Isaías 60:8 - Biblia Dc en Mixe de Quetzaltepec

⁸ ¿Pën tääpëty mëti'ipë pojjëtijtëpën yoots nëma'ajën, mëti'ipë nëjkxtëpën jëtu'un tä pak nyijkxyën ma y'ijtaknën?

Biblia Mixe de Quetzaltepec

⁸ ¿Pën tääpëty mëti'ipë pojjëtijtëpën yoots nëma'ajën, mëti'ipë nëjkxtëpën jëtu'un tä pak nyijkxyën ma y'ijtaknën?

Isaías 60:8 ပူးပေါင်းရင်းမြစ်များ

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.

Lucas 13:29

Jä'ä ko ye'eymukantëp ja naaxwiinyëtë ja'ay xiitsow yaatsow, anajny aka'any ets kyäya'antë jam ma ja Dios ja kyutujktaknën.

Hebreos 12:1

Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Dios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.

Isaías 60:4

Ijxë'ëk koowë'ëk ets ijx'ëwtit mwintuuy mpë'aay: Aak tu'ukmujktaaynyëtëp yë ja'ayëty ets mnimiinëtëp. Jëkämpaat muum ja m'u'unk ëna'k tsyo'onëtë; ets ja mnëëxëty jëtu'un myintë tä jeexyë yajtsään yajkontën.

Isaías 49:21

Ets nëjkx mmay mtajy: Ixës tyaapë n'u'unk nmaay may të ntimyajmooynyë. Ëjts ka'apës ijty u'unk ëna'k nmëëtëty; ëxwopy ixkexyës të n'ity ets ijxtëkoy ja'atyëkoy, ¿wi'ixës yë n'u'unk n'ëna'k të yä'knëtë? Nnätyu'ukës xëmë të nyaj'ixmatsy, ¿wi'ixën të myiinëtë n'u'unk n'ëna'kës?

Isaías 45:22

Naax kajpnëty jëkämpaatpë yajpaatën, nimiintëkës ets nyajtso'oktëty, jä'ä ko ëjts jëtu'un Tios'ajtp nätyu'uk, ka'ap maa wiinkpë.

Oseas 11:11

Tä joonën tsyoona'antë jap Egiptë ets myina'antë maas ëjtsën mëët ja; tä pakën tsyona'antë jam Asiria; ets nyajtsëënëja'antës jatëkok ma jyëën tyëjkëtyën. Ëjts, mëti'ipë Wintsën'ajtpën, ëjts yam jëtu'un ënaanpës.