Isaías 58:4 - Biblia Dc en Mixe de Quetzaltepec

⁴ Miitsëty ko m'ayuu'atë jää mnäy'oj mnäya'axëtë ets xynyëtij xytsyajptijtë ja mkë'ë m'aawëty ko pën xyajtsëtyuta'an xyajwintëkoya'antë. Ko jëtu'un m'ëtë'ëtstë ma m'ayuu'atën, ëjts ka'apës jëtu'unpë nyajmëjnaxy.

Biblia Mixe de Quetzaltepec

⁴ Miitsëty ko m'ayuu'atë jää mnäy'oj mnäya'axëtë ets xynyëtij xytsyajptijtë ja mkë'ë m'aawëty ko pën xyajtsëtyuta'an xyajwintëkoya'antë. Ko jëtu'un m'ëtë'ëtstë ma m'ayuu'atën, ëjts ka'apës jëtu'unpë nyajmëjnaxy.

Isaías 58:4 ပူးပေါင်းရင်းမြစ်များ

Proverbios 21:27

Dios ëxëëk t'ixy ko ëxëëkja'aytyëjk tii tyoxtë. Jä'ä ko ka'ap tii ëmuumtu'ukjot tyaktë.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Isaías 3:14

Yë Wintsën tyukwinmëtowäämpy ja mëjja'aytyëjk ets ja kopktëjk ja nyëë pyokyëty, ets t'ënëëmëja'any: Miits të xypyëjkëtë ja ëyoopëja'ay ja kyä'äyën y'ukën, tëë xymyäätstë ja mëti'ipë ënety ja y'u'unk y'ëna'k tyuk'ixäämpyën, ja mëti'ipë të xymyäätstën jam ma mtëjkën të xymyënëjkxta'atë.

Isaías 3:15

Pën ja kuttujkën të mmo'ojëtë ets ja nnaax nkajpnës o'ktëy xytyuntëty ets ja ëyoopëja'ay xyjyaamtään xynyaaxtääntëty. Ëjts jëtu'un ënaanp, ëjts Wintsën, mëti'ipë maaytyääyëpën winë.

Isaías 59:2

Jä'äjën tëy, yë'ëkyëjxm ko miitsëty të mpokytyuntë paaty ja Dios të mmëjëkämkä'äkëtë; yë'ëkyëjxm ko të mpokytyuntë paaty je'eyë ja tyatsk të t'apääntuky këtiipë tmëtowëty mëti'ipë mkajpxtëpën.

Isaías 59:6

Miitsëty jëtu'un mmaytyë mtajtë tä jeexyë poxmtä'äky yë'ë xywit'ata'antën, ka'ap tjëkyepy. Jä'ä ko je'eyë myajja'ay ooktë ets je'eyë mtsiptuntë.

Joel 2:12

E tyam jëtu'un yë Wintsën y'ënä'äny: ëjts niwinpijtëk winë aaw winëjot. Ëyuu'atë, ya'axtë joktë ets jë'ëtë ya'axtë.

Jonás 3:7

Ënätyë ja yajkutujkpë mëët ja wyintsëntëjk ja ënä'ämën tpëjktaktë ets y'ënantë: Ka'ap pën kyäyëty y'uukëty. Yë jëyujk tsajpkaa ka'ap yajmo'otëty yë jyi'kxy ets nyëë.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Lucas 20:47

Pyëjkëtëp ja ku'ookytyo'oxy ja jyëën tyëjk, këtiipë pën nijawëty janty jekyëty nyätyijyë Dios mëkajpxtë. Je'eyëp ko yë'ëjëty mëk ni'ik yajtëytyuna'antë.

Juan 18:28

Ënet ja Jesús tmëtso'ontë ma ja Caifás ja tyëjkën ets ojts tmënëjkxtë ma ja këmoontëjkën, ma y'ëne'emyën ja romanë yajkutujkpë, xëënyënëp ënätynyë. Ka'ap ja jutiis ja'ayëty ojts tyëkëtë këmoontëkoty, jä'ä ko ka'ap wya'atsëty ja këmoontëjk. Yë'ëjëty jëtu'un ja mëpëjkën tmëët'atë ko tyëkëtëty muum ma ka'ap wya'atsëtyën tsojk y'ëxëëkëtëty ets ka'ap tjëkyäpëty wi'ix y'a'ux'atëtyën ma ja ëmaayxyëëwën.