Isaías 59:7 - Biblia Dc en Mixe de Quetzaltepec

⁷ Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Biblia Mixe de Quetzaltepec

⁷ Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Isaías 59:7 ပူးပေါင်းရင်းမြစ်များ

Proverbios 6:17

ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,

Proverbios 1:16

jä'ä ko janty näjyotkëjxëtëp ets ëxëëkpë tuntëty. Janty poj'am timtyunankojtë winë, ets ja ne'pny jä'ä tyimtäman tyimjä'ätsantëp.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

Ezequiel 22:6

Yë'ëjës n'antijpy yë Israel yajkutujkpëtëjk, mëti'ipë juuky'ajtëpën ma mijtsën ets yaja'ay ooktë ijxtëm tyimjot tyimwinma'anyëtyën.

Ezequiel 9:9

Ënet ja Dios xy'ëtsooyës: Mëj këjää të pyokytyuntë Israel ja'ayëty ets Judá ja'ayëty. Ujts yë naax kajpn yajpaaty mëët yë o'kën tëko'oyën; ka'ap jyam'aty oypyë nipaye'eyën. Jëtu'un yë myäytyë tyajtë ko tëëjës nja'atyëkooynyë yë naax kajpn ets ka'apës n'ixy mëti'ipë tyuuntëpën kyajpxtëpën.

Lamentaciones 4:13

Ets yë'ë jëtu'un të tkujatëtë ko ja teetytyëjkëty ets ja käjpxynyajxpëtëjkëty të tyëkoytyë, ko jap tsajptëkoty të yaja'ay o'knëtë, ko të tyaj'o'knëtë ja ja'ay ka'apë tii poky tmëëtëtyën.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Isaías 60:18

Ma mnaax mkajpnën ka'ap nëjkx nijëna'a y'ëkyajmëtoownë jëën tsip, ka'ap nëjkx naax kajpn y'ëkkutëkooynyë ets xit ko'ow y'ëkjajnë; jä'ä nëjkx ja mpotsy yajtijy yajnitsokpë ets ja mtëjk'aaw mëjpëjktakën.

Isaías 59:3

Miitsëty ujts ja mkë'ë m'aawëty mëët ja jot ne'pyny ja mkë'ëwa'axyëty tëë yajja'ay'ooktë; aak je'eyë mwin'ëëntë, aakjä'ä mnikajpx mnimëtyaktëp wi'ix tii xytyuuntëkoytyën.

Proverbios 24:9

Yë tsuuja'ay yi'iyë myääpy tyäjpy wi'ix pyokytyunëtyën. Ka'ap pën mëët oy nyäjyawëty yë ja'ay mëti'ipë ëxëëk ëtëtsp ënaanpën.

Proverbios 15:26

Yë Wintsën ka'ap t'oy'ixy mëti'ipë yë ëxëëkja'aytyëjk jyamaay jyatajtëpën; yë'ë y'oyjya'ap aaw ayuk ka'apë tmëëtëtyën ëxëëk'at.

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Proverbios 6:18

ko ja'ay ëxëëk myëku'uk nimay nitajë, ko ja'ay nipe'tym'äty ëxëëkpë,

Isaías 15:5

Wi'ixpëmës yë n'aaw njot njatuny ets jeexyë yë Moab ja'ayëty ka'ap wi'ix jyatë kyëpätë; tëë ja'ay kyäkpëtsëëmta'atë ets jam të nyëjkxta'atë Soar ets Eglat-selisiyë. Tam mëti'ipë jëëpy yaxp pa'tëjkëpën jam Luhit; tam mëti'ipë nëjkxpën Horonaim mëk jyänty yä'äxy ets mëët amay jotmay ets ëyo'on.

Isaías 32:6

Jä'ä ko yë ëxëëk ja'ay ëxëëkëty kyäjpxy myëtyä'äky ets aak ëxëëkjaty tii tnimay tnitajë; yajja'ay ookaanp je'eyë ets wiinkjaty tnimëtyä'äky ja Wintsën; ja mëti'ipë ja yuu'o'këpën ka'ap tkääky mye'ey; mëti'ipë tëtsëpën, ka'ap tyajnëë'uuky.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Isaías 65:2

Xëmës ja nkë'ë të nnajtsxajë ets jeexyë myintë ja naax kajpn mëti'ipë käjpxy kyumëtoownajxtëpën, mëti'ipë wiink tu'u të tmatstën ets ja jyot wyinma'any jä'ä të nyätyuktu'uwinwowëtë;

Isaías 66:4

Ëjts ntuknipëjktakëpës yam ets o'ktëy jyatëty kyëpätëty, ets tpaatëty mëti'ipë ëxëëk tsë'ëkëtën. Jä'ä ko ojtsës njamëkajpxtë, ni pën xykya'ëtsooyës; ojtsës njakäjpxy ets ni pën xykyamëtooyës; jä'ä tyuuntë mëti'ipë ka'ap n'oy'ixyënës ets jä'ä wyin'ijxtë ka'apë ntukjotkëtä'äkyënës.

Jeremias 41:7

Je'eyë ko tam ënety tyimja'ajnëtë kajpn itkujky ko yë Ismael ets jyä'äy tyaj'o'ktaaytyë ja ja'ayëty, ja o'kpë jap tkujëpijpytyääytyë nëëjutjoty

Ezequiel 18:12

yaj'ëyoopy ja ëyoopëja'ay ets mëti'ipë yajmëyäjtypyën winë ni'ikyë tmeetsy, ka'ap tmooywinpity mëti'ipë të tpëjkën; tyuk'ijxpejtyp wiink tios ets yë'ë tyuunpy ëxëëkpës n'ixyën,

Miqueas 7:2

Ka'ap naaxwiiny pën yë ja'aynyë mëtëypyë jyuuky'ätyën ets mëti'ipë Dios wyinkutsë'këpën; aakyë'ë jyëjp'ijxtëp jëna'a tsyiptun tyipkajpxtën; nixim niyam o'kënjëjp'am nyäy'ixa'anëtë.