Isaías 59:9 - Biblia Dc en Mixe de Quetzaltepec

⁹ Paatykyëjxm ja nitsokën të jyëwa'knë ma ëëtsajtëmën ets tsip nmëwinko'onmëty ja ëwaatsëpëtsë'ëmën; ja të'kxën jajën jä'ä ntsaty'ëwxijtëm e ëëtsajtëm akootstuuy ni'ikyë nnajtswa'këm; ja xëënyajtën jä'ä tyäty yajtsojkp, e ëëts'ajtëmë ni'ikyë të nkukootsëmë.

Biblia Mixe de Quetzaltepec

⁹ Paatykyëjxm ja nitsokën të jyëwa'knë ma ëëtsajtëmën ets tsip nmëwinko'onmëty ja ëwaatsëpëtsë'ëmën; ja të'kxën jajën jä'ä ntsaty'ëwxijtëm e ëëtsajtëm akootstuuy ni'ikyë nnajtswa'këm; ja xëënyajtën jä'ä tyäty yajtsojkp, e ëëts'ajtëmë ni'ikyë të nkukootsëmë.

Isaías 59:9 ပူးပေါင်းရင်းမြစ်များ

Job 19:8

Tiosës të xynyë'ë'ëtuky të xytyu'u'ëtuky këtiipës naxëty; tëë tyajkootsë maa ja në'ë tu'ujën.

Job 30:26

Ëjts xoontakënës ënety n'ëwxijtyp, ëyo'onës të xytyukkëtä'äky; të'kxën jajën ënety njëjp'ijxypyës, kootsajtën të xynyija'tyës.

Salmos 82:5

E miitsëty ka'ap xynyijawëtë ets nän ka'ap mja'akyukëtë, akootstuuy mijts myajpaatë. Yu'kxtëp mëti'ipë pya'tënaaytyëpën ja naaxwiinyëtë.

Proverbios 4:19

Yë ëxëëkja'aytyëjk yë nyë'ë tyu'ujëty api'its akoots yajpaaty. Ka'ap tnijawëtë maa të kyunäpëtë ko muum kyëtawtë.

Isaías 5:30

Tääpë kajpn, ko ënety xëëw jëmëjt tpaaty, jëtu'un nëjkx yajmëtoy tä mëjmejyën ko ënety tukja'ty yë Israel kajpn; kootsëm nëjkx yë naaxwiinyëtë jyäty ets wa'ats nëjkx pyi'tsta'ay yë të'kxpë jajpë.

Isaías 59:11

Aakjëtu'un ni'tsëmë osën, aakjëtu'un nmu'ujëmë pakën; yajxon yaj'ëwxity yë nitsokën ets ka'ap tsyojkminy; yajxon njajanty'ëwxijtëmë, ni'ikyë nmëjëkämkäkëm.

Isaías 59:14

Ja mëtëypyë ja tu'unën kajpxën, ka'ap të yajtsoky, ja tëyajtënpë jëkäm të yajnajtspëkë, ja jaantypë ja käjpxy mëtyä'äky ka'ap ja mayjyä'äy të tkupëktë, ets oytyuunk oykyäjpxy nimaa të kyatsoowpaaty.

Isaías 59:8

Nijënu'un xykyanijawëtë mëti'ipë mëtëy'ajtpën, ka'ap tii mëtëy xytyuntë. Ja tu'u mëti'ipë mpaye'eytyëpën, jëtu'unyë kyunëjkx kyuye'eyë; mëti'ipë jam nëjkxtëpën ka'ap nijënu'un jyotkujk'ata'antë.

Isaías 8:21

Jëtu'unyë nëjkx ja'ay kyuye'ey kyunaxëtë, mëk nëjkx ja'ay yajtunëtë ets ayuu yajxëëwnaxëtëty, je'eyë nëjkx jyoot'anpëktë mëët ja yuu ets nëjkxëp tsyajp'ixtë ets tpoktë ja yajkutujkpë ets ja Tyiosëty.

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Jeremias 14:19

Wintsën, nikajpx yajxon pën tëë xytyim'ixtijy yë Judá ja'ayëty. Nikajpx yajxon pën tëë xymyëtsipke'exy yë Sión kajpn. ¿Wi'ix ko ëëtsëty të xy'ëkyajtsëtyujtëpë ets ka'apës n'ëktsoknëtë? Yë'ë ënety ëëts njëjp'ijxtëp wi'ix njotkujkta'aktëtyës, e nitiijës të nkapaatë. Oy mëk ntij nyajpaatëtyës, e näy'ëtsë'ëkë ëëts yaa je'eyë të npaatë.

Jeremias 8:15

Yë'ë të nja'ëwxijtëm oy juukyajtën, nitii oy të nkapatëmë. Yë'ë të njajëjp'ijxëmë oy'ajt mëk'ajtën, je'eyë të ntsë'këmë.

Lamentaciones 3:2

Jamës të xyajnëjkxy ma y'api'its y'akootsëtyën, jamës të xyajye'ey ma ka'ap tyi'kxy jyäjyën;

Lamentaciones 4:14

Jëtu'un nyäpyëjkta'akëtë ko nyaxtë tyëkëtë ka'ap yowë tii t'ixtë; ëxëëk ja jyot wyinma'any yajpaatë, ni pën kyawinkuwa'akëja'anëtë.

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënety yajxon xëëw të jyajtä'äky koos nyaj'awinpita'any yë naaxwiinyëtë koots.

Miqueas 1:12

Mëti'ipë ja'ay jam tsënaaytyëpën Marot yajxon nyäwyi't nyäxya'tsënëtë yë'ë jyatsojktëp ets jeexyë myony yë pyëjkënëty y'ijxënëty, jä'ä ko yë Wintsën tëë tuknipëjktaakë ets ja ëyo'on jam kyëta'akëty ma Jerusalén kajpnën.

Habacuc 1:13

Mijts wa'ats ni'ik myajpaaty ka'ap tjëkyepy xy'oyjyawëty yë ëxëëkpë ets ka'ap tjëkyepy xy'oy ixëty yë ma'atpë; ¿wi'ix ko amonyë m'ity ko yë ja'ay yajja'ay'ooktë ets ka'ap tii ayuk xykyäjpxy ko ëxëëkja'aytyëjk tyajtëkoy ja mëti'ipë jëtu'un katim ja'ay'ajtpën tä yë'ëjën?

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.