Isaías 6:13 - Biblia Dc en Mixe de Quetzaltepec

¹³ Oy ja ja'ay ënety jyaak wë'ëmtë jam kajpntum, nëjkxëp ja kyutëkoytyë näjyëtu'un, nëjkxëp jëtu'un jyäty tä tu'uk ja kepy yajwinpujxta'ayën yë y'ääy xye'enty tääts yi'iyë kepy kyopk jyaak wë'ëmy. E ma tääpë kepykyopkën, jamts ja jyi'tsk ok pyëtsëma'any.

Biblia Mixe de Quetzaltepec

¹³ Oy ja ja'ay ënäty jyaak wë'ëmtë jam kajpntum, nëjkxëp ja kyutëkoytyë näjyëtu'un, nëjkxëp jëtu'un jyäty tä tu'uk ja kepy yajwinpujxta'ayën yë y'ääy xye'enty tääts yi'iyë kepy kyopk jyaak wë'ëmy. E ma tääpë kepykyopkën, jamts ja jyi'tsk ok pyëtsëma'any.

Isaías 6:13 ပူးပေါင်းရင်းမြစ်များ

Génesis 22:18

ets tu'kë'ëyë yë naaxwiinyëtë ja'ayëty nkënu'kxta'ajäämpyës mëët mijtskyëjxm, jä'ä koos mijts të xymyëmëtoy.

Esdras 9:2

Yë'ëjëty ets ja y'u'unk y'ëna'këty ye'etyëjkpë tëë pyëjknëtë y'uknëtë mëët ja to'oxy'ëna'këty mëti'ipë tääpë ja'ayëty nyëëx'ajtëpën; tääts jëtu'un ja nätyuktëk nätyukwa'akë y'ijnë mëët tääpë ja'ayëty ka'apë kyunaax'at kyukajpn'atën. Yë'ë jëtu'un ëtëtsnëtëp mëti'ipë ja naax kajpn nyikopk'ajtëpën, tä yë kutuunktëjkëtyën.

Marcos 13:20

Ets ko ja Wintsën jeexyë tka''akajpxtuky ja ëyo'on, ka'ap jeexyë pën ja nitsokën tpaaty; tëë ja Wintsën tyaj'akony ja ëyo'on jä'äkyëjxm ko jam jyuuky'atë ja ja'ay mëti'ipë të twin'ixyën.

Malaquías 2:15

¿Ti këtii yë'ëjëty yë Dios të tyajkojy yë jot nini'kx ets jot ja'awënë? ¿E këtii yë'ëjëty yë Dios tsoky tjawë ets ja'ay yë y'u'unk y'ok tmëët'atëty mëti'ipë mëjjaw kënu'kxyjyawëtëpënë? Kë'ëm xykyëwent'atëty yë mjot mmëjaawëty ets këtii xytyukxi'iktëty ja m'ayukëty mëti'ipë ojts xytyukwinwanëtën ja to'oxytyëjk mëti'ipë mpëjktën m'uktën ko mpi'k ëna'k'ajtë.

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Romanos 9:5

Yë'ë y'u'unk y'ok ja y'aptëjkëty; yë'ë tsyikts'ajt y'aats'ajtëp, ma txëëwatën naaxwiinyëtë ja'ay, ma niTios'ajta'ayën winë, mëj'äämpy wintsë'ëkë y'itëty xëmëkyëjxm. Oy jyëtu'un'atëty.

Isaías 4:3

Ja ja'ayëty mëti'ipë ënety juuky të jyaakwë'ëmtën jam Sión, mëti'ipë ka'ap të y'ooktën ma Jerusalén kajpnën, ets mëti'ipë ënety jam jaaktsuxk'ajtëpën, jä'ä nëjkx yajtijtë Wintsën të yajtuknipëjktaakë.

Mateo 24:22

Ko jeexyë ja Dios ja ëyo'on jotmay tkayajkëxy tkayajnaxy, tsip jeexyë ets ja ja'ay tmëmëta'aktë, paaty tyajkëxa'any tyajnaxa'any jä'ä ko tsoky tjawë ja y'u'unk y'ëna'k mëti'ipë të twin'ixyën.

