Isaías 58:12 - Biblia Dc en Mixe de Quetzaltepec

¹² Nëjkxëp ja naax kajpn tkoj'o'oyëtyä'äy ja jëën tëjk jënu'un ënety të jyityën ets tyajta'tspëjkta'aja'any ja potsy ëjx mëti'ipë jeky itaanpën. Jä'ä nëjkx mnaax mkajpn xyëëwpety Potsy kyoj o'oyëpë. Tu'u yaj'o'oyëpë.

Biblia Mixe de Quetzaltepec

¹² Nëjkxëp ja naax kajpn tkoj'o'oyëtyä'äy ja jëën tëjk jënu'un ënäty të jyityën ets tyajta'tspëjkta'aja'any ja potsy ëjx mëti'ipë jeky itaanpën. Jä'ä nëjkx mnaax mkajpn xyëëwpety Potsy kyoj o'oyëpë. Tu'u yaj'o'oyëpë.

Isaías 58:12 ပူးပေါင်းရင်းမြစ်များ

Isaías 61:4

Nëjkxëp yajkoj'oyëtë ja tukpotsy, nëjkxëp yajkoj'oyëtë ja tuk tëjk, ets y'o'oyëtya'ajëty ja mëjëtypë naax kajpn mëti'ipë të kyutëkoytyën.

Ezequiel 36:33

Ëjts Wintsën, jëtu'unës n'ëna'any: Ko ënety nmä'kxta'ayës miits ja mpokyëty, nëjkxëp jam nyajtsëënëtë ma mkë'ëmnaax mkë'ëmkajpnëtyën ets nëjkxëp jatëkok xykyoj'oyëtë ja naax kajpn mëti'ipë ënety të jyityën.

Nehemías 2:17

Tääjës n'ënëmaaytyë: Miitsëty wa'ats xynyijawëtë ko ëëts'ajtëm tsip oy ja njuukyajtën'ajtëm yajpaaty, ixtë ja naax kajpn Jerusalén kajpn të nyajijtutaaynyë ets ja nyijëën'aaw nyitëjk'aaw tëë nyaaxmëto'oyëtyääynyë. Mintë ni'ëmukë ma ëjtsën, puwa'këtyëkës ets tsojk nkoj'o'oyëmë ja mëjpotsy mëti'ipë ja naax kajpn nyapots'ajtypyën këtiipë ëtsajtëm nëxi'iky tukxi'iky ntimwyë'ëmëty.

Amós 9:14

Ënätës nyajmina'any ja nnaax nkajpnës mëti'ipë ënety të yajpaatyën tsumy matsy wiink naax wiink kajpn. Ets nëjkx tkoj'o'oyëtya'atë ja kajpn mëti'ipëjaty të jyityën ets jam jyuuky'atëty; nëjkxëp yë tsatym tniyu'ujëtë ets nëjkx t'uuktë yë tsatym nyëë; nëjkxëp tkojtë tpäntë yë y'ääy y'ujtsëty ets y'ääy kyepyëty mëti'ipë jyë'kxtëp pyëktëpën.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënety jyotkujk'atyën,

Jeremias 31:38

Jëtu'un yë Wintsën y'ënä'äny: Pyatäämpy ja xëëw maas ja nkajpn nëjkx yajkoj'oyën jatëkok, nëjkxëp yajkoj'oyë ja Hananel ja kyëjxmpotsy ets tyimja'tëty jampaat ma ja Tëjkëtyaknën ets jampaat ma y'ëwtijtë'ëkyën.

Isaías 51:3

Tëy yë'ë ko yë Wintsën yajjotkujkta'akäämpy jatëkok yë Sión kajpn, mëti'ipë xit ko'ow të yajpaatyën. Aayjyot ujtsjot y'awinpita'any ja anë'ëk tëëtsë'ëkpë, jëtu'un tä ja mëti'ipë ja Wintsën y'oytyuunën jam Edén. Jam'ataanp ja jotkujk'ajtën ets xoontakën, ëy yä'äxy ets xuxpë wojpë.

