salmos 147:3

Yë'ë yajtsokpy mëti'ipë jya'apën yë y'aaw jyot amo'ots tukmo'otsë ets tnipijt tnimojtsë ja tsyëtyut.

Salmos 149:4

jä'ä ko Dios tyukxoontäkpy yë nyaax kyajpn; yajmëtäkpy yë ja'ay yu'unk naxymyëpë jyuuky'atën.

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Salmos 22:26

Kaytyë uuktë, miitsëty ninu'un ëxëëk myajtun myaj'ënëëmëtën, kaytyë uuktë ku'uxyë; Miitsëty ninu'un xy'ixta'atën yë Wintsën, mëjjawëtë ets mjuuky'atëty jeky.

Salmos 25:9

ets tyu'uwinwoopy tyu'uwinwijtsyp yë ja'ay mëti'ipë yu'unk naxym ja'ay'ajtpën. Tyukni''ijxëp wi'ix winë oy tunëtyën.

Salmos 34:18

Yë Wintsën winkon yajpaaty ma ja'ayëtyën mëti'ipë jya'awëtëpën yë jyot wyinma'any ama'ats tukma'atsë ets ka'apë tii t'ëkjëjp'ijxnëtën.

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Dios të mwin'ixyë, yë Dios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Salmos 51:17

Yë'ë Dios wyintsë'kën'ajtyp jot ja'awën yu'unkpë naxymyëpë, Mijts Dios, ka'ap xy'ixtijy yë jot ja'awën mëti'ipë näjya'awëyëpën piw nuuk.

Salmos 68:7

Mijts Dios, ko ojts xywyoowtsoony ja mnaax mkajpn ets ojts xywyoownëjkxy të'ëts'itjotm,

Salmos 69:32

Ko jëtu'un t'ixtëty, tääts jotkujk nyäjyawëja'anëtë mëti'ipë ënety mon tuk yajpatëpën, ets jyot wyinma'any oy tsuj tjawëja'antë mëti'ipë Dios y'ijxtaaytyëpën.

Éxodo 28:41

Jëtu'un xyoxëty ja m'ajty Aarón ets ja y'u'unk y'ëna'k ets xytyukkujaaxëty ja waaytsyooy ma kyëpajkën ets xymyëtuntëtyës jëtu'un tä teetytyëjkëtyën.

Éxodo 29:7

Tääts xypyëjkë'ëkëty ja on mëti'ipë yajtukkënu'kxpën ets xykyënu'kxëty ja Aarón ko tyeetyëjkënë, jam kyëpajkëjxm jam ja on xykyëxtämëty.

Isaías 29:19

Ja ja'ayëty mëti'ipë yu'unk naxym yajpatëpën xoonta'akantëp jatëkok ma Wintsënën, mëti'ipë ëyoow jotëkooytyëpën jotkujk nyäjawëja'anëtë ma Tiosën mëti'ipë Israel ja'ayëty y'ëwtajtëpën.

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënety tmëtoy mjë'ëy myä'äxy, je'eyë tmëtoowpaatëty ko ënety xy'amëtoy ja näypyutëkë, ënätyë mputëkëja'anyë.

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënet ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Isaías 32:7

Ja ja'ay mëti'ipë ka'ap ja jyot wyinma'any y'oyëtyën, ma'atjaty ja aaw ayuk tkäjpxy; yi'iyë myëmääpy myëtäjpy ka'apë y'oyëtyën; y'ëxëëk tuumpy ja ëyoopëja'ay ko wyin'ëëny ets y'ëxëëk tuumpy näjyëtu'un ja mëti'ipë tii yajmëyäjtypyën.

Isaías 40:9

Jam mpätëty Sión, tunkëjxm ets jam mëk mkukajpxnaxëty, jam xynyikajpxëty ja oykyäjpxy oymyëtyä'äky. Këtii mtsë'ëkë mijts Jerusalén, amëk jotmëk timkajpx, tukmëtoowta'a ja Judá y'itjot nyaaxjot: Tyaa ja Dios mëti'ipë miits mTiosajtëpën.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Isaías 42:7

Ntsojkpyës ets xyaj'ijxë'ëkëty ja wiints, xyaj'ëwaatsëpëtsëmëty ja tsumjyä'äy, mëti'ipë api'its akoots yajpatëpën.

Isaías 48:16

Winkontë yam ma ëjtsën ets xymyëtoow'itëty ya'atë aaw ayuk: Ëjts nijëna'ajës ojts ayu'utsy ame'tsyë tii nkakäjpxy; tam'ajtpës ko winë tyunyë jyätyë. E ëjts Wintsën tëëjës nmo'oy yë kuttujkën ets nyëjkxëty.

