Isaías 59:13 - Biblia Dc en Mixe de Quetzaltepec

¹³ Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Biblia Mixe de Quetzaltepec

¹³ Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Isaías 59:13 ပူးပေါင်းရင်းမြစ်များ

Santiago 3:6

Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

Santiago 1:15

Ets ko ja ëxëëk atsojkën nyätyukmëmëtä'äkyë, ënät pyokytyuny; ets ko pyokytyuny, ënät ja o'kën tyukpaatyë.

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Mateo 10:33

Pën xykyuyu'tspës ma ja'ayën, näjyëtu'unës nkuyu'utsëty maas yë nTeetyën tsajpjotmëpë.

Oseas 11:12

Yë Efraín je'eyës xywin'ëëny; je'eyë y'antä'äky yë Israel kajpn maas ëjtsën. Yë Judá ja'ayëty tëë jyëwa'knëtë maas ëjtsën, tyam yë'ë oy myëtuunëp yë awinax.

Oseas 7:13

Mon tuk yajpaatë ko të jyëwa'aktë maas ëjtsën. Kutëkoyantëp yë'ëjëty jä'ä ko të xykyäjpxy kumëtoownaxtës. Ëjts njatsojkpyës ets jeexyë nyajtso'oktës e yë'ëjëty je'eyë xynyi'äntaakëtës.

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Oseas 1:2

Jëtu'un tsyo'ontä'äky ja Wintsën ja y'aaw y'ayuk mëti'ipë nyikajpxën ma Oseas: Jëtu'un yë Israel kajpn të y'ëti'itsy tä tu'uk yë to'oxytyëjkën mëti'ipë tyo'kpy yäjkpyën yë jyot nyini'kx mëët koos të xypyuwa'ktu'uty. Mijts näjyëtu'un ënät xytyunëty, yë'ë mpëkëp tu'uk yë to'oxytyëjk mëti'ipë jyot nyini'kx tyo'kpyën ets mëët yë m'u'unk m'ëna'k xymyëët'atëty; jëtu'un'äämpy yajtijtëty ko yë'ë tyaak'ajtëp tu'uk yë to'oxytyëjk mëti'ipë jyot nyini'kx tyo'kpyën.

Ezequiel 18:25

Miitsëty wä'än jëtää m'ëna'antë ko ka'apës tii mëtëy nipaye'ey; mëtoow'itë yajxon miitsëty Israel ja'ayëty, ¿wi'ix, mmaaytyëp mtajtëp ko ka'apës tii oy mëtëy nipaye'eyë? ¿Këtii jyëëmpitëty mijts mkajpxtë, këtii jëtää yë'ëjëty xynyikajpxtë ko miitsëty ka'ap tii mëtëy xynyipaye'eytyë?

Ezequiel 6:9

Ja ja'ay mëti'ipë ënety juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënety të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënety të tuuntëkoy të tkajpxtëkoytyën ets mëti'ipë ënety tëkatsy të tmëmay të tmëtajtën.

Jeremias 42:20

Miitsëty mëj këjää mtëkoytyë, miitsëty ojts kë'ëm m'ëna'antë koos yë Wintsën nmëkajpxëty mëti'ipë mTiosajtëpën, kë'ëm të xy'ëk'ënëëmëtës: Mënu'kxta'ak yë Wintsën mëti'ipës nTios'ajtëpën mëët ëëtskyëjxmëty ets ënät xytyuknijawëtëtyës wi'ix y'ëtsoyën ets jëtu'un winë ntuntëtyës.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Jeremias 17:13

Wintsën, mijts yë Israel ja'ayëty m'a'ijx mjëjp'ijxëp. Mëti'ipë m'ëxmajtsëpën, tsëtyu'unmëët wyë'ëma'any. Mëti'ipë mmëjëkämkäkëpën, jëtu'un nëjkx jyäty tä ja'ayxyëëw naaxwayjoty yajkëxja'ayën, poj'am pyojtëkoy, mëët ko ënety mijts të myaj'ëxmatsy ma jëtu'un m'ityën tä nëëkopkën.

Jeremias 5:23

Yajxon yë mjot mwinma'anyëty jyuun'ajnëtë ets je'eyë mkäjpxykyumëtoownaxtë: tëëjës xy'ëxmatstë ets tu'ukyë të mnëjkxnëtë.

Jeremias 3:20

E miitsëty jëtu'un të m'ëtëtsnëtë tä tu'uk to'oxytyëjkën mëti'ipë ka'ap nyiye'etyëjk tmëj'ixy tmëjpëjktä'äkyën, jëtu'un miitsëty ka'ap të xy'ëkmëj'ijx të xy'ëkmëjpëjktaknëtës. Ëjts Wintsën, ëjts ënaanp.

Jeremias 3:10

Yë Judá nän ka'ap të jyotwinpity winë aaw winëjot ma ëjtsën, je'eyë awin'ëënë nëkoo nyätyijyë të jyotwinpity. Ëjts Wintsën, ëjts ënaanp.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënety ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Isaías 57:11

¿Pën tiosën ijty mijts ëxëëk xytsyë'ëkë ets janty mëj'äämpy xyjyëkyepy koos të xykyawintsë'ëkë etsës të xyjyä'äytyëkooynyë? Koos ënety ka'ap xy'ëkmëj'ijxnë, amonyës ijty je'eyë nyajpaaty, ets jëtu'unës nnäpyëjktä'äkyë ka'apës yowë tii nnijawë.

Isaías 48:8

Mijts ka'ap ënety ni ma jëtu'unpë xymyëtoynyëm ets ka'ap ënety xynyijawë, jä'ä ko mijts nat xëmë të mnäypyëjktä'äkyë. Ëjts wa'atsës të nijawë ko mijts ka'ap oy të mjuuky'äty, Nija'apës ko je'eyë të mkäjpxykyumëtoownaxy, jä'ä xëmë të myajtijy ko ka'ap mja'akyukë.

