Isaías 58:9 - Biblia Dc en Mixe de Quetzaltepec

⁹ Ënet nëjkx n'ëtsoy koos ënety xymyëkäjpxy, ma ënety muum näypyutëkë xyajmëyätyën, tä n'ënëëmëja'any. Tyaajës jä'ä. Tëë ënety xyajkutëkoy ma ja ja'ay ja jyiiky myëku'uk ëxëëk tunyën, ets ko ënety ka'ap ja mmëku'uk xy'ëk'oj xy'ëkyaxnë ets xy'ëknipi'tskajpxnë.

Biblia Mixe de Quetzaltepec

⁹ Ënät nëjkx n'ëtsoy koos ënäty xymyëkäjpxy, ma ënäty muum näypyutëkë xyajmëyätyën, tä n'ënëëmëja'any. Tyaajës jä'ä. Tëë ënäty xyajkutëkoy ma ja ja'ay ja jyiiky myëku'uk ëxëëk tunyën, ets ko ënäty ka'ap ja mmëku'uk xy'ëk'oj xy'ëkyaxnë ets xy'ëknipi'tskajpxnë.

Isaías 58:9 ပူးပေါင်းရင်းမြစ်များ

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Isaías 65:24

Ka'anëm ënety xymyëkajpxtës koos n'ëtsoowinpitëty, ka'anëm ënety kyajpxpëtsëmtë koos nnijawëty wi'ix y'ëna'ana'antën.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Proverbios 6:13

je'eyë wyinme'eky, tyeky ets kyë'ë mëët winë tnikäjpxy ko tii tni''ixë.

Salmos 118:5

Maas ënety mon tuk nyajpaatyën, jääjës ojts yë Wintsën nmëkäjpxy; yë'ë ojts tjantymyëtoy ja ntsajpkäjpxyës etsës ojts xymyo'oy ja ëwaatsë'ajtën.

Salmos 12:2

Aak näwyin'ë'ënëtëp nixim niyam; ko tii tnimëtya'aktë aak je'eyë y'etykyajpxtë.

Salmos 37:4

Tsok yë Wintsën mëët yu'unk aaw yu'unkjot ets yë'ë kyuuytyunäämpy mëti'ipë mëk mtsojkën'ajtypën.

Isaías 58:6

Ka'ap jyëtu'unëty. Ëjts ënätës ntukjotkëta'aka'any pën m'ayuu'ajtp: Ets ja tsumjyä'äy yaj'ëxmatstëty ets ja nipaye'eyën y'itëty, ets xymyëkäjëty ja tsajpkaa mëti'ipë kutsumy yajpatpën, ets yajnajtsmatsëty ja ja'ay mëti'ipë yajtëytyuunpën, ets tyimkutëkoyëty ma ja yajkutujkpëtëjk ëxëëk y'ëtë'ëtstën y'ëna'antën;

Isaías 57:4

¿Pën mtukxiktëp? ¿Pën m'ëxwa'an m'ixtijtëp? ¿Pën mwiin m'aaw mtuk'ijxtëp? Miitsëty poky të xytyukmin të xytyukkä'äxëtë, yë'ë m'u'unk'ajtëtëp mëti'ipë je'eyë win'ë'ënpën,

Zacarías 10:2

Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

Génesis 27:18

Tää ja Jacob tyëjkëy ma ënety jap ja tyeetyën ets t'ënëmaay: Tatë. Tä ja Isaac y'ëtsooy: ¿Wi'ix, tyaajës jä'ä, mpën u'unkës jëtu'un mijts?

Ezequiel 13:8

Paaty ëjts maas nWintsën'atyën jëtu'unës n'ëna'any: Miitsëty ko xynyikajpx xynyimëtya'aktë ka'apë tyiyëtyën ets mëti'ipë m'antijtëpën xy'ixtë ka'ap myëtëyëty, ëjts mëtsipës n'awinpity ma miitsëtyën. Ëjts Wintsën ëjts ënaanp.

Isaías 59:13

Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënety tmëtoy mjë'ëy myä'äxy, je'eyë tmëtoowpaatëty ko ënety xy'amëtoy ja näypyutëkë, ënätyë mputëkëja'anyë.

Job 22:27

Pën m'amëtoopy winë, nëjkxëp tmëtoow'ity ets nëjkxëp xypyatuny ja m'aaw m'ayuk mëti'ipë ënety yë'ë të xytyukwinwanën.

Salmos 20:6

Nija'apës ko yë Wintsën yë'ë yajmëta'akäämpy yë yajkutujkpë mëti'ipë kë'ëm të twin'ixyën; jam tsajpjotm y'ëtsoowinpita'any ets tyajmëta'aka'any tsipjotm.

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Isaías 59:1

Yë Wintsën yë myëk'ajtën ka'ap jëtu'un kyixy nyäxy tä oy tiijën ets ka'ap yajnitso'okëty, ka'ap nyatëty ets pën y'ëna'anëty ko ka'ap myëtoy.

Daniel 9:20

Ëjts tëëjës ja Dios nmënu'kxtä'äky ets ja mpoky nmaaywyätyës, tëë näjyëtu'un ja naax nkajpnës, yë Israel kajpn ninu'kxtä'äkyës ets ja Wintsën n'amëtoyës ja kënu'kxën ma ja kyopkën mëti'ipë wa'atsën.

Salmos 145:18

Yë Wintsën winkon yajpaaty ma ja'ayën mëti'ipë mëkajpxëpën, mëti'ipë mëkajpxëpën winë aaw winëjot.

Lamentaciones 3:57

Jä'ä xëëw ma nmëkäjpxyën, jä'ä xëëw mminy ets xy'ënëëmës: Këtii mtsë'ëkëty.