Isaías 59:14 - Biblia Dc en Mixe de Quetzaltepec

¹⁴ Ja mëtëypyë ja tu'unën kajpxën, ka'ap të yajtsoky, ja tëyajtënpë jëkäm të yajnajtspëkë, ja jaantypë ja käjpxy mëtyä'äky ka'ap ja mayjyä'äy të tkupëktë, ets oytyuunk oykyäjpxy nimaa të kyatsoowpaaty.

Biblia Mixe de Quetzaltepec

¹⁴ Ja mëtëypyë ja tu'unën kajpxën, ka'ap të yajtsoky, ja tëyajtënpë jëkäm të yajnajtspëkë, ja jaantypë ja käjpxy mëtyä'äky ka'ap ja mayjyä'äy të tkupëktë, ets oytyuunk oykyäjpxy nimaa të kyatsoowpaaty.

Isaías 59:14 ပူးပေါင်းရင်းမြစ်များ

Habacuc 1:4

Ka'ap ja ënä'ämën tëyajtën tyuny, ka'ap tii mëtëy yajnipaye'ey, ja ëxëëk ja'ay y'ixjëtijtyp pyajëtijtyp ja oyjyä'äy ets ma'tnëp ja tëyajtën.

Amós 5:11

Tyam m'atä'än mtuktä'äntëp ja ëyoopëja'ay ets mtuk'ajuuytyujktëp ko jyi'kxy pyiky tpaaty; ko tpaatëty yë xëëw jëmëjt ka'ap nëjkx xytyuktsëënëtë yë mtsaatëjkëty mëti'ipë të xykyojtën ets nen ka'ap nëjkx xy'uuktë yë tsatym nyëë mëti'ipë të xynyiyu'ujëtën.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Isaías 5:23

Mnimeenypyëjktëp ets ja ëxëëk ja'ay ka'ap pyokytyëkëty, ets ka'ap xypyaye'eytyë ja wa'ats ja'ay ijxtëm pyäätyën.

Isaías 1:21

Mijts Jerusalén kajpn mëti'ipë wa'ats kajpn yajtijpën, jëtu'un të m'awinpity tä tu'uk to'oxytyëjkën mëti'ipë xim yam ye'etyëjk yeempyën ets myëët'atëtëty. Tëëyëp aak'oy ijty ja'ay jyuuky'atë ets aak mëtëy winë tuntë, e tyam aak yajja'ay'o'knëtëp.

Eclesiastés 3:16

Ëjts tëëjës n'ixy wi'ix yaa naaxwiiny naaxkëjxy yë kutuunktëjk tnimeenypyëktën këtiipë tii oy tnipaye'eytyëty ets tuntë ja ka'apë myëtëyëtyën ma jeexyë tyu'uye'eyën ja jaantypë mëtëypyë ja nipaye'eyën.

Amós 5:7

Janty mon janty tuk yë ja'ay yajpaatë mëti'ipë je'eyë y'ate'empy tyukte'empyën yë tëyajtën.

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Isaías 46:12

Mëtoow'itë ya'atë aaw ayuk, miitsëty mëti'ipë ka'ap mëpaat pën wi'ix m'ënë'ëmxëtën, mëti'ipë ënantëpën ko tsip ja nitsokën yajpaaty:

Isaías 59:9

Paatykyëjxm ja nitsokën të jyëwa'knë ma ëëtsajtëmën ets tsip nmëwinko'onmëty ja ëwaatsëpëtsë'ëmën; ja të'kxën jajën jä'ä ntsaty'ëwxijtëm e ëëtsajtëm akootstuuy ni'ikyë nnajtswa'këm; ja xëënyajtën jä'ä tyäty yajtsojkp, e ëëts'ajtëmë ni'ikyë të nkukootsëmë.

Isaías 59:11

Aakjëtu'un ni'tsëmë osën, aakjëtu'un nmu'ujëmë pakën; yajxon yaj'ëwxity yë nitsokën ets ka'ap tsyojkminy; yajxon njajanty'ëwxijtëmë, ni'ikyë nmëjëkämkäkëm.

Jeremias 7:28

Ënëëmë: Ya'atë jëtu'un naax'ajtp kajpn'ajtp mëti'ipë ka'ap tmëmëtoyën ja Wyintsën Dios ets ka'ap tsoky tii yajtuk'ënëëmëty. Ka'ap tii mëtëy t'ëknimëtyaknë.

Daniel 8:12

Mëët ja ëxëëk winma'any ojts jam tyajnaaxkëtä'äky ja tsyiptuunpëtëjk ma ja wintsë'kën yajyäkyën ets tyajma'ty ja tëyajtën. Ojts tuunta'ay winë ijxtëm ënety tyimjot tyimwinma'any ets ojts winë oy wyimpëtsë'ëmta'ayxyëty.

Amós 6:12

¿Wä'än jëtää yë kwaay tsaakëjxy ye'eytyëtyë? ¿Wä'än jëtää yë tsajpkaa nyajyu'umëty nëëjotyë? Miitsëty, të xyaj'awinpitë ja oypyë ja nipaye'eyën tä xëwätën ets ta'amëm të jya'awëkyëtä'äky ma tëkatsy winë të xypyaye'eytyën.

1 Reyes 21:10

Tääts näjyëtu'un xymyëjwowtëty mäjtsk yë ja'ay mëti'ipë win'ëënëpën ets tpokynyitijtëty yë Nabot, jëtu'un y'ëna'anëty ko wiinkjaty yë Wintsën të tijy ets nän wiinkjaty yë yajkutujkpë të tnikäjpxy. Tääts ënät ok xyajpëtsëmtëty ets xykyuka'atstëty.

1 Reyes 21:11

Ja ja'ayëty mëti'ipë jam kukajpnajtëpën Nabot ets ja mëjja'aytyëjkëty ets ja kopktëjkëty ojts tuntë jëtu'un tä ja Jezabel të tyuk'ënä'ämëtën jap nokyjoty:

Salmos 119:150

Janty winkon yajpaatë ma ëjtsën ja ëxëëkja'aytyëjk mëti'ipës xy'ixjëtijt xypyajëtijtëpën, yë'ë myëjëkäm'ajtëp ja m'ijxpëjkën.

Oseas 7:1

koos yë nnaax nkajpn, yë Efraín kajpn ets Samaria kajpn njäyajtso'oka'antë, ënätyë nyëë pyokyëty wyinkëjxm jyëjpkëjxm jyä'ty. Jä'ä ko aak antaktëp; mä'tstëp, tëjktëjkëtyëp ets në'ëjoty tu'ujoty muum ja'ay tmäätstë.