Isaías 32:6

Jä'ä ko yë ëxëëk ja'ay ëxëëkëty kyäjpxy myëtyä'äky ets aak ëxëëkjaty tii tnimay tnitajë; yajja'ay ookaanp je'eyë ets wiinkjaty tnimëtyä'äky ja Wintsën; ja mëti'ipë ja yuu'o'këpën ka'ap tkääky mye'ey; mëti'ipë tëtsëpën, ka'ap tyajnëë'uuky.

Isaías 31:6

U'unk maayëty, miitsëty Israel ja'ayëty, jootwinpitë jatëkok ma Tiosën mëti'ipë të xyajjoot'anpëktën.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Salmos 78:36

E nëkoopë ja tyajmëtowëtë, jä'ä ko aak antaktëp ënety je'eyë,

Salmos 18:21

Ëjts Tiosës yë nyë'ë tyu'u të npanëjkxë, Ka'apës nijëna'a nTios të n'ixtijy.

Josue 24:27

Ets t'ënëmaay ja naax kajpn: Ya'atë tsaa n'ënyääytyä'äkyësën, yë'ë wë'ëmp tä tu'uk yë ijxpäjtënën mëët ko yë'ë yaa tyam yaa yajpatp ets të tmëtoowta'ay tä ja Wintsën të y'ënä'änyën. Yë'ë mtuk'ixtëp ko ënety xy'ixtë ja Wintsën xymyëtëkoya'antë.

Job 31:28

Yë'ë jyëkyejpy jeexyë nkumëtoyës; jä'ä ko Tiosës ënety të nwinaxy mëti'ipë tsajpjotm ijtpën.

Isaías 10:1

Janty mon janty tuk miitsëty myajpaatë, ko xyajkojtë ja ënä'ämën mëti'ipë ka'ap myëtëyëtyën ets xynyikajpxtë ko tëë tu'uk ja ënä'ämën xyajpëtsëmtë mëti'ipë ëxëëktuunpën,

Isaías 30:12

Paaty ja Dios Wa'atspë mëti'ipë jam ma Israel kajpnën, y'ënä'äny: Miitsëty wiink xyjyawëtë ko tii mjyajtuk'ëwaanëtë, yi'iyë tsip käjpxy mtuk'ijxpäjtëp ets ja ëxëëk tuunk ëxëëk käjpxy, jam mnäkyëxwa'anëtë,

Isaías 58:2

Xëmës xyjyajanty ixta'atës, ets janty jotkujk nyäyajnaxëtë ko t'ixy'atë ja nnë'ë ntu'ujës. Jëtu'un nyäyajnaxëtë tä tu'uk kajpnën mëti'ipë aak'oy winë tyuunpyën, ets ka'apë tkumëtoownaxyën yë n'ënä'ämënës ntëyajtënës; ja mëtëypyë ja ënä'ämën jä'äs xy'amëtoowtëp, ets janty'oy janty xoontä'äky nyäyajnaxëtë koos xymyëwinkontë,

Isaías 58:9

Ënet nëjkx n'ëtsoy koos ënety xymyëkäjpxy, ma ënety muum näypyutëkë xyajmëyätyën, tä n'ënëëmëja'any. Tyaajës jä'ä. Tëë ënety xyajkutëkoy ma ja ja'ay ja jyiiky myëku'uk ëxëëk tunyën, ets ko ënety ka'ap ja mmëku'uk xy'ëk'oj xy'ëkyaxnë ets xy'ëknipi'tskajpxnë.

Isaías 58:13

Mwinkutsë'ëkëp ja po'kxënxëëw; këtii jää mtookëty myakëty ma tääpë xëëwën wa'atspë. Xoontakën xëëw xyajnaxëty, kënu'kxypyë mëti'ipë Wintsën xyëëwajtypyën ets ma pyäätyën yajmëjjawëty. Mmëjja'ap ënety ko ka'ap jää mtookëty myakëty, ets ko ka'ap jää yë'ë xy'ijxpaatëty wi'ix ja meeny xyaj u'unk'atëty ets wi'ix mnäyajkumeenytya'akëtëty.

Jeremias 12:8

Ya'atë kajpn mëti'ipës ijty njä'ä'ajtypyën, jëtu'un të y'awinpity ma ëjtsën tä tu'uk yë kaajën yukjotypë tsyëënën, je'eyë nyiitsy, paatyës n'ëxëëk'ixy.

Amós 6:12

¿Wä'än jëtää yë kwaay tsaakëjxy ye'eytyëtyë? ¿Wä'än jëtää yë tsajpkaa nyajyu'umëty nëëjotyë? Miitsëty, të xyaj'awinpitë ja oypyë ja nipaye'eyën tä xëwätën ets ta'amëm të jya'awëkyëtä'äky ma tëkatsy winë të xypyaye'eytyën.

Jeremias 2:16

Yë Menfis ja'ayëty ets Tafnes ja'ayëty yë'ë mkëpajk të mtuknaaxtsë'kxëtë.

Jeremias 2:17

Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Dios mëti'ipë ijty mtu'uwinwoowëpën.

Oseas 7:1

koos yë nnaax nkajpn, yë Efraín kajpn ets Samaria kajpn njäyajtso'oka'antë, ënätyë nyëë pyokyëty wyinkëjxm jyëjpkëjxm jyä'ty. Jä'ä ko aak antaktëp; mä'tstëp, tëjktëjkëtyëp ets në'ëjoty tu'ujoty muum ja'ay tmäätstë.