Isaías 58:3 - Biblia Dc en Mixe de Quetzaltepec

³ ets ënät jatëkok kyajpxwinpitë ets y'ëna'antë: ¿Tii ko n'ayuu'ajtmëty pën ka'ap ja Wintsën t'ixy? ¿Tii ko ni'ikyë nnäyaj'ëyo'owëmëty pën ka'ap tii tmëjpëjktä'äky? Ma m'ayuu'atën jää miitsëty mtooktë myaktë ets jää mtuunpë wäänë mëk xyajtuntë.

Biblia Mixe de Quetzaltepec

³ ets ënät jatëkok kyajpxwinpitë ets y'ëna'antë: ¿Tii ko n'ayuu'ajtmëty pën ka'ap ja Wintsën t'ixy? ¿Tii ko ni'ikyë nnäyaj'ëyo'owëmëty pën ka'ap tii tmëjpëjktä'äky? Ma m'ayuu'atën jää miitsëty mtooktë myaktë ets jää mtuunpë wäänë mëk xyajtuntë.

Isaías 58:3 ပူးပေါင်းရင်းမြစ်များ

Malaquías 3:14

Jëtu'un të m'ëna'antë: Nëkoopë Dios nmëtu'unmëty. ¿Tii mpatmëp n'ijxmëp ko ëëtsajtëm näpyëjktakëmëty mon tuk jëtu'un tä ja'ay nyäxyoxyën ko o'kën tëko'oyën y'ity jam Dios wintum mëti'ipë maaytyääyëpën winë?

Proverbios 28:9

Pën jää pën mëti'ipë ka'ap tja'akyukëja'anyën yë Dios yë y'ënä'ämën tyiyajtën, Dios ka'ap nëjkx kyupëkyë ko tjamëkajpxëty.

Nehemías 5:7

Koos yajxon tmëmaay nmëtajy, ënätës n'ënany ko janty tëy jëtää jëtu'un, tääjës ojts ntuk'ënëëmë ja yajkutujkpëtëjk ets ja kutuunktëjkëty wi'ix ko jëtu'un ja myëkunaax myëkukajpn timy tyuntë. Ojtsës ëpëky ntuknipëjktaakë tu'uk ja nätyu'ukmukë ets jam yajkajpx yajmëtya'akëty ja jotmay,

Lucas 15:29

Jëtu'un t'ëtsooy ja tyeety: Mnija'ap ko kanaak jëmëjt mijts të nmëtuny ets xëmë të nmëmëtoy; mijts nitiijës të xykyamo'oy, oy jeexyë yë'ë'ajty tsajppax ets ja nxëëw jeexyë ntunyës mëët ja nmëku'uktëjkës.

Isaías 47:6

Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Isaías 22:13

Tyam xoontaktëp ja ja'ayëty ets äjtstëp pujtëp, janaam jatsojk tjantyaj'ooktë tsajpkaa ets kupixyny, kyäytyë jyë'kxtë ënät ets y'uuktë pyëktë.

Salmos 69:10

Koos një'ëy nyä'äxy ets koos ka'ap nkay n'uuky, je'eyës xynyëxi'ik xytyukxi'iktë;

Esdras 8:21

Ok ojts nipëjktaakës ets ja ja'ay y'ayuu'atëty tu'uk xëëw jam ma mëjnëë nyäxyën mëti'ipë yajtijpën Ahavá, ets yajmëmay yajmëtajëty ja tuuntëko'oy kajpxtëko'oyën mëti'ipë të yajtunyën ma ja nTios'ajtëmën, tääts yaj'amëtow yajpëjktsowëty wä'än oy mëjaaw xyajtu'uye'eyëmë mëët ja n'u'unk'ajt n'ëna'k'ajtëmë ets jënu'un winë nmëët'ajtëmën.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Job 34:9

Jëtu'un y'ënä'äny ko ka'ap tii yajpaaty yaj'ixy ko nyätyijyë oy näyajnaxa'anëmëty Dios wintuuy.