Isaías 58:14 - Biblia Dc en Mixe de Quetzaltepec

¹⁴ Ko jëtu'un xytyunëty, mpaatäämpy ja xoontakën ma ëjtsën, ets nyajmëta'akäämpy ma ja naax kajpnën, nëjkxëp xytyukjuuky'äty ja kuma'ayën mëti'ipë ja mteety Jacob të mtukumayën. Yë Wintsën yë'ë jëtu'un kë'ëm ënaanp.

Biblia Mixe de Quetzaltepec

¹⁴ Ko jëtu'un xytyunëty, mpaatäämpy ja xoontakën ma ëjtsën, ets nyajmëta'akäämpy ma ja naax kajpnën, nëjkxëp xytyukjuuky'äty ja kuma'ayën mëti'ipë ja mteety Jacob të mtukumayën. Yë Wintsën yë'ë jëtu'un kë'ëm ënaanp.

Isaías 58:14 ပူးပေါင်းရင်းမြစ်များ

Deuteronomio 32:13

Yë'ë ojts xëmë yajmëta'akëtë oymyaajëty, tyimjajtë jam jëtu'un kopkkëjxm, ko jam jyajtë ojts tyukjë'kxëtë ja aaytyëëm ujtstëëm jampë yajpaatyën kamjotm tu'ujotm, ojts tyukjë'kxëtyë ja uuxpa'ak, mëti'ipë ojts tsaajoty tpaatën, ets ja on mëti'ipë tsaakëjxm yoonë'kpën.

Job 22:26

Yë'ë nëjkx xytyukxoontä'äky ets xëmë nëjkx xytyuk'ijxpety.

Isaías 33:16

Tääpë ja'ay jotkujk jyuuky'ata'any, jam tsaatunkëjxm tsoktakn tmëët'ata'any; ma nyäkyuwa'anëtëtyën, myëët'atäämpy xëmë ja kyä'äyën y'ukën, ets nëë ka'ap tyaj'ëmaaytya'aka'any.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënety myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënety amëj akëjxm jyä'äy'atën.

Isaías 40:5

Jëtu'un ja Wintsën tyaj'ixa'anyë ja myëj'ajt y'oyajtën, ets tu'kë'ëyë ja'ay t'ijxta'aja'antë. Wintsën kë'ëm të tnikäjpxy.

Salmos 37:4

Tsok yë Wintsën mëët yu'unk aaw yu'unkjot ets yë'ë kyuuytyunäämpy mëti'ipë mëk mtsojkën'ajtypën.

Salmos 36:8

Ku'uxyë wyë'ëmtë mëët ja ka'ayën ukën mëti'ipë jam yajpatpën ma mjëën mtëjkën; e ja nëë mëti'ipë mtuk'ukpyën yë'ë mëti'ipë tso'onpën ma taxnëëjën mëti'ipë jämyë mu'tpën,

Filipenses 4:4

Tukxoonta'aktë ja Kristë xëmë. Njaaknikäjpxyës ets mxoonta'aktëty.

Jeremias 3:19

Israel, ojts mijts nkupëky ets n'u'unk'ata'any nmaank'ata'any, ko nmo'oja'any tu'uk ja naax kajpn mëti'ipë ja'ay wyiink'ixëpën ko y'oyëty tsyujëty këtiinëm jëtu'un wiinkëtypë naax kajpn. Etsës të nmay të ntajy ko teetyën xyjyawëja'anyës ets ko ka'ap nijëna'a xy'ëxmatsa'anyës.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

Miqueas 4:4

Oy nëjkx jyuuky'atë yë ja'ayëty ets ka'ap nëjkx tsyë'ëkëtë jyawëtë; nëjkxëp yë ja'ayëty pyo'kxtë pyëktë kepypya'tkë'ëy ma higos pa'tkën ëkë ma tsatym kyepy nyinikën. Yë Wintsën, yë'ë kë'ëm të y'ënä'äny, mëti'ipë maaytyääyëpën winë.

Job 27:10

Jä'ä ko yë'ë ka'ap jyamëty yë xoontakën tpaaty ma mëti'ipë maaytyääyëpën winë ets ka'ap nijëna'a tmëkäjpxy.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Salmos 136:21

Mëti'ipë kyijpxwa'kxën ja nyaax kyamëty ja yajkutujkpëtëjk, jä'ä ko yë tsyojkën jya'awën winë xëëw winë jëmëjt y'ijtëy.

Salmos 135:12

Tëkokyë ja it naaxwiinyëtë mëti'ipë ënety tääpë yajkutujkpëtëjk nyitënaaytyëpën, yë'ë ojts tukumaaytyä'äy ja nyaax kyajpn, ja Israel kajpn.

Salmos 37:11

Yë'ë tëy yë ja'ayëty mëti'ipë yu'unk naxym juuky'ajtëpën, nëjkxëp tkuma'ayën'atë yë naaxwiinyëtë ets nëjkx akujk jotkujk jyuuky'atë.

Job 34:9

Jëtu'un y'ënä'äny ko ka'ap tii yajpaaty yaj'ixy ko nyätyijyë oy näyajnaxa'anëmëty Dios wintuuy.

Isaías 34:16

Jap pa'ixtë ma ja Wintsën ja nyokyën ma winë jaaypyety myiinta'ayën, nitu'uk ya'atë jëyujk kyatëkoy'ata'any, tu'kyä'äy tu'kto'oxy jap myina'antë kuja'ay jä'ä ko jëtu'un yë Wintsën të tuknipëjktaakë ets tëë tyajtu'ukmujkta'ay tu'k nasxäjë.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Ezequiel 36:2

Ëjts Wintsën, jëtu'unës n'ëna'any: Yë Israel ja'ay yë myëtsip, jëtu'un nyäyjyawëtë yë'ë yowë nyiwintsën'ajtëp yë tun kopk xëmëkyëjxm.