Isaías 60:13 - Biblia Dc en Mixe de Quetzaltepec

¹³ Jëtu'un yë Wintsën t'ënëmaay yë Jerusalén: Jam yë mwit meeny tsyoona'any Líbano: Oykyepy, tsiin kepy ets ajë kepy mëët yaj'oytyunëty yë ntsajptëjkës, ets oy kyëxë'ëkëty maas nnajtswa'akëja'anyën.

Biblia Mixe de Quetzaltepec

¹³ Jëtu'un yë Wintsën t'ënëmaay yë Jerusalén: Jam yë mwit meeny tsyoona'any Líbano: Oykyepy, tsiin kepy ets ajë kepy mëët yaj'oytyunëty yë ntsajptëjkës, ets oy kyëxë'ëkëty maas nnajtswa'akëja'anyën.

Isaías 60:13 ပူးပေါင်းရင်းမြစ်များ

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

1 Crónicas 28:2

Ënet ja David wya'akë'ky ets y'ënäny: Mëtoow'ijtëkës jëëkyëty mëku'ukëty ets miits naax kajpnëty: Ëjts jä'äs ënety të nmay të ntajy nkoja'anyës tu'uk yë tëjk ma Wintsën yë kyaaxë yajpëjkta'akëtyën ma xëmë y'itëtyën ets jam yajkutukëty; e tëëtsës ënety njanipëjktakëtyä'äy tiijaty tunaanpën.

Salmos 132:7

Tsojk nja'amëmë ma Wintsën yë tsyajptëjkën; wä'än nnäkyoxtënaaytyakëmë ma yajpaatyën.

Salmos 96:6

Mëj jam yë të'kxën jajën yajpaaty ma yë'ëjën. Yë'ë jam yajpatp ma tsyajptëjkën mëk'ajtën ets oypyë tsujpë.

Isaías 66:1

Jëtu'un yë Wintsën y'ënä'äny: Ëjts jamës nkutujktakn tsajpjotm, e naaxkëjxy ntekyës jää nyaj'ijtyp. ¿Maas yë njëën ntëjk xynyakojtëty? ¿Maas xynyayajpo'kxa'antë?

Isaías 55:13

Tsiin nëjkx jam yony ma ijty y'äpnyjyotëtyën, pëjy nëjkx jam yony ma ijty pyaxnteenyjyotëtyën; ya'atë nëjkx tyajmëjnaxy ja Wintsën ja xyëëw, ijxpäjtën nëjkx wyi'imy xëmëkyëjxm ets jeky y'ita'any, ka'ap nijëna'a kyutëkoyä'äny.

Esdras 7:27

Ënet ja Esdras tmëpëjktsooy ja Wintsën ets t'ënëmaay: Kënu'kxy mëjjawë mijts Wintsën teety m'ity mëj këjää, mëët ko të xy'atëk të xytyuktëkë ja yajkutujkpë ets tmëmay tmëtajëty ja mtsajptëjk jampë yajpaatyën Jerusalén,

Salmos 99:5

Mëjjaw kënu'kxyjyawëtë yë Wintsën, mëti'ipë nTios'ajtëmën; yë'ë wiinkoxtänëtë ets ëwtatë. Yë Dios, wa'ats yë'ë.

Isaías 60:7

Tu'kë'ëyë tsajppaxëty kupixynyëty jampë tyänëtën Quedar, aakmijts mjä'ä'atäämpy; yë kupixyny ayääkë jampë myäytyänëtën Nebaiot, aakmijts nëjkx xyajtuny ets Wintsën xytyukwintsë'ëkëty ma ja wintsë'këntyaknën ets oy xyuukëty jyokëty, jëtu'unts yë tsyajptëjk janty'oy ni'ik kyëxë'ëkëty.

Ezequiel 47:7

etsës n'ijxpaty maykyepy nëëpë'aay mäjtskpa'ajëty.

2 Crónicas 2:15

E paaty ënät yam mijts n'amëtoy Wintsën ets xykyäxëty ja tsajpmok, ja mutsk mok ets ja uuky mëti'ipë të xywyinwanën.