Isaías 60:9 - Biblia Dc en Mixe de Quetzaltepec

⁹ May kepy nëëwinye'epyë miintëp, mëti'ipë tso'ontëpën Tarsis, yë'ë tsyëëmiintëp yë m'u'unk m'ëna'k, mëët yë poop pujxn ets pu'ts pujxn, ets tukwintsë'ëkëja'antë yë mWintsën, mëti'ipë wa'ats Tios'ajtpën ma Israel ja'ayëtyën, mëti'ipë myajmëjnajxëpën.

Biblia Mixe de Quetzaltepec

⁹ May kepy nëëwinye'epyë miintëp, mëti'ipë tso'ontëpën Tarsis, yë'ë tsyëëmiintëp yë m'u'unk m'ëna'k, mëët yë poop pujxn ets pu'ts pujxn, ets tukwintsë'ëkëja'antë yë mWintsën, mëti'ipë wa'ats Tios'ajtpën ma Israel ja'ayëtyën, mëti'ipë myajmëjnajxëpën.

Isaías 60:9 ပူးပေါင်းရင်းမြစ်များ

Génesis 9:27

Dios yajkutukëp yë Jafed ets myëjëty kyëjääjëty; ets jam näjyëtu'un jyuuky'atëty ma ja Sem ja tsyënaaytyaknën, ets yë'ë näjyëtu'un wya'anëp tuunpë yë Canaán.

1 Reyes 10:1

Ja to'oxytyëjk mëti'ipë jam Sabá yajkutujkpën ojts tmëtoy'äty ko ja Salomón mëj'äämpy ja'ay nyikäjpxyë oy tyimmaajëty, mëët ko ja Wintsën ënety jëtu'un të tuknipëjktaakë; ënät tnitso'ony ets tninëjkx jam Jerusalén ets t'ëk'ixa'any wi'ix ja Salomón wyijyëtyën, ojts tuknipëjktaakë tsipëtypë yajtë'ëwën. Ko jyäjty mëj'äämpy jyä'äjty may ja tyuunpëtëjk, ets tmëmiiny may'äämpy ja ujts mëti'ipë pa'akxu'kpën ets tsowëtyën, may näjyëtu'un tmëmiiny ja pu'ts pujxn ets ja tsaa oyëtypë. Ko jam jyä'äjty ma Salomón yajkutukyën, ojts tyajtëëwta'ay tëkokyë winë mëti'ipë ënety të tnimay të tnitajën.

1 Reyes 10:22

Ëpëky ja yajkutujkpë tmëët'ajty ja kepy nëëwinye'epyë jam Tarsis, jam mejyjyotm, mëët ja kepy nëëwinye'epyë mëti'ipë jam Hiram tso'ontëpën. Wintëkëëk jëmëjtëty ijty tmëmintë ja pu'ts pujxn, poop pujxn, oyëtypë tsaa, patutkëty ets mikë.

1 Reyes 22:48

Josafat ojts t'oytyuny kepy nëëwinye'epyë kanaak, jëtu'unpë tä jamën Tarsis ets yë'ë tuktsëëmina'any yë pu'ts pujxn mëti'ipë yajtso'ontëpën Ofir; je'eyëp ko ojts jyatsoontë ka'ap jam jyajtë jä'ä ko ojts ja mya'ta'ay jam Ezión-géber.

1 Reyes 8:41

Nëjkxëp jëna'a xëëw jëmëjt tpaaty ma wiink naax wiinkajpn tnijawëtëtyën ja mxëëw ets wi'ix ja mëj'ajtën xymyëëtëtyën.

Salmos 48:7

Jëtu'un tä mëkpoj myinyën anajnytsyow, mëti'ipë yajma'typën yë kepy nëëwinye'epyë jampë yajpaatën Tarsis.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

Salmos 97:1

Xoonta'aktë naaxwiinyëtë apëtsëmy, xoonta'aktë miitsëty naax kajpn tu'këëyi'ikpyë muum yajpaatën mejyjoty, Yë Wintsën, yë'ë yajkutujkp.

Éxodo 33:19

E yë Dios tyaa y'ëtsooy: Tëkokyës yë n'oyjot n'oywyinma'any mijts yam nmo'ojäämpy ets mijts mwintuuy nikajpxa'anyës yë nxëëwës. Npa'ëyowëpës pën ënety npa'ëyowäämpyës ets nnajts'ëyowëpës pën ënety nnajts'ëyowëjäämpyës.

Proverbios 18:20

Yë aaw ayuk yajjotkujkëp yë winma'any; jëtu'un tä ja'ay kyu'uxyën ko kyäy.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 2:16

mëti'ipë jëtu'un näjya'awëtëpën tä ja kepy nëëwinye'epyë jampë Tarsis, tä ja kepy nëëwinye'epyë oyjyätyëtypë.

