Isaías 59:4 - Biblia Dc en Mixe de Quetzaltepec

⁴ Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Biblia Mixe de Quetzaltepec

⁴ Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Isaías 59:4 ပူးပေါင်းရင်းမြစ်များ

Job 15:35

Ujts yajpaatë mëët yë ëxëëk jot ëxëëk winma'any tä tu'uk yë to'oxytyëjk yaj'ixyën mëti'ipë u'unk maay tyimy'äjtypyën ets tyajmina'any naaxwiiny yë ëyo'on jotmay; mëëtkyëjxm ko yi'iyë të tuunk'atë win'ë'ën winxajën.

Santiago 1:15

Ets ko ja ëxëëk atsojkën nyätyukmëmëtä'äkyë, ënät pyokytyuny; ets ko pyokytyuny, ënät ja o'kën tyukpaatyë.

Jeremias 7:8

Miitsëty yë'ë mmëpëjktëp ja aaw ayuk ka'apë myëtëyëtyën, mëti'ipë ka'ap tyunyën.

Jeremias 7:4

Këtii xymyëpëktë mëti'ipë mwin'ë'ënëtëpën ko y'ëna'antë: Tyaa ja Wintsën ja tsyajptëjk, tyaa ja Wintsën ja tsyajptëjk.

Miqueas 2:1

Janty mon janty tuk yë ja'ay yajpaatë mëti'ipë koots myëmaay myëët'ajtëpën wi'ix yë jyiiky myëku'uk ëxëëk tuntëtyën ets ko xyiinyë tëë nyatuuntëkooynyëtë jä'ä ko myëët'ajtëp ja kuttujkën mëk'ajtën.

Isaías 30:12

Paaty ja Dios Wa'atspë mëti'ipë jam ma Israel kajpnën, y'ënä'äny: Miitsëty wiink xyjyawëtë ko tii mjyajtuk'ëwaanëtë, yi'iyë tsip käjpxy mtuk'ijxpäjtëp ets ja ëxëëk tuunk ëxëëk käjpxy, jam mnäkyëxwa'anëtë,

Proverbios 4:16

yë ëxëëkja'aytyëjk ka'ap jotkujk nyäyjyawëtë pën ka'ap tii tuuntëkoy tkajpxtëkoytyë. Yajtëkooytyëp yë tsyuu myä'äyëty ko pën wi'ix muum tuna'antë.

Isaías 59:16

Yë Wintsën wiink të t'ixy ko ni pën tkayaj'oyë ya'atë jotmay; ënät kë'ëm yë myëk'ajtën të tpëjktä'äky ets të tuny ijxtëm tsokyën ets tëë myëtä'äky.

Isaías 59:3

Miitsëty ujts ja mkë'ë m'aawëty mëët ja jot ne'pyny ja mkë'ëwa'axyëty tëë yajja'ay'ooktë; aak je'eyë mwin'ëëntë, aakjä'ä mnikajpx mnimëtyaktëp wi'ix tii xytyuuntëkoytyën.

Salmos 62:10

Këtii yë'ë xy'oyjyawëtëty yë tsip käjpxy; këtii yë'ë janty mëj xyjyawëtëty yë to'onën mä'tsën. E ko jëna'a mkumeenytya'aktëty këtii ënät yi'iyë ja wit meeny xytyuk'ijxpätëty.

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.

Salmos 62:4

Yi'iyë myääytyëp tyajtëp wi'ixës ëxëëk xytyuntëtyën; pën win'ë'ëntëp antaktëp ënät jotkujk nyäyjyawëtë. Winkë'ëy akë'ëy je'eyë oy xynyimëtya'aktës jap jyootjoty wyinma'anyjoty xypyojktëpës jap je'eyë.

Job 15:31

Ka'ap yë'ë tuk'ijxpätëty yë antakën, jä'ä ko ka'ap tii tpaata'any t'ixa'any mëët yë'ë.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Isaías 5:18

Janty mon janty tuk miitsëty myajpaatë, jä'ä ko mëët ja näywyin'ëënë mtuuntëkoytyë, jëtu'un ja nëë poky xypyajëtitë tä kepy wintëkäämpë yajpajëtutyën.

Isaías 9:15

Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.

