Isaías 6:10 - Biblia Dc en Mixe de Quetzaltepec

¹⁰ Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Biblia Mixe de Quetzaltepec

¹⁰ Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

Isaías 6:10 ပူးပေါင်းရင်းမြစ်များ

Mateo 13:15

Jä'ä ko tëë ya'atë ja'ay jyot wyinma'any juun y'awinpitë, ëtuky yë tyatskëty, ets ëtuky yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë xynyiwinpitëtyës, ets jëtu'un ka'ap tjëkyepy nyajtso'oktëtyës.

Hechos 28:27

Jä'ä ko ya'atë ja'ay yë jyot wyinma'anyëty juun yajpaatë, ëtuky yë tyatskëty, ets pi'its yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë wyimpitëty ma ëjtsën, ets jëtu'un ka'apës nyajtso'oktëty.

Jeremias 5:21

Kajpn, ja ka'apë jyä'äkyukën ets ka'apë wyinma'anyën, mëti'ipë jyamëët'ajtypyën wyiin ets ka'ap y'ixy, mëti'ipë jyamëët'ajtypyën yë tyatsk ets ka'ap myëtoy.

Jeremias 6:10

Ënätës n'ëtsooy: ¿Pën jëtää y'ëkmëtowäämpy jëtu'unpë aaw ayuk koos nimëtya'akëty ets koos pën jëtu'un nja'ënëëmëty? Jëtu'un yajpaatë atsi'tstuky yowë tyatskëty. Ka'ap myëtowtë, ka'ap oy tmëtowtë yë m'aaw m'ayuk, je'eyë tnëxi'ik tukxi'iktë.

Zacarías 7:11

E yë naax kajpn kyäjpxyjyä'äykyujkëy, uum nat nyäpyëjktakë ets wiinktsow nyajts'ijxëtyë.

Isaías 63:17

Mijts Wintsën, ¿wi'ix ko të xyajkutuky ets ntu'utëkatstëtyës, etsës ni'ik ja njot nwinma'any mëk npëjkta'aktëtyës këtiipë myajwintsë'ëkëty? Yajtëkats ja mjot mwinma'any mëët ko xytsyoky xyjyawë ja mtuunpë ets ko xytsyoky xyjyawë ja mja'ay.

Isaías 29:10

Yë Wintsën tëë mtuknikäxëtë tsuu ma'ay. Yë käjpxynyajxpëtëjk yë'ë ja'ay tyukjotkujk'ajtëp je'eyëp ko jëtu'un yë Wintsën të tyunëtë tä jeexyë wit të yajtukwinkuwitsëtën.

Deuteronomio 2:30

E ja yajkutujkpë Sihón ka'ap t'a'ijxëy etsës jam naxtëty ma ja nyaax itjotmën. Jä'ä ko ja Wintsën, mëti'ipë miits mTiosajtëpën yë'ë ënety të tuknipëjktaakë ets ka'ap t'a'ixëty jam pën nyaxëty ets tjëkyäpëty wi'ix tkë'ëyakëtyën ma miitsëtyën, jëtu'un tä xy'ixtën tyampaat.

Salmos 17:10

Je'eyë nyämyëjawëtë, amëj akëjxm kyajpxtë myëtya'aktë.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Salmos 119:70

Yë'ëjëty tëë yë jyot wyinma'any jyo'ptaaynyëtë, e ëjts ntukxoontäkpyës mëti'ipës mijts xytyukni''ijxëpën.

Éxodo 14:17

Ëjts jëtu'un të ntuknipëjktaakës ets Egiptë ja'ayëty yë mëkjot mëkwinma'any tpaatëty ets mpapo'ojëtëty, jëtu'unës yë mëj'ënä'ämpë ntuk'ixa'any yë nmëj'ajtënës mëët nitëkokyë yë tsyiptuunpëtëjk, mëët yë kyepy wintëkäämpë ets mëët yë këwaayëty.

Éxodo 11:10

Yë Moisés ets Aarón ojts ya'atë mëj'ajtën tyaj'ijxta'ajëtë ma mëj'ënä'ämpën, yë Dios yë'ë ënety të tuknipëjktaakë ets ka'ap tsojk kyäjpxyjyä'äkyukëty, paatykyëjxm ojts ka'ap tsojk t'ëxmajtsy yë Israel ja'ayëty ets jap tsyoontëty Egiptë.

Éxodo 10:27

E yë Dios nän yë'ë kë'ëm tyajkutuky ets ja mëj'ënä'ämpë ka'ap ninu'un jyä'äkyukëty ets ka'ap tsojk'ëxmatsëty ja Israel ja'ayëty.

