Isaías 58:5 - Biblia Dc en Mixe de Quetzaltepec

⁵ ¿Jä'ä jëtää miitsëty mmaytyë mtajtë koos yë'ëjës ntukjotkëtäkpy ko ja'ay mon tuk yajpaaty, ko ja'ay winta'ak naaxkow jyëtity tä tutkopkën ëkë ko ja'ay tuktëkë wit mëti'ipë kuumpën u'kxpën, ëkë ko ja'ay nyätyukuwo'kta'ayë kuyjaam ets naaxway? ¿Jëtu'unën ja'ay y'ayuu'atyë, jëtu'un yë ja'ay tmëjjaw tkënu'kxjawë Wintsënë?

Biblia Mixe de Quetzaltepec

⁵ ¿Jä'ä jëtää miitsëty mmaytyë mtajtë koos yë'ëjës ntukjotkëtäkpy ko ja'ay mon tuk yajpaaty, ko ja'ay winta'ak naaxkow jyëtity tä tutkopkën ëkë ko ja'ay tuktëkë wit mëti'ipë kuumpën u'kxpën, ëkë ko ja'ay nyätyukuwo'kta'ayë kuyjaam ets naaxway? ¿Jëtu'unën ja'ay y'ayuu'atyë, jëtu'un yë ja'ay tmëjjaw tkënu'kxjawë Wintsënë?

Isaías 58:5 ပူးပေါင်းရင်းမြစ်များ

Zacarías 7:5

Ënëmaaytya'a yë ja'ay mëti'ipë yajpatëpën ma naax kajpnën ets teetytyëjkëty: Miitsëty m'ayuu'ajtëp ets mmoontëp mtujktëp xëmë ko myëkoxk po'opety tu'ukpë jëmëjt ets ko wyëxtujk po'opety, tëëyëp jëtu'unpë xyajtso'onta'aktë, tëkë'px majk yë jëmëjt, je'eyëp ko ka'ap yë'ëkyëjxmëty m'ayuu'atë ets mmontë mtuktë koos xymyëjjawëtë,

Isaías 61:2

ets nikajpxa'any nimëtya'aka'anyës ja xëëw jëmëjt ma ja ja'ay jotkujk y'itëtyën, ja xëëw po'o ma ja nWintsën'ajtëm tyajkutëkoyä'änyën ja nmëtsip'ajtëmë mëti'ipë ëxëëk të xytyu'un të xy'ënëma'ayëmën. Të xykyexyës etsës nyajjotkujkëtya'aja'any tëkokyë ja'ayëty mëti'ipë moontëp tujktëpën.

Isaías 49:8

Tëë tpaaty ja xëëw po'o maas nyaj'ixa'anyën ja n'oyajtënës, ets të n'ëtsoy; tëë tpaaty ja xëëw ma ja nitsokën y'itëtyën. Tëë nkuwa'any jä'ä ko yë'ëjës ënety mëët ja naax kajpn ja käjpxytyu'unën ntuna'any, ets tpëktëty ja it naaxwiinyëtë mëti'ipë ëxëëk të jyäty të kyëpetyën,

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Dios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Lucas 4:19

Jëtu'un yajtuk'ëwaanëtëty ko tëë tpaaty ja xëëw po'o ma ja Wintsën tuna'anyën ja mëyajtën.

Salmos 69:13

E ëjts, Wintsën, mijtsyë nmëyäxy nmëjojkpy, Dios, mëti'ipës nTios'ajtypyën, putëjkëkës. Mëët yë mëjpë m'oyjot m'oywyinma'any, ëtsoowkës. Mëët yë mputëjkën xëmëpë y'ityën, yajtsokës.

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kuttujkën mëti'ipë jää ijtpën. E pën xyaj'o'ktëpës, wä'än t'ixy.

2 Crónicas 20:3

Josafat ojts tsë'ëkë tyuktëkëty ets tuk'ëwa'anëy ënätyë ja Wintsën, tääts tni'ënä'ämëy ets nitëkokyë ja'ayëty jam ayuu y'itëty,

Isaías 58:3

ets ënät jatëkok kyajpxwinpitë ets y'ëna'antë: ¿Tii ko n'ayuu'ajtmëty pën ka'ap ja Wintsën t'ixy? ¿Tii ko ni'ikyë nnäyaj'ëyo'owëmëty pën ka'ap tii tmëjpëjktä'äky? Ma m'ayuu'atën jää miitsëty mtooktë myaktë ets jää mtuunpë wäänë mëk xyajtuntë.

Job 2:8

Ënet ja Job jam nyaaxwe'tsy ma pu'uxm niko'owpety y'ityën. Jam tpaty yë tu'ts apu'u, yë'ëts nätyukjäjpëp ko tyäty xyi'ipyë.

Ester 4:3

Näyjyëtu'un maajaty ja kajpnën, ma ojts jyä'tyën jëtu'unpë ja ënä'ämën, ja Jutiiyë ja'ayëty ojts tyëkëtë moonpë tujkpë, jëëpyë yaxpë, tyajkëxë'ëktë ja monyëtukyë. May ojts ja'ay nyäkyo'okyë kuyjaamjoty ets tuktëjkëtyë ja wit mëti'ipë kuumpën u'kxpën.

Esdras 10:6

Tä ja Esdras jam tsyo'ony ma ja Wintsën ja tsyajptëjkën ets ojts nyijkxy ma ja Johanán jap y'ityën, yë myaank yë Eliasib; jap ja tsuu tyajnajxy, ka'ap kyääy y'uky mëët ja monyëtukyë. Jä'ä ko jä'ä pya'ëyoopy mëti'ipë ënety jatëkok të wyimpitën.

2 Reyes 6:30

Ko ja yajkutujkpë tmëtoowpaty y'ënä'äny jëtu'un ja to'oxytyëjk, mëk ojts tjawë, kyë'tstaay ënätyë ja wyit mëti'ipë ënety jam nyijän'ajtypyën mëët ja mëkjotmay ets ja äkë. E jä'ä ko jam ënety potsykyëjxm, may ja ja'ay t'ijxtë ko ja wyit këëts tmëët'aty.

Mateo 6:16

Ko miits m'ayuu'atëty, ka'ap ja mwiin mjëjp xypyëjkta'aktëty yaj'ëyow yaj'ama'at, ijxtëm y'ëtë'ëtstën mëti'ipë oyjyä'äy nätyijëtëp ets ja ja'ay y'ixëtëty ko y'ayuu'atë. Tëy miits n'ënëëmëtë ko yi'iyë kyuma'ayën'atantëp.

Esdras 8:21

Ok ojts nipëjktaakës ets ja ja'ay y'ayuu'atëty tu'uk xëëw jam ma mëjnëë nyäxyën mëti'ipë yajtijpën Ahavá, ets yajmëmay yajmëtajëty ja tuuntëko'oy kajpxtëko'oyën mëti'ipë të yajtunyën ma ja nTios'ajtëmën, tääts yaj'amëtow yajpëjktsowëty wä'än oy mëjaaw xyajtu'uye'eyëmë mëët ja n'u'unk'ajt n'ëna'k'ajtëmë ets jënu'un winë nmëët'ajtëmën.