Isaías 6:8 - Biblia Dc en Mixe de Quetzaltepec

⁸ Ënätës tu'uk ja aaw yo'kn të nmëtoowpaaty mëti'ipë ja Wintsën jyä'ä'ajtypyën ets y'ënä'äny: ¿Pënës ënät nkäxëp? Etsës të n'ëtsoy: Tyaajës ëjts, ëjts käjxk.

Biblia Mixe de Quetzaltepec

⁸ Ënätës tu'uk ja aaw yo'kn të nmëtoowpaaty mëti'ipë ja Wintsën jyä'ä'ajtypyën ets y'ënä'äny: ¿Pënës ënät nkäxëp? Etsës të n'ëtsoy: Tyaajës ëjts, ëjts käjxk.

Isaías 6:8 ပူးပေါင်းရင်းမြစ်များ

Génesis 1:26

Paaty y'ënäny: Tyam tsojk ënät nyajkojëm yë naaxwiinyëtë ja'ay. Jëtu'un y'ixë'atëty tä ëëtsajtëmën. Myëët'atëp yë ënä'ämën kuttujkën ma nëë jëyujkën, ma joon jëyujkën, ma ja jëyujkën mëti'ipë tsënaaytyëpën ma jëën tëjkën ets aay joty ujtsjotypë. Näyjyëtu'un myëët'atëp yë ënä'ämën kuttujkën ma ja jëyujkën mëti'ipë myox tyukye'epyën.

Génesis 11:7

Nikë tim oy'atëp yowë ko yë y'ayukëty ntimyajnäyjyo'pëmëty, këtiipë nyäjyä'äkyukëtëty yë'ëjëty.

Génesis 22:1

Tëkok yë Dios ojts yë Abraham twinma'any'ixy ets ojts tukmëkäjpxy yë xyëëw ets y'ëtsooy: Tyaajës jä'ä.

Génesis 3:22

ets y'ënäny: Tyam jëtu'un yë ye'etyëjk të y'awinpity tä ëëtsajtëmën. Jä'ä ko tyam nyija'ap mëti'ipë oy ka'oyën. Ijxkëm ënät näjyëtu'un tjë'kxpë ja aaytyëëm ujtstëëm mëti'ipë ja juukyajtën myëët'ajtypyën ets y'ëkjuuky'ajtnëty winë xëëw winë jëmëjt.

2 Samuel 1:7

Ko të nyäjyë'ixyë täätsës të xy'ijxpaaty etsës të xyaaxë. Ëjts tëëjës ninëjkxy etsës ntuna'any ja mëti'ipë ënety xytyuk'ënä'ämaanpën.

1 Reyes 22:20

Ënet ja Wintsën të tyajtëy pën nyinëjkxëp ja Ahab ets nëkoo je'eyë t'ëxëëkwinkajpxëty ets t'ënëëmëty ko mëët tsyiptunëty yë Ramot jampë Galaad y'itjotmën ets jam y'ookëty. Tëkatsyjyäty nixim niyam jyänty y'ëna'antë.

Isaías 65:1

Jëtu'un yë Wintsën y'ënä'äny: Ja ja'ayëty mëti'ipë ka'ap tii të xy'amëtowtënës, yë'ë ojts xynyimintës; mëti'ipës ënety ka'ap të xy'ixta'atën, nikë yë'ëjës të xypyaatë. Ja naax kajpn mëti'ipës ënety ka'ap të xymyëkajpxtën, yë'ëjës të n'ënëëmëtë: Tyaajës jä'ä.

Ezequiel 1:24

Ojtsës näjyëtu'un nmëtoy wi'ix ja kyäkn y'ëna'antë ko kyääkjëtitë: jëtu'un yajmëtoy tä mëjnëë y'iitsyën ko kyomy, tä kyäjpxyën mëti'ipë maaytyääyëpën winë, tä tsiptuunpëtëjk wya'kta'aktën. Ko wya'ak'oyëtë tääts ja kyäkn tkëëymyuktë.

Ezequiel 10:5

Ko ja tsajpjotmëtë kukexy ja kyäkn tyaj'ëna'antë yajmëtoop jappaat tsajptëjk ëkë'p, mëti'ipë tëja'ptsowën. Jëtu'un yajmëtoy tä jeexyë ja Dios kyäjpxyën mëti'ipë maaytyääyëpën winë.

Ezequiel 9:1

Ok tu'uk ja mëto'owën mëk nmëtooyës, mëk xytyatsk më''ënanës: Tää jya'të ja ja'ayëty mëti'ipë tyiytyunantëpën ja kajpn, aaktam tmëët'atë yë pyujxnëty mëti'ipë tyukyajkutëkoyantëpën.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

Hechos 22:21

Täätsës ja Wintsën xynyëmaay: Nëjkx, jam mijts nkäxa'any jëkäm ma ja ja'ay ka'apë jyutiis'atën.

Hechos 26:19

Mijts, yajkutujkpë Agripa, koos ja Jesús ojts jëtu'un xymyëkäjpxy tsajpjotm, ojtsës jëtu'un npatuny.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

1 Samuel 3:4

Ënet ojts myëkäjpxyë ja Wintsën: Samuel. Tyaajës, jëtu'un y'ëtsooy.