Isaías 24:15

Jampaat ma ja xëëw pyëtsimyën ets ma ja mejypya'ajën, nëjkxëp ja Wintsën xymyëjpëjkta'aktë, mëti'ipë Tyios'ajtëpën yë Israel ja'ayëty.

Isaías 42:10

Tukwin'ëwtë ja Wintsën jemyjyätyëtypë ëy; jampaat muum jëkäm wiink it wiink naaxwiinyëtë; oy yë'ëjëty mëti'ipë yajpatëpën nëëwiinkëjxy mëjpëjkta'aktë yë Wintsën, ets oy yë'ëjëty aayjëyujk ujtsjëyujk, tëkokyë ja'ay mëti'ipë yajpatëpën ma ja naax kajpn mejy ëkë'ëypyë.

Isaías 42:4

Ka'ap nëjkx pyo'kxy ets ka'ap nëjkx y'ënu'kxë, koonëm tyajnaaxkëta'akëty ja oypyë ja nipaye'eyën naaxwiiny naaxkëjxy. Ja naax kajpn nëjkxëp t'amëtoow'itë ja y'ijxpëjkën.

Isaías 43:4

Jä'ä ko ntsoky njawë, mëj këjää mijts mtsoowpaaty ets ntsojkpy nja'ap. Ko mijts njä'ä'ata'any ets nyajtso'oka'any, tëëjës mayjyä'äy ets naax kajpn nkë'ëyäky.

Isaías 43:6

Etsës n'ënëëmëja'antë ja anëkëjxmtsowpë: Yajwinpitë jatëkok, ja ëpa'tkë'ëytsyowpë n'ënëëmëja'antës: Ka'ap miits xyjyä'ä'atë, ëxmatstë. Yajmintë ja nnëëxës ets ja nmaankës mëti'ipë jëkäm ijtëpën, mëti'ipë wiink naax wiink kajpn yajpatëpën,

Isaías 46:13

Ëjts tëëjës ntuknipëjktaakë ets jyää'atëty ja ëwaatsëtuuy'ajtën; yë nnitsokënës ka'ap mëpaat pyo'oxy ets ka'ap mëpaat jëkäm yajpaaty. Ëjts yë ëwaatsëtuuy'ajtën ntukpaatäämpy yë Sión kajpn, ëjts nmo'ojäämpy yë Israel ja'ayëty ja mëj'ajtën oyajtën.

Isaías 49:1

Mëtoow'ijtëkës yë n'aaw n'ayuk, miitsëty naaxëty kajpnëty ninu'un myajpaatën mejypyë'aay; mëtoow'itë yë n'aaw n'ayukës miitsëty naax kajpnëty jëkämpë yajpaatën: Ka'anëmës ënety nminyëm naaxwiiny koos yë Wintsën ojts xymyëkäjpxy; nxëëwës ojts xytyukmëkäjpxy ma ënety jap nyajpaatynyëmës ntaakës jyootjoty.

Isaías 49:22

Tääts ja Wintsën y'ënä'äny: Ëjts tyamës yë naax kajpn n'ënëëmëja'any ets tu'uk yë ijxpäjtën nmo'oja'anyës ets tyajmintëty ja m'u'unk m'ëna'k ye'etyëjkpë to'oxytyëjkpë, jëtu'un tä ja'ay tpatseenyën yë y'u'unk ëkë tä kejkyijxy tmëye'eyën.

Isaías 51:5

Tim tëë jëtu'un maas nmëta'aka'anyën, miimp këtakp ja xëëw jëmëjt maas ja ëwaatsëtuuy'ajtën nyajnaaxkëta'aka'anyën; Mëëtës ja nkutujkën n'ënä'äma'any ja naax kajpn. Ja naax kajpn mëti'ipë yajpatëpën mejypyë'aay ëjts xy'ëwxitantëp ets yë'ë tyukjotkujk'atantëp ja nmëk'ajtënës.

Isaías 55:5

Nëjkxëp xyajminy wiinkëtypë naax kajpn mëti'ipë ënety ka'ap të xy'ixy'ätyën ets ja naax kajpn ka'apë m'ixy'ätyën, pëyi'ikyë nëjkx mniminyë, jä'ä ko mëti'ipë Wintsën'ajtpën, ja wa'ats Dios, mëti'ipë jam yajpatpën ma Israel kajpnën, tëë nyajmëjnaxy.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

Isaías 60:4

Ijxë'ëk koowë'ëk ets ijx'ëwtit mwintuuy mpë'aay: Aak tu'ukmujktaaynyëtëp yë ja'ayëty ets mnimiinëtëp. Jëkämpaat muum ja m'u'unk ëna'k tsyo'onëtë; ets ja mnëëxëty jëtu'un myintë tä jeexyë yajtsään yajkontën.

