Isaías 58:11 - Biblia Dc en Mixe de Quetzaltepec

¹¹ Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënety muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Biblia Mixe de Quetzaltepec

¹¹ Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënäty muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Isaías 58:11 ပူးပေါင်းရင်းမြစ်များ

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Jeremias 31:12

Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënety ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Isaías 49:10

Ka'ap nëjkx yuu nëëtëtsë xymyëët'atë, oy mëk y'anëty, miitsëty ka'ap mni'ana'antë, jä'ä ko ntsojktëp nja'awëtyëp ets nwoownëjkxantëp ma ja nëë myuutyën.

Juan 16:13

Ko ënety myiny ja Kënu'kxymyëkajtën, mëti'ipë ja tëyajtën yäjkpyën, yë'ë nëjkx tu'kë'ëyë mtuk'ijxpëkëtë ja tëypyë jaantypë, jä'ä ko ka'ap kyë'ëm winma'any tnikajpxa'any, yë'ë nyikajpxäämpy mëti'ipë myëtoopyën ets mtuk'ëwaanëja'anëtë mëti'ipë tunan jatanëpën.

Salmos 25:9

ets tyu'uwinwoopy tyu'uwinwijtsyp yë ja'ay mëti'ipë yu'unk naxym ja'ay'ajtpën. Tyukni''ijxëp wi'ix winë oy tunëtyën.

Cantares 4:15

Mëti'ipë yë pëjykyam nyëëkopk'ajtypyën yë'ë mëti'ipë jam tso'onpën ma Líbano y'itjotmën.

Proverbios 11:25

Ja'ay mëti'ipë ayajk ako'onëpën, ni'ikyë jyotkujktä'äky; mëti'ipë winë yäjkpyën, näjyëtu'un winë t'ëxajë.

Proverbios 3:8

Yë'ë jëtu'un tu'uk mëk tsooy ets ja mjot mnini'kx tuk'oy'atëty.

Ezequiel 36:35

Ets nëjkx y'ëna'antë: Ijxtëm ya'atë ja naax kam janty'oy kyëxë'knë tä yë Edén naaxjotmën; jä'äts të y'ity aanë'ëk tëëtsë'ëk; ja naax kajpn mëti'ipë ojts mya'ta'ayën ets mëti'ipë ojts ëxëëk jyätyën, tyam ijxtëm ja ta'tspëky yajpatnë ets tää ja ja'ay tsyënaaynyëtë.

Salmos 92:14

Oy ënety tëë jyamëjja'ayënëtë, yë'ëjëty je'eyëm tyëëmpäta'antë ets oy mëk xëmë yajpaata'antë.

Oseas 13:5

Ëjts ojts mijts nkëwent'aty jam të'ëts'itjotm ma nëkooyë y'aanën.

Jeremias 17:8

Jëtu'un nyaxa'any tä tu'uk yë kepyën nëpë'aaypyë tyänën mëti'ipë tyikts nëëjoty kuyo'onëpën; oy jënu'un y'anëty ka'ap tsyë'ëtsa'any, jä'ä ko yë y'ääy xye'enty xëmë tsuxk y'ity. Ko xyëkopk'aty, nitii tkamëmay tkamëtajy ets xëmë tyëëmpety.

Proverbios 28:25

Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Dios tyuk'ijxpejtypyën, jotkujk jyuuky'ata'any.

Salmos 73:24

tëës mijts xytyu'uwinye'ey mëët yë m'ëëwij mkajpxwijën, e ko ja xëëw jëmëjt tpaatëty mijtsës xy'ëxajëjaanp mëët yë xoontakën.

Salmos 48:14

Jä'ä ko ya'atë Dios, yë'ë xëmë nTios'ata'anëm oy tyimjëna'ajëty. Yë'ë xytyu'uwinwowa'anëm winë xëëw winë jëmëjt.

Salmos 37:19

Ko ënety tsip ja juukyajtën, yë'ëjëty jotkujk yajpaata'antë, ko ënety ja yuu xëëw y'ity, yë'ëjëty ka'ap y'ayuu'ata'antë.

Salmos 33:19

tääts tyajtso'oka'any o'kpë akujky, ets tmo'oja'any yë juukyajtën oy jënu'un yuu xëëw y'itëty.