Deuteronomio 7:6

Jä'ä ko miitsëty tëë yë Wintsën mëti'ipë mTios'ajtëpën mwin'ixëtë, ko yë'ë mkajpn'ata'anëtë. Kanaak yë naax kajpn jää yajpaaty, e miitsëty tëë myajwin'ixtë ets mnaxtëty Dios yë kyajpn.

Isaías 11:1

Jëtu'un tä tu'uk kepy jyiitsyën, jëtu'un ja Jesé tu'uk ja jyä'äy pyëtsëma'any.

Ezequiel 6:8

Nyajtso'okäänpyës ja'ay nitu'uk nimäjtsk mëti'ipë ënety të kyäktso'oktën wiink naax wiink kajpn.

Amós 5:3

Jëtu'un yë Dios y'ënä'äny, mëti'ipë Wintsën'ajtpën: Ko tu'uk yë naax kajpn tkäxëty yë jyä'äy tsiptuunpë nitu'kmil, nimëko'px je'eyë juuky jyaak winpita'any; e ko yë kajpn tkäxëty yë jyä'äy tsiptuunpë nimëko'px, nimajk je'eyë juuky jyaak winpita'any.

Zacarías 13:8

Jawäänkakujkxwä'kxy nëjkx y'ooktë mëti'ipë yajpatëpën ma ya'atë naax kajpnën: Je'eyë nëjkx wyë'ëmtë juuky nän jawäänë kyakujkwä'kxyëty. E tääpë ënety juuky jyaakwë'ëmtën jëënjotyës nyajnaxa'antë; jëtu'unës nyajwintooywya'atsa'antë tä yë poop pujxn wyintooywyä'ätsyën, etsës nyajwa'atsa'any tä yë ja'ay pu'ts pujxn tyajwa'atsyën. Ënet nëjkx xymyëkajpxtës etsës nëjkx n'ëtsowtë. Ets nëjkx ntijtës Kajpn mëti'ipës nKajpn'ajtypyën, ets nëjkx xy'ëtsowtës: Yë Wintsën, yë'ë ëëts nTios'ajtëp. Ëjts Wintsën, ëjts ënaanp.

Deuteronomio 28:62

E mijts Israel kajpn oy ënety janty nimay të mjayajpaatë, yiin wään nëjkx mjaakwinkëta'aktë, e mëët yë'ëkyëjxm ko ënety ja mWintsën Dios të xykyamëmëtowtë.

Esdras 9:8

E yë'ë ënät näjyëtu'un nnikajpxäämpyës ma mijtsën Wintsën, mëët yë'ëkyëjxm ko xymyëët'aty ja oyjyot oywyinma'any paatyës të nyajmo'otë ja ëwaatsëtuuy'ajtën ets tëëjës nyajnajtsmatsëtë ets nkojtëtyës ja njëën ntëjkëtyës ma ja oynyaax kënu'kxynyaaxën; jëtu'un tä jeexyë ëëts jemy ja të'kxën jajën npaatën jëtu'un ëëts jatëkok të xyaj'ijxë'ëktë, jëtu'un ëëts jatëkok të näjyawëtë tä jeexyë xyajpo'kxtënës ma ëëts mëk nmëtun n'ëyowtën.

Miqueas 5:6

Mëët yë tëypyujxn nëjkx t'ënä'ämtë Asiria kajpn, ma Nimrod kyukajpn'ajtyën ets nëjkx xyajpëtsë'ëmëmë ëwaatsëtuuy ma ënety ëxëëk xytyu'unëmën yë Asiria ja'ayëty mëti'ipë të tsyëpa'anninaxtën ets ja nnaax'ajt nkajpn'ajtëm të tnitëkëtë.

Sofonías 3:12

Yë'ëjës nyaj'itäämpy ma mijtsën yë ja'ay mëti'ipë yu'unk naxym ja'ay'ajtpën, mëti'ipë nëjkx ëjts xytyuk'ijxpetyën.