Isaías 49:9

ets yaj'ënëëmëty ja tsumjyä'äytyëjk: Pëtsëmtë jap pujxn tëkoty ets mëti'ipë akootstuuy yajpatëpën: Wä'än jëntyuuy tyajpaatë. Ets jam të'ëts'itjotm yajpaataanp ja aay ujts oy tyimmaajëty mëti'ipë ja jëyujk tsajpkaa jyë'kxtëpën.

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Isaías 52:9

Tukyaax tukjokëtë ko të mmëta'aktë, mijts Jerusalén kajpn ma axit ako'owë të myajpaatyën, jä'ä ko tëë yë Wintsën tpa'ëyoy yë nyaax kyajpn ets tëë tyaj'ëwaatsëpëtsëmy yë Jerusalén kajpn.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 57:18

Tëës n'ixy ntuny wi'ix winma'any tmëëtëtyën, je'eyëp ko tëëjës ntuknipëjktaakë koos nyajtso'oka'any etsës po'kxën ntuk'ixa'any ets y'itëty akujk jotkujk. Nyajjotkujkta'akäämpyës tëkokyë mëti'ipë mon tuk yajpatëpën,

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Jeremias 34:8

Ojts ja Wintsën tmëkäjpxy ja Jeremías, tëë ënety ja Sedequías yajkutujkpë tuny tu'uk ja käjpxytyu'unën mëët ja mayjyä'äy mëti'ipë kukajpnajtëpën jam Jerusalén, yë'ë ënety të tkäjpxy'atë ets tyaj'ëwaatsëpëtsëma'antë ja ëyoopë mëtuunpë.

Jeremias 52:33

Ko ja Joaquín jap pyëtsiimy pujxn tëkoty, ojts tjäänë ja wyit mëti'ipë jap pujxn tëkoty myë'ijtypyën ets ja oypyë ja wyit tuktëjkëy. Jëtu'un mëët tu'ukyë kyääy y'uky ja Babilonyë yajkutujkpë ets jam tsyënaay, mapaat jyaak juuky'äjtyën.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Oseas 6:1

Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

Miqueas 3:8

E ëjts, tëëjës yë Wintsën yë mëjaaw, tëy'ajtën ets jotmëk'ajtën xymyo'oy täätsës yë Israel ja'ayëty ntukwinmëtowtëty wi'ix yë Wintsën tmëtëkoytyën.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Mateo 3:16

Ko ja Jesús nyëëpäjtaay, ënät pyëtsiimy nëëjoty. Tääts ënätyë y'ëwatsy ja tsajp ets t'ijxy ja Kënu'kxymyëkajtën nyikëtä'äkyë ijxtëm tu'uk ja pakën.

Lucas 7:22

ets y'ëtsoowinpijty: Nëjkxtë ets xytyuk'ëwaanëtëty yë Juan wi'ix yaa të xy'ixtën. Tukmëmëtya'aktë ko ja ja'ay wiintspë y'ijxpëktë, ko tekymya'atpë ye'eyë'ëktë, ko pu'uts mëëtpë tsyo'oktë, ko natpë myëtoowpëktë, ko o'kpë jyuukpyëktë ets ko ëyoopëja'ay ja oy aaw oy ayuk yajtuk'ëwaanëtë.

Juan 1:41

Yë'ë ojts tpaaty ja myëkä'äx Simón ets t'ënëmaay: Tëës npaaty ja Mesías mëti'ipë griego ayuk niwijpën Kristë.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Dios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Dios ja kyajpnën jä'äkyëjxm koos xymyëpëktë.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

2 Corintios 3:17

Jä'ä ko yë Wintsën yë'ë Kënu'kxymyëk'ajtën'ajtp; ma ja Kënu'kxymyëkajtën yajpaatyën tam'ajtp ja nitsokën.

2 Corintios 7:6

E ja Dios mëti'ipë yajjotkujk'ajtypyën ja mon tukpë yajpaatyën, tëëjës xyajjotkujkta'aktë ko të jyä'ty ja Tito.

Hebreos 1:9

Ko mijts të xytsyoky ja oypyë ets të xy'ëxëëk'ixy ja ëxëëkpë; paatykyëjxm ja Dios mijts të mwin'ixyë, mëti'ipë mTios'ajtypyën, ets të mmo'oyë wäänëni'ik ja xoontakën këtiinëm ja mmëku'uktëjk.