Isaías 60:19 - Biblia Dc en Mixe de Quetzaltepec

¹⁹ Mijts ka'ap nëjkx xyajmëyäty mxëëw ni'anëty, ëkë po'o koots mkutë'kxëtëty, jä'ä ko mijts kë'ëm ntimkyutë'kxäämp xëmë; ëjts mëti'ipës Tios'ajtpën, ëjts mijts nkutë'kxäämpy.

Biblia Mixe de Quetzaltepec

¹⁹ Mijts ka'ap nëjkx xyajmëyäty mxëëw ni'anëty, ëkë po'o koots mkutë'kxëtëty, jä'ä ko mijts kë'ëm ntimkyutë'kxäämp xëmë; ëjts mëti'ipës Tios'ajtpën, ëjts mijts nkutë'kxäämpy.

Isaías 60:19 ပူးပေါင်းရင်းမြစ်များ

Salmos 3:3

E mijts, Wintsën, mijtsës xy'akëëytyujkp xy'axajtujkp; mijtsës xytyukpatp ja mëj'ajt oyajtën ets mijtsës jatëkok xyajjotkujktakp.

Salmos 36:9

jä'ä ko jam yajpaaty ja juukyajtënkopk ma mijtsën, ets mëët ja mkutë'kxn yaj'ijxp ja të'kxën jajën.

Salmos 4:2

Miitsëty ninu'un mëj këjxm mnäyajnaxëtën, ¿Jëna'apaat ëxëëk maya'an mtaja'antë, mëët ëjts koos oy njuuky'äty, jëna'apaat yi'iyë xytyuunk'ata'antë ka'apë myëtëyëtyën ets ka'apë jyääntyëtyën?

Salmos 62:7

Dios yë'ë patëp xyajtso'okëtyës ets xymyo'ojëtyës jatëkok ja n'oyajtën, yë'ëjës xykyuwaanp ets yë'ëjës ntsoktakn'ajtyp.

Salmos 84:11

Jä'ä ko yë Dios mëti'ipë yajwintsën'ajtpën, yë'ë xykyutë'kx xykyujajëm ets xykyuwa'anëm; yë Wintsën tsyojkpy jya'ap ets yajmëj'ajtyp yë ja'ay mëti'ipë juuky'ajtëpën wa'ats, ka'ap nitii tukwintuk'ooky.

Salmos 84:12

Wintsën mëti'ipë maaytyääyëpën winë, janty jotkujk yë ja'ay yajpaaty mëti'ipë mijts mtuk'ijxpäjtëpën.

Isaías 2:5

Miitsëty Jacob yë y'u'unk y'ëna'k, mintë ets ni'ëmukë nye'eymyujk nnajxmujkmëty ma ja Wintsën ja nyëë'aaw tyu'u'aawën.

Isaías 24:23

Ko ënety ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.

Isaías 28:5

Jä'ä xëëw ja Wintsën mëti'ipë maaytyääyëpën winë, nëjkx jëtu'un nyäxy tä tu'uk yë yajkutujkpë kyujupën janty oypyë, tä tu'uk kumä'tnën mëti'ipë to'oxytyëjk wyääy tyukmajts'ijtëp mëti'ipë nëjkx ja naax kajpn tukmëjnaxtën mëti'ipë ënety të jyaakwë'ëmtën,

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënet ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Dios xytyukxoonta'akëty, ja Wa'atspë yajpaatyën jam ma Israel kajpnën.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënety ëjts xytyukjotmëk'aty.

Isaías 51:11

Jëtu'un nëjkx wyimpitë mëti'ipë ënety mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënety jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

Isaías 9:2

Ja naax kajpn mëti'ipë ënety api'its akoots yajpatpën, tëë ja të'kxën jajën tpaaty; ja kupi'its kukootspë ënety yajpaatyën, tëë ja kyuxëëntyä'äky kyujajtä'äky.

Zacarías 2:5

E yë Wintsën yë'ë ënaanp: Ëjts jëtu'un wa'anaanp kajpnnapotsën jëënmëëtpë ma Jerusalén kajpn pa'ajën ets kajpn itkujky nyaj'ita'anyës yë nmëj'ajt n'oyajtënës.

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Deuteronomio 10:21

Jä'ä ko miits xoontä'äky myajpaatë, e mëët yë'ëkyëjxm jëtu'un mxoonta'aktë. Jä'ä ko yë'ë mTios'ajtëp ets tëë yë myëj'ajtën mëj këjää tyaj'ixyë mëët miitskyëjxmëty, miitsëty tëë kë'ëm xytyim'ix xytyimtuntë.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Dios ets ja Kupixyny U'unk y'ajajy y'atë'kxy.

Apocalipsis 22:5

Ka'ap ja kootspë jam y'ita'any ets mëti'ipë ënety jam tsënaaytyëpën, ka'ap ja kutë'kxn tyajmëyata'antë, ni ja xëëw'an, jä'ä ko ja Wintsën, yë'ë jam kutë'kxëtëp ets yajkutukëtëp xëmëkyëjxm.