Isaías 58:2 - Biblia Dc en Mixe de Quetzaltepec

² Xëmës xyjyajanty ixta'atës, ets janty jotkujk nyäyajnaxëtë ko t'ixy'atë ja nnë'ë ntu'ujës. Jëtu'un nyäyajnaxëtë tä tu'uk kajpnën mëti'ipë aak'oy winë tyuunpyën, ets ka'apë tkumëtoownaxyën yë n'ënä'ämënës ntëyajtënës; ja mëtëypyë ja ënä'ämën jä'äs xy'amëtoowtëp, ets janty'oy janty xoontä'äky nyäyajnaxëtë koos xymyëwinkontë,

Biblia Mixe de Quetzaltepec

² Xëmës xyjyajanty ixta'atës, ets janty jotkujk nyäyajnaxëtë ko t'ixy'atë ja nnë'ë ntu'ujës. Jëtu'un nyäyajnaxëtë tä tu'uk kajpnën mëti'ipë aak'oy winë tyuunpyën, ets ka'apë tkumëtoownaxyën yë n'ënä'ämënës ntëyajtënës; ja mëtëypyë ja ënä'ämën jä'äs xy'amëtoowtëp, ets janty'oy janty xoontä'äky nyäyajnaxëtë koos xymyëwinkontë,

Isaías 58:2 ပူးပေါင်းရင်းမြစ်များ

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Isaías 29:13

Ëjts tëëjës yë Wintsën xy'ënëëmë: Ya'atë naax kajpn nëkoojës wiinkë'ëy akë'ëy xywyinkäjpxy xywyinmëtyä'äky yë jyot wyinma'any wiinktsow tyaj'ity, ets koos xytyukxoontä'äky, jëtu'un tä naaxwiinyëtë ja'ay kë'ëm të tuknipëjktaakën.

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.

Marcos 12:14

Ënet ojts nyëjkxtë ets ja Jesús yajnëmaay: Wintsën, nija'awëtyëp ëëts ko mijts mëtëy mja'ay'äty, jä'ä ko ka'ap xymyëjpëjktä'äky oy pën wi'ixjaty m'ënë'ëmxëty, ka'ap yë'ëkyëjxmëty tii xynyikäjpxy ets ja'ay mtsokëtëty. Mijts yë'ë ja'ay mtuk'ëwa'anëp ja Dios ja nyë'ë'aaw tyu'u'aaw. ¿Oy ko yë yajkutujkpë César nmëkëpäjtmëtyë ëkë ka'apë? ¿Jyëkyejpy nmo'omyëty yë meenyë ëkë ka'apë?

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Jeremias 42:20

Miitsëty mëj këjää mtëkoytyë, miitsëty ojts kë'ëm m'ëna'antë koos yë Wintsën nmëkajpxëty mëti'ipë mTiosajtëpën, kë'ëm të xy'ëk'ënëëmëtës: Mënu'kxta'ak yë Wintsën mëti'ipës nTios'ajtëpën mëët ëëtskyëjxmëty ets ënät xytyuknijawëtëtyës wi'ix y'ëtsoyën ets jëtu'un winë ntuntëtyës.

Jeremias 42:2

ets tnimiintë ja Jeremías käjpxynyajxpë ets t'ënëmaaytyë: Mëyajtën ëëts n'amëtowantëp ma mijtsën, niwaantso'ow nipëjktso'owëtëkës ma mWintsën Tiosën, këtii m'ëna'anëty ko ka'ap, maas niwäänë të nwë'ëmtën. Nimay ijty ëëtsëty tëëyëp, tyam niwäänë njaakyajpaatës, jëtu'un tä xy'ixyën.

Proverbios 15:8

Yë Dios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Santiago 4:8

Mëwinkontë ja Dios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Dios mtsojktëpën, nänyajwa'atsëtë.

Salmos 119:15

Yë'ëjës nmëmayäämpy nmëtajäämpy yë m'ënä'ämën mtëyajtën, etsës yë nwinma'any jam npëjktaka'any ma mnë'ë mtu'ujën.

Salmos 119:87

Ëjts jawäänës të nkayajjo'otsy naaxwiiny naaxkëjxy, je'eyëp ko ka'apës të n'ëxmatsy yë n'ënä'ämën mtëyajtën.

Salmos 119:151

Mijts Wintsën, winkon myajpaaty, ets tëkokyë yë m'ënä'ämën mtëyajtën aak mëtëy yë'ë.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Isaías 1:28

Apux tukpuxës ntuna'any mëti'ipë käjpxy kyumëtoownajxtëpën, ets mëti'ipës ënety xy'ëxmajtstëpën nëjkxëp y'ooktë.

Isaías 57:3

Winkon mintë, miitsëty ninu'un m'u'unk'at m'ëna'k'atëtën ja to'oxytyëjk mëti'ipë kajpxpojkpën, mëti'ipë ka'ap ja nyiye'etyëjk twintsë'ëkën, mëti'ipë kanaak ja ye'etyëjk myëëtko'knääpyën.

Isaías 57:12

Ëjts nikajpxäämpyës yam wi'ix mtëkoyën, oy mja'ëna'any ko mwa'atsëty ets ko mëtëy winë xytyuny.

Isaías 59:13

Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Jeremias 7:9

Mmä'tstëp, myajja'ay'o'ktëp, mmëët'ajtëp wiink ye'etyëjk wiink to'oxytyëjk, ka'ap tii mëtëy xynyikajpxtë; mwintsë'këtyëp ja Baal ets wiink tios m'ëwtajtëp mëti'ipë ka'ap xy'ixy'atën,

Jeremias 7:10

ok mmintë ma ya'atë tsajptëjkën, mëti'ipë ëjts të nyajtuknikojën. Jëtu'un mmaytyë mtajtë ko ka'ap yaa tii mjatëtëty; m'ënantëp ko jyëkyejpy je'eyëm ëxëëk m'ëtë'ëtstëty m'ëna'antëty.

Isaías 42:20

Mayjyëjp winë të t'ijxnë, je'eyëp ko ka'ap tmëjpëjktä'äky; jyamëtoopy winë, je'eyëp ko ka'ap tja'akyukë.

Ezequiel 20:3

Mijts ye'etyëjk, mëmëtya'ak yë Israel mëjja'aytyëjk ets xy'ënëëmëty: Jëtu'un yë Wintsën y'ënä'äny: ¿Ëjts miits xynyimiintëp ets winë xynyijawëja'antë? Ëjts tyamës yë njuukyajtën ntukajpxpety ets n'ëna'anyës ko ka'apës yam nkupëka'any ets miitsëty tii xyajtëwtëtyës.

Amós 5:18

Mon tuk yë ja'ay yajpaatë mëti'ipë tsyojkën'ajtëpën ets Wintsën myinëty. ¿Mnija'awëtyëp wi'ix nëjkx jyäty kyëpetyën ko ënety yë Wintsën myinyë? Nëjkxëp jää kyootsë ets ka'ap tyë'kxa'any jyaja'any.