Salmos 107:9

Yë'ë yajmoonëp yë ja'ay yë tyëëtsë mëti'ipë tëtsëpën, ets yajkääpy yaj'ukpy may yë ja'ay mëti'ipë yu'o'këpën.

Job 5:20

Ko ënety yuu xëëw y'ity, nëjkxëp myajtso'okyë këtiipë myuu'ookëty; ko ënety tsip y'ity, myajtso'okanëp ma ënety pën mkupuxa'anyën.

1 Tesalonicenses 3:11

Ntsojktëpës ets ja Dios mëti'ipë nTeety'ajtëmën ets ja Wintsën Jesukristë ëëts xypyutëkëtëty ets miits nëjkx nku'ixëtë.

Isaías 61:11

Jä'ä ko jëtu'un tä yë aay ujts yoontä'äkyën naaxwiiny ets ënät jyiitsy jam kamjotm, jëtu'un yë Wintsën tyaj'ita'any yë jyä'äy ets myëta'aktëty xëmë, ets y'ëwtëty ya'axtëty mëët ja jotkujk'ajtën.

Proverbios 13:4

Yë nuux mëti'ipë jyatsojkën'ajtypyën ka'ap tpaaty. Mëti'ipë ja'ay tuunp ye'epyën, yajxon nyäyajjotkujktä'äkyë.

Isaías 33:16

Tääpë ja'ay jotkujk jyuuky'ata'any, jam tsaatunkëjxm tsoktakn tmëët'ata'any; ma nyäkyuwa'anëtëtyën, myëët'atäämpy xëmë ja kyä'äyën y'ukën, ets nëë ka'ap tyaj'ëmaaytya'aka'any.

Juan 7:38

Ets y'atëwëty ijxtëm jap kuja'ay myinyën: Mëti'ipë mëpëjkpën jëtu'un jap y'aawjoty jyotjoy yajpaata'any ijxtëm jeexyë ja komnëë jap myuutyën mëti'ipë yajjuuky'ajtpën.

Isaías 27:3

Ëjts Wintsën, ëjts nkëwent'ajtyp ets ëjts xëmë nyajxo'kpy. Xëëny kootsës nkëwent'aty këtiipë tsyë'ëtsëty wyintëkoyëty.

Isaías 41:17

Yë ëyoopëja'aytyëjk nëkooyë nëë t'ijxtaaynyëtë ets ka'ap maa tpaatë. Tëë ja yyä'än tyëtstaaynyëtë mëët ja tëëtsë; ëjts maas nWintsën'atyën npa'ëyowantëpës yam; ëjts, mëti'ipë yë Israel ja'ay y'ëwtajtëpën, ka'apës n'ëxmatsa'antë.

Isaías 57:18

Tëës n'ixy ntuny wi'ix winma'any tmëëtëtyën, je'eyëp ko tëëjës ntuknipëjktaakë koos nyajtso'oka'any etsës po'kxën ntuk'ixa'any ets y'itëty akujk jotkujk. Nyajjotkujkta'akäämpyës tëkokyë mëti'ipë mon tuk yajpatëpën,

Isaías 66:14

Ko ënety jëtu'un xy'ixtë, oy nëjkx xyjyawëtë; jempyën nëjkx ja mni'kx mkopk xyjyawëtë. Yë Wintsën yë'ë nëjkx yë myëj'ajtën tyaj'ixyë ma tyuunpëtëjkën, ets tsyip y'äkë ma myëtsiptëjkën.

Deuteronomio 15:4

Jëtu'un'äämpy ka'ap ni pën y'ëyowëty ma mnaax mkajpnën, yë mWintsën yë'ë nëjkx mkënu'kxyë mëj këjää ma ja it naaxwiinyëtën mëti'ipë mo'ojanëpën.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Salmos 84:7

yë jyot myëjaawëty ni'ikyë kyëjääjëja'any, e jam ma Sión kopkën, jam nëjkx t'ixtë ja Dios mëjpë.

Isaías 44:4

Jëtu'un yona'any jyiitsa'any tä ujtsën mëti'ipë xëmë yajnëë'ixtä'ämëpën, tä álamo kepyën mëti'ipë nëë ëkë'ëy yoonpën.