Isaías 49:8

Tëë tpaaty ja xëëw po'o maas nyaj'ixa'anyën ja n'oyajtënës, ets të n'ëtsoy; tëë tpaaty ja xëëw ma ja nitsokën y'itëtyën. Tëë nkuwa'any jä'ä ko yë'ëjës ënety mëët ja naax kajpn ja käjpxytyu'unën ntuna'any, ets tpëktëty ja it naaxwiinyëtë mëti'ipë ëxëëk të jyäty të kyëpetyën,

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Ezequiel 36:4

E miitsëty tun kopkëty mëti'ipë Israel yajpatëpën, mëtoow'itë wi'ix ja Wintsën t'ënëëmën ja tun kopk, nëë wok käätswok ets ja joyjyot; näjyëtu'un ja tukpotsykyopk ets ja naax kajpn aanë'ëk tëëtsë'ëkpë mëti'ipë jam Israel yajpatpën, mëti'ipë të myeetsyën ja myënaax myëtsëpa'an ets je'eyë të nyëxi'iky të tyukxi'ikyë.

Isaías 52:9

Tukyaax tukjokëtë ko të mmëta'aktë, mijts Jerusalén kajpn ma axit ako'owë të myajpaatyën, jä'ä ko tëë yë Wintsën tpa'ëyoy yë nyaax kyajpn ets tëë tyaj'ëwaatsëpëtsëmy yë Jerusalén kajpn.

Isaías 44:28

Jëtu'unës n'ënëëmë yë Ciro: Tyampaat ka'ap ënety maa të yajnijawë'aty yë Ciro xyëëw, mëti'ipë jam Persië yajkutujkpën, oy muum pën të tjanimëtyä'äky. Mijts yë'ë mtunëp mëti'ipës ëjts ntsojkpyën xytyunëty. Yë Jerusalén kajpn jëtu'unës n'ënëëmë: mijts myajkoj'oyëjaanp jatëkok, yë mtsajptëjk nëjkxëp jatëkok yë nyipotsy ëjx tya'tspëky.

Nehemías 6:1

Ko ja Sambalat, Tobías, Guésem, ja arapyë ja'ay ets ja wiinkëtypë ja mëtsiptëjk tnija'awëtyë ko tëë ënety yajkoj'o'oyëtyä'äy ja mëjpotsy mëti'ipë kajpn nya'ëwtijtypyën ets ko ka'ap ënety nimaa najxtakn ëwa'ats të yaj'ëxmatsy, oy ënety yi'iyë jyaak tëkoy'ätynyëm ja tëjk'aaw muumëty,

Nehemías 2:5

tääjës ja yajkutujkpë n'ëtsooy: Pën yë Yajkutujkpë y'a'ijxëp ets pën xy'oyjya'apës, nmëtaja'anyës jam Judá, jam ma kajpnën ma jam y'itën naaxnitajy ja n'aptëjkës ets jatëkok nkoj'oyëtyës.

Job 3:14

mëët yë yajkutujkpëtëjk, wintsëntëjkëty, mëti'ipë mëjjëty yë kyutujkëntëjk ojts tkojtën,

Isaías 30:13

paaty miitsëty mmëët'ajtëp ja poky. Jëtu'un miitsëty tä tu'uk potsyën mëti'ipë të kyë'tstaaynyën, ma ënety ka'ap tii xymyäytyën xytyajtën jää kyëtawa'any;

Ezequiel 13:5

Nitii të tkatuntë ets Israel kajpn tkuwa'antëty ets jeexyë nyäkyuwa'anyë jä'ä xëëw ma ja Wintsën ja tsip tyaj'ita'anyën.

Miqueas 7:11

Jerusalén, pyätyp jatëkok ja xëëw po'o ma ja mpotsy yajkoj'oyëtyën ets ja mtsëpa'an nyaaxkëta'akëty.