Isaías 60:15 - Biblia Dc en Mixe de Quetzaltepec

¹⁵ Ka'ap nëjkx naspëk nastunë m'ëk ijnë ets ka'ap nëjkx pën m'ëk ëxëëk'ijxënë; nän ka'ap nëjkx nätyu'uk m'ëkmoon m'ëktujknë, ëjts mijts nyaj'itäämpy xëmë, tsuj xoontä'äky ets jotkujk nëjkx y'itë ja m'u'unk m'ok.

Biblia Mixe de Quetzaltepec

¹⁵ Ka'ap nëjkx naspëk nastunë m'ëk ijnë ets ka'ap nëjkx pën m'ëk ëxëëk'ijxënë; nän ka'ap nëjkx nätyu'uk m'ëkmoon m'ëktujknë, ëjts mijts nyaj'itäämpy xëmë, tsuj xoontä'äky ets jotkujk nëjkx y'itë ja m'u'unk m'ok.

Isaías 60:15 ပူးပေါင်းရင်းမြစ်များ

Isaías 61:7

E mëët ko miitsëty ni'ik të m'ëyowtë, näjyëtu'un nëjkx ni'ik myajmo'otë ja näypyutëkë ets näpya'ëyowë, jëtu'unts akujk jotkujk xëmëkyëjxm mjuuky'ata'antë.

Jeremias 30:17

Nyajtso'okäämpy nyaj'akëta'akäämpy jatëkok, nyajtsooypyätäämpyës ja mtsëtyut, oy jënu'un yë mmëtsiptëjk jya'ëna'antëty: Yë Sión kajpn tëë yaj'ëxmajtsnë, ka'ap pën y'ëkmëmaay y'ëkmëtajënë. Ëjts Wintsën, ëjts ënaanp.

Jeremias 33:11

ja ëy xoontä'äky ets xuxën wojpën. Nëjkxëp ja pëjkpë ukpë yajwinxoonta'aktë ets ja ja'ay tyaka'antë ja wintsë'kën, tyajnaxa'antë ja kukajpxën.

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Isaías 65:18

Akujk jotkujk xëmë myajpaatëty, koos winë nyajkoja'any, nyajkojäämpyës yë Jerusalén kajpn oypyë ma ja ja'ay jotkujk jyuuky'atëtyën.

Isaías 6:12

ko ënety ja kunaax kukajpn të yajmënëjkxta'atë wiink naax wiink kajpn tsumy matsy, ets ko ënety ja kajpn tukwa'ats të wyi'imy.

Apocalipsis 11:2

Je'eyëp ko këtii xykijpxëty ja Dios ja tyëjk tëja'aw, jä'ä ko tëë yë ja'ay yajkë'ëmo'otë mëti'ipë ka'ap jyutiis'atën, mëti'ipë y'ëxëëktunantëpën wëxtyikxy mäjtsk po'o ja wa'ats kajpn.

Isaías 4:2

Jä'ä xëëw ma ënety ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënety ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënety ka'ap nitu'uk ja ja'aynyën; tëë ënety ja jëën tëjk tyukwatsta'ay, ets tëë ënety ja kam tu'u y'awinpijta'ay anë'ëk tëëtsë'ëk,

Isaías 62:4

Ka'ap nëjkx m'ëk yajtijnë Tëë yaj'ëxmatsy ets ka'ap nëjkx mnaax mkam y'ëkyajtijnë Tëë kyutëkoy, yë mxëëw jä'ä nëjkx yajtijy Ëjts Ntsojkën, ets mnaax mkajpn jä'ä nëjkx yajtijy Ëjts Nto'oxytyëjk, jä'ä ko mijts yë Wintsën ni'ik mtsojkën'ajtëp, ets yë'ë jëtu'un itaanp tä mniye'etyëjkën ma mnaax mkajpnën.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Nahúm 2:2

Jä'ä ko yë Wintsën yajjotkujkta'akäämpy jatëkok yë Jacob, mëti'ipë yë Israel mëj'äämpy yajnajxëpën ets jatëkok jotkujk tyaj'awinpita'any tä ijty tëëyëpën ma ënety ka'anëm jëtu'un jyätynyëmën tä yë tsatym kyepyën tëëpë xye'enty yajnëwäjxta'ayën.

Zacarías 7:14

Paatyës nyaj'aye'eywya'kxtaaytyë, tä jeexyë pyojwa'kxtën mëët yë pojxujtyk, xiitsow yaatsow ma ja naax kajpnëtyën mëti'ipë ënety ka'ap t'ixy'atën ets ja nyaax kyajpnëty aanë'ëk tëëtsë'ëk y'awinpijty, ni pën jam kyatsëënëjany. Janty oy ënety tääpë kajpn të yajpaaty e yë'ëjëty mon tuk tyaj'awinpijtë.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.