Isaías 60:5 - Biblia Dc en Mixe de Quetzaltepec

⁵ Mijts, ko ënety jëtu'un xy'ixy nëjkxëp mxoontä'äky ets jotkujk nëjkx mnäjyawëty. Jää nëjkx ja naax kajpn mëti'ipë yajpatëpën mejy pë'aay mtukniminyë ja wit meeny ets ja näypyutëkë.

Biblia Mixe de Quetzaltepec

⁵ Mijts, ko ënäty jëtu'un xy'ixy nëjkxëp mxoontä'äky ets jotkujk nëjkx mnäjyawëty. Jää nëjkx ja naax kajpn mëti'ipë yajpatëpën mejy pë'aay mtukniminyë ja wit meeny ets ja näypyutëkë.

Isaías 60:5 ပူးပေါင်းရင်းမြစ်များ

Salmos 119:32

Ëjts poj'amës njapatuunta'aja'any yë m'ënä'ämën mtëyajtën, jä'ä ko janty jotkujkës nnäjyawëty mijts xyaj'ity yë njot nwinma'anyës.

Salmos 34:5

Mëti'ipë këx'ijxtëpën ma Wintsënën, jotkujk wyiin jyëjp kyëxë'ëktë ets ka'ap nijëna'a ëxëëk wyë'ëma'antë.

Isaías 23:18

E ja wit meeny mëti'ipë ënety të tpaaty të t'ixyën, jä'ä nëjkx ja Wintsën yajtukmëyoxy, ka'ap nëjkx yajpëjkë'ëk; yë'ë yajmo'ojantëp ja ja'ayëty mëti'ipë myëtuuntëpën ja Wintsën ets tukjuytyëty yë kyääky y'uukyëty ets wyit tyujkxyëty.

Isaías 54:2

Yajmëjë yë m'ijtakn, yajkëjääjë yë mtsënaaytyakn; jëjptsumë yë mtejpxy, ta'tspëky nikupë,

Isaías 60:11

Ëwa'ats xëmë mtëjk'aaw y'ita'any, jëtu'un y'ita'any xëëny koots ets tyëkëtëty yë ja'ayëty mëti'ipë myëmiintëpën yë näypyutëkë ets nyaxtëty yë yajkutujkpëtëjk mëët yë jyä'äy.

Isaías 61:6

Jä'ä miitsëty myajtija'antë teety mëti'ipë Dios myëtuuntëpën. Nëjkxëp xytyukxon xytyuk'itë ja wyit myeenyëty ja naax kajpn, ets mëj'äämpy nëjkx m'itë ma yë'ëjëtyën.

Isaías 66:12

Jä'ä ko ëjts Wintsën, ëjts ënaanp: Nyajminäämpyës yë jotkujk'ajtën tä mëjnëëjën, Ja naax kajpn mëjwiin këjääjës ntuk'ixa'any ja wit meeny. Yë'ë nëjkx myajkay myaj'uukëtë, yë'ë nëjkx mtsäänëtë ets mwinxon mwin'itëtë.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Mateo 25:16

Ja tuunpë mëti'ipë ja meeny y'ëxajëyën mëkoxk mil, jä'ä ojts tyaj'u'unk'aty nän ja mëkoxk mil.

Hechos 10:45

Ja mëpëjkpëtëjkëty mëti'ipë ja Judá ijxpëjkën mëpëjkën tyuk'ijtëtyëpën, mëti'ipë ënety ja Pedro mëët të jya'tën, jä'ä ojts mëj'ixy t'ixtë ko ja'ayëty yajmo'otë ja Kënu'kxymyëkajtën mëti'ipë ka'ap jyutiis'atën,

Hechos 11:17

E jëtu'unës n'ëna'any, pën Dios të myo'ojëtë ja mëti'ipë ojts näjyëtu'un ëëtsajtëm nyajmo'oyëmën ko të nmëpëjkëmë ja Wintsën Jesukristë, ¿ëjts tiis natuunta'akëp etsës n'akajpxtukëty mëti'ipë Dios tëë tuknipëjktaakën?

Hechos 24:17

Koos të njëtity kanaak jëmëjt, ënät jatëkok të nwinpityës jam Jerusalén ets nyaka'anyës ja ëyoopëja'ay ja pyutëjkën, npëjkta'aka'anyës ja yoxy.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Dios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Romanos 15:26

Jä'ä ko tëë ja näypyutëkë tyajmuktë ja nmëku'uk'ajtëmë mëti'ipë jam tsënaaytyëpën Macedonia ets Acaya ets tuknikäxtë ja mëpëjkpëtëjk, ëyoopëja'ayëty jampë Jerusalén.

2 Corintios 10:15

Ka'apës yë'ëjëty ntukxoonta'aktë ja tuunk mëti'ipë wiinkëtypë të tuntën, yë'ëjës njëjp'ijxtëp ets miits mwinpätëty mëpëjkënkyëjxm etsës njaaktuntëty mëët miitsëty ijxtëm ja Dios tsokyën.

Deuteronomio 33:19

Nëjkxëp twowtë twitstë ja ja'ayëty mëti'ipë wiink kajpn tso'ontëpën, ets jam tu'ukmukyë xyoonta'aktëty, ma ënety tyaktën ja Dios ja wyintsë'kën mëti'ipë yë'ë y'oyjya'apën. Ja nëëjot nëjkxëp twinkay twin'uuktë, ja jyi'kxy pyiky näjyëtu'un tyajpëtsëmtëty tä ja nëë jëyujkën, ets jënu'un jam winë yajpaatyën nëëpë'am, mëti'ipë ka'ap nëkooyë pën t'ixyën.

Apocalipsis 21:24

Näy yë'ë kutë'kx kujajëtëp ja naaxwiinyëtë ja'ay ets ja naaxwiinyëtë yajkutujkpëtëjk tkë'ëyaktë jam ja wyit myeenyëty.

Apocalipsis 21:26

Jam ja naax kajpn tmënëjkxa'antë ja oyajtën tsujajtën ets ja wyintsë'kën.

1 Samuel 2:1

Jëtu'un ja Aná ojts ja Wintsën tkukajpxë: Wintsën, janty jotkujkës näjyawëty winë aaw winëjot ma mijtsën. Jä'ä ko mijts myaj'ajä'ämëp yë njot nmëjaawës. Jyëkyejpyës ëxëëkjaty ntijëty yë nmëtsiptëjkës, jä'ä ko mijts tëëjës xypyutëkë. Paaty janty jotkujkës tyam näjyawëty.