2 Corintios 2:16

Pën ja Kristë ja y'aaw y'ayuk kyamëjpëjktakëtëp, jëtu'un tjawëtë ya'atë pa'akxu'kpë ijxtëm yë tok xyuukyën; e mëti'ipë ja Kristë ja y'aaw y'ayuk myëjpëjktaktëpën, jëtu'un tjawëtë ijxtëm ja pa'akxu'kpë nëëjën ma jyuuky'ajtënëtyën. ¿Pën mëta'akëp ets tunëty ya'atë Dios ja jyä'ä?

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Isaías 19:22

Oy nëjkx ja Wintsën t'ëkyajtsëtyuty ja Egiptë kajpn, nyijootwinpitäämpy jatëkok, pya'ëyoowäämpy ets yajtso'okäämpy.

Éxodo 7:3

Ëjts kë'ëmës nëjkx n'ëwa'atsy ets mëj'ënä'ämpë ka'ap tsojk kyäjpxyjyä'äkyukëty, jëtu'un'äämpy tjëkyäpëty etsës ja nmëjajtën kanaakpëky nyaj'ixëtëty jap Egiptë ets ma tëkokyë yë it naaxwiinyëtë tnitänë.

Juan 12:40

Tëë ja Dios yajwë'ëmëtë winpi'its kukoots ets wyinma'anykyukëxëtëty, këtiipë y'ixtëty ets jyä'äkyukëtëty, ets jëtu'un ka'ap ja jyot wyinma'any tyajkwinpitëty ma ëjtsën, ets ka'ap nyajtso'oktëtyës.

Deuteronomio 29:4

E tyampaat yë Wintsën ka'ap tyajkutukynyëm ets xyjyä'äkyukëtëty ets xywyinjawëtëty wi'ix'äämpy ko tëkokyë ya'atë të tuny.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Salmos 69:23

Mijts myajwiintsëtya'ajëp ets ko ye'eya'antëty je'eyë yë tyeky tsyëyuuypyëktëty.

Isaías 29:14

E paatykyëjxmës të ntuknipëjktaakë koos nyaj'ixa'anyë ja nmëj'ajtën etsës tääpë naax kajpn jëtu'unyë amonyë nyajwë'ëma'any. Ja wyijy'ajtën ets ja kyëpetyajtënëty ja wyijyjyä'äytyëjkëty, jëtu'unyë nëjkx tyëkooytyä'äy.

Isaías 44:18

Tääpë ja'ayëty ka'ap tnijawëtë, ka'ap tja'akyukëtë; wiints yajpaatë, ka'ap tii t'ixtë, ninu'un kyamay kyatajtë paaty ka'ap jyä'äkyukëtë.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Lamentaciones 3:65

Mëk jyot wyinma'any pëjktakëyë këtiipë oypyë tja'akyukëtëty ets xypyokëty.

Zacarías 11:15

Tä ja Wintsën xy'ënëmaayës: E mijts jëtu'un tyam näpyëjkta'akët tä tu'uk yë kupixyny këwent'ajtpën mëti'ipë ka'ap oytyunyën.

Deuteronomio 29:3

Ets miitsëty tëë wa'ats xy'ix xynyijawëtë wi'ix yë Wintsën yë myëj'ajtën jap të tyaj'ixyën ets wi'ix mëj këjää winë të tunyën.

Proverbios 16:30

Je'eyë wyinme'eky ko pën wi'ix tuna'any; je'eyë nyäyä'äntsu'utyë ko tëë tyuuntëkoy.

Eclesiastés 3:3

Nyixëëw nyijëmëjt pyätyp ko pën yaja'ay'ooky ets ko pën yajtsooypyetsy. Ko pën tii tyaj'oyë ets ko pën tii tyajma'aty.

Isaías 28:13

Paatykyëjxm ja Wintsën jëtu'un myëkajpxa'anëtë tä pi'k ëna'k yajmëkäjpxyën, mëti'ipë nokykyapxtso'ontëpën. Ko ënety muum nyëjkxtë, jëtu'unyë yuntëty kyëtawtëty ets nyäyajtsëtyutëtëty, nyäyajkuka'anaxëtëty muum ets koonëm tsyiptëkëtëty.

Isaías 29:9

Juuyky'atë jëtu'un mëët ja mtsuu winma'anyëty. Juuyky'atë jëtu'un wiints, ka'ap tii xy'ijxpaatëty. Juuyky'atë jëtu'un tä tu'uk amu'ukyë ja'ayën, oy ka'ap nitii mëkpë nëë xy'uuktë.