Isaías 10:1

Janty mon janty tuk miitsëty myajpaatë, ko xyajkojtë ja ënä'ämën mëti'ipë ka'ap myëtëyëtyën ets xynyikajpxtë ko tëë tu'uk ja ënä'ämën xyajpëtsëmtë mëti'ipë ëxëëktuunpën,

Isaías 26:18

Ojts ëëtsëty ëxëëk njatë nkëpätë, ojts ja pëjkën ato'onën nmënax nyajnaxtës; jëtu'un ojts ëëts njatë tä tu'uk to'oxytyëjk y'u'unk'ixyën; e nëkoopë jëtu'un ojts n'ëyowtës jä'ä ko ka'ap nitii mpatës n'ijxtës. Ka'ap ëëts ja nnaax nkajpn të nyajnitso'oktë ets ka'ap pën ma tsyona'any mëti'ipë jeexyë ja naax kajpn tyuktsëna'ayëpën.

Isaías 28:15

Ëëtsëty ka'apës yë o'kën tëko'oyën ntsë'ëkëtë jä'ä ko tëëjës yë käjpxytyu'unën mëët ntuntë, paaty tyam oy jënu'un jyaminëty yë ëyo'on jotmay, nitiijës xykyajata'antë; tëëjës nijawëtë ko n'antakmëty jotkujk jam n'ijtmëty, ets ko nwin'ë'ënmëty, npatmëp ja tsoktakn.

Isaías 29:20

Kutëkoyantëp ja ëxëëkja'aytyëjk, ka'ap maa y'ëkyajpaatanëtë mëti'ipë ëxëëk ëtëtstëp ënantëpën, kutëkoyantëp näjyëtu'un ja ja'ayëty mëti'ipë myëmaay myëët'ajtëpën ja ëxëëktu'un ëxëëk kajpxën,

Isaías 30:9

Ya'atë naax kajpn je'eyë kyäjpxykyutëjy, ka'ap wyintsë'ëkë, ka'ap nijënu'un tmëtowa'any ja Wintsën ja y'ijxpëjkën.

Isaías 33:11

Mëti'ipë mwinma'ny'ajtëpën ets mëti'ipë mtuuntëpën jëtu'un tä pu'uxmën, tä aaykyëta'akën; jëtu'un nwinpiixëja'any tä ja'ay jëën twinpiixën ets patoyë kye'eky.

Isaías 44:20

Tyaapë jëtu'un tä ja'ay kuyjyaam tjë'kxyën. Jëtu'un tä ja'ay kë'ëm nyäwyin'ëënyën. Tääpë jëtu'unpë ja'ayëty ka'ap nijënu'un tjëkyepy wi'ix tsyo'oktëtyën. Ka'ap nijënu'un tja'akyukëtë ko mëti'ipë y'ëwtajtëpën nëkoopë nyätyukwin'ëënëtë.

Isaías 47:10

Mijts yi'iyë të xymyëmay të xymyëtajy ja m'ëxëëktu'un m'ëxëëk kajpxën ets të m'ëna'any: Ni pën xykya'ixyës. Ja mwijyajtën ets ja m'ijxpëkyajtën yë'ë të mnätyukwin'ëënyë, ets të mmay të mtajy: Ëjtsyë jëtu'un tu'uk, ka'ap pën wiinkpë.

Isaías 59:15

Ja jaantypë ja käjpxy mëtyä'äky, jëtu'unyë të pyojtëkoy; ja mëti'ipë jyakukekpyën ja ëxëëkpë tëë yajmä'tsta'ay. Tëë ja Wintsën jyoot'anpëky ko të t'ixy ko ka'ap jyää'aty ja oypyë nipaye'eyën.

Isaías 64:7

Ka pën mkamëkäjpxyë ets ni pën kya'ëna'any jamës näkyuwanëja'anyë ma mijtsën; paaty je'eyë të mnäyu'tsënë etsës të xy'ëxmajtsnëtë ko je'eyë ëxëëkpë ntuntë nkajpxtës.

Jeremias 48:7

Miitsëty Moab ja'ayëty, yë'ë të xytyuk'ijxpätë ko të mjotmëk'atë ets ko mkumeeny'atë, e pyätyp ja xëëw jëna'a myajmëmëta'aka'antën. Yë Quemós mëti'ipë m'ëwtajtëpën, yajmënëjkxaanp wiink naax wiink kajpn, mëët ja teetytyëjkëty ets ja ja'ayëty mëti'ipë mëj'äämpy ijtëpën.

Oseas 4:1

Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Salmos 7:15

Tëë tu'uk ja o'kpë jut tajy këkpë, ets jap kyë'ëm jutjoty kyënaxa'any.

Salmos 12:3

Wintsën, wijxë'ëk mëët yë tyikts, mëti'ipë wiinkë'ëy akë'ëy tii nyimëtyäkpyën, ets je'eyë tii tyajmëtoyë,

Hechos 24:9

Ja Jutiis ja'ayëty mëti'ipë ënety jam yajpatëpën näjyëtu'un y'ënantë.