Isaías 60:6

Yajxon xy'ixëty nimay myintë ja jëyujk jëku'uxëty mëti'ipë tso'ontëpën Madián ets Efá; miinta'ajantëpë Sabá ja'ayëty, myëminantëp yë pu'ts pujxn ets poom, ets tmëjjawëja'antë yë myëj'ajt y'oyajtën yë Wintsën.

Isaías 66:12

Jä'ä ko ëjts Wintsën, ëjts ënaanp: Nyajminäämpyës yë jotkujk'ajtën tä mëjnëëjën, Ja naax kajpn mëjwiin këjääjës ntuk'ixa'any ja wit meeny. Yë'ë nëjkx myajkay myaj'uukëtë, yë'ë nëjkx mtsäänëtë ets mwinxon mwin'itëtë.

Jeremias 3:17

Ënet nëjkx yë Jerusalén kajpn yajtijy yë Wintsën yë kyutujktakn, jam nëjkx nitëkokyë yë naax kajpn tyu'ukmujkta'atë ets nëjkx xynyixëëwtuntës ets ka'ap nëjkx nëkoo y'ëknätyukwin'ë'ënënëtë ja jyot wyinma'anyëty.

Jeremias 30:19

Jap nëjkx ja'ay tkukajpxëtë tja'awëkyëta'aktë ets nëjkx xyi'iktë xyontë. Yë ja'ay niwäänëpë, ni'ikyës nyajnimayëja'antë. Ëjts ka'apës ni pën n'ixtija'any, ni'ikyës ntsoka'an njawëja'antë.

Ezequiel 39:7

Ëjts ntsojkpyës ets nxëëwës wa'atspë yajnijawëty ma Israel kajpnën ets ka'apës nkupëka'any ets nëxi'iky tukxi'iky wyë'ëmëty. Nëjkxëp wiinkëtypë naax kajpn tnijawë ko ëjts wa'atsës yë nxëëw nyaj'ity ma Israel.

Miqueas 4:13

Pëtë'ëk ets yajpajk'at ja mtsajpmok mijts Sión kajpn. Jä'ä ko yë Wintsën jëtu'un y'ënä'äny: Jëtu'un nyajmëk'ata'any tä tu'uk yë tsajpkaa ëna'kën, mëti'ipë wyaj juunën jëtu'un tä juunpujxnën ets jëtu'un yë tyekxyooky tä tsuxkpujxnën ets ëxëëk xytyunëty may ja naax kajpn. Mijts nëjkx xypyëjkëtyä'äy ja wyit myeeny mëti'ipë të tpaatyën ko ëxëëk të y'ëti'itsy të y'ënä'äny ets nëjkx ëjts xytyukmëyoxyës, ëjts Wintsën mëti'ipë nyiwintsën'ajtypyën tëkokyë yë naaxwiinyëtë.

Miqueas 7:12

Miimp ja xëëw po'o ma ja ja'ay mniminëtëtyën mëti'ipë wiinktsow tso'ontëpën; minantëp ja ja'ayëty mëti'ipë Egiptë tso'ontëpën ets jampaat Asiria, mëti'ipë tsënaaytyëpën Nilë ets jampaat Éufrates, mëti'ipë tso'ontëpën ma mejy nyäpyäätyë ets ma ye'eymyukyën, mëti'ipë tso'ontëpën tunjotypë kopkjotypë.

Sofonías 2:11

Atsë'ëk ajawë yë Dios tyuna'anëtë. Yajkutëkooytya'ajäämpyë yë tios mëti'ipë ja'ay y'ëwtajtëpën ets yë'ë nëjkx tu'ukyë yaj'ëwtaty oymyaajëty.

Zacarías 14:14

Ënet nëjkx ja Judá ja'ayëty ets ja Jerusalén ja'ayëty pyëtë'ëktë ets tpëjkëtya'atëty ja naax kajpn ja wyit myeeny, ja poop pujxn ets pu'ts pujxn ets wit tujkxy.

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Juan 17:26

Tëës ntuk'ëwaanëtë mpën mijts ets njaaktuk'ëwanëjantëpës, ets ja tsojkën ja'awën tmëët'atëty mëti'ipës mijts të xymye'eyën ets nyajpaatëtyës ma yë'ëjëtyën.

Hechos 9:15

Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

Gálatas 3:26

Dios miits tyam ni'ëmukë m'u'unk'ajtënëtëp ko të xymyëpëktë ja Jesukristë,

Gálatas 4:26

E ja Jerusalén tsajpjotmëpë, ëwaatsëtum jä'ä ets jëtu'un tpaaty ijxtëm jeexyë ëëts yë'ë nwintaj'ajtëmën.

Josue 9:9

Tää y'ëtsoowtë: Ëëtsëty jëkäm'it ntsoontës, nimintë yaa miitsëty mëët ko ja mWintsën Dios mëj'äämpy yajnikäjpxy jamtsow muum, tëëjës nijawë'atë ko ojts ja myëj'ajtën tyaj'ixyë mëjwiin këjää jap Egiptë,