Isaías 59:2 - Biblia Dc en Mixe de Quetzaltepec

² Jä'äjën tëy, yë'ëkyëjxm ko miitsëty të mpokytyuntë paaty ja Dios të mmëjëkämkä'äkëtë; yë'ëkyëjxm ko të mpokytyuntë paaty je'eyë ja tyatsk të t'apääntuky këtiipë tmëtowëty mëti'ipë mkajpxtëpën.

Biblia Mixe de Quetzaltepec

² Jä'äjën tëy, yë'ëkyëjxm ko miitsëty të mpokytyuntë paaty ja Tios të mmëjëkämkä'äkëtë; yë'ëkyëjxm ko të mpokytyuntë paaty je'eyë ja tyatsk të t'apääntuky këtiipë tmëtowëty mëti'ipë mkajpxtëpën.

Isaías 59:2 ပူးပေါင်းရင်းမြစ်များ

Jeremias 5:25

E ja poky mëti'ipë të xytyuntën, jä'ä të tyajtëkajtsta'ay winë ets ka'ap xytyukxoonta'aktëty mëti'ipë mjapat mja'ijxtëpën.

Proverbios 15:29

Yë Dios, myëjëkämkekpy yë ëxëëkja'aytyëjk; e myëtoow'ijtyp ko yë wa'ats ja'aytyëjk Dios mëkajpxtë.

Miqueas 3:4

Nëjkxëp jëna'a xymyëkajpxtë yë Wintsën e yë'ë ka'ap nëjkx m'ëtsowëtë. Nëjkxëp nyäyu'utsyë ma ënety xyjyamëkajpxtën jä'ä ko ënety je'eyë të mtuuntëkoytyë.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Ezequiel 39:29

Ka'apës nëjkx njëxk n'ëkja'atyëkooyëtë, jä'ä ko tëëjës yë nmëjajtën nyajnaaxkëtä'äky ma Israel kajpnën. Ëjts Wintsën, ëjts ënaanp.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

Josue 7:11

Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënety të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

Isaías 58:4

Miitsëty ko m'ayuu'atë jää mnäy'oj mnäya'axëtë ets xynyëtij xytsyajptijtë ja mkë'ë m'aawëty ko pën xyajtsëtyuta'an xyajwintëkoya'antë. Ko jëtu'un m'ëtë'ëtstë ma m'ayuu'atën, ëjts ka'apës jëtu'unpë nyajmëjnaxy.

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Lamentaciones 1:8

Yë Jerusalén nëkooyë të pyokytyuunë paaty ka'ap pën y'ëktsojkënë. Mëti'ipë ijty mëj'äämpy jyëkyajpëpën, tyam ka'ap pën y'ëk'ixanënë, jä'ä ko niwa'ats ëxwa'ats t'ijxnëtë. Paaty jyi'iy yä'äxy ets wintsëtyu'un jëjptsëtyu'un wya'akwinpity.

1 Samuel 4:3

Ko yë Israel ja'ayëty jam wyimpijtë ma jyajta'aktën, ënät ja mëjja'aytyëjk y'ënantë: ¿Tii ko yë Wintsën të t'ëwa'atsy ets tyam o'ktëy njajtmëty ma filistejë ja'ayëtyën? Ja'amtë nyajtso'onëmë yë kaaxë jam Siló mëti'ipë ja käjpxytyu'unën myë'ijtypyën mëti'ipë ja Wintsën jyä'ä'ajtypyën. Yë'ë itkujky nyajnëjkxmëp ets xykyuwa'anmëty ma ja nmëtsip'ajtëmën.