Isaías 58:10 - Biblia Dc en Mixe de Quetzaltepec

¹⁰ Ko xyajkay xyaj'uukëty ja ja'ay mëti'ipë yuu'o'këpën, ko xypyutëkëty ja ja'ay mëti'ipë amaayjoty jotmayjoty yajpatpën, ja mjuukyajtën jëtu'un yaj'ixa'any tä jëën koots tyi'kxyën ets tä xëëw y'aantä'äkyën ko wyintuky'äty.

Biblia Mixe de Quetzaltepec

¹⁰ Ko xyajkay xyaj'uukëty ja ja'ay mëti'ipë yuu'o'këpën, ko xypyutëkëty ja ja'ay mëti'ipë amaayjoty jotmayjoty yajpatpën, ja mjuukyajtën jëtu'un yaj'ixa'any tä jëën koots tyi'kxyën ets tä xëëw y'aantä'äkyën ko wyintuky'äty.

Isaías 58:10 ပူးပေါင်းရင်းမြစ်များ

Isaías 42:16

Yë wiintstëjk nyajnëjkxä'ämpyës ma tu'ujën ets ma patu'ujën mëti'ipë ka'ap të t'ixy'atën. Ja kootsajtën, të'kxën jajën nyaj'awinpita'anyës ma yë'ëjëtyën, ja'awjot käätsjot, nyaj'awinpita'anyës. Ya'atë jëtu'un kopkpëky ntunäämpyës.

Salmos 37:6

Yë'ë yajnikëxë'ëkäämpy ko ënety oy tsuj mjuuky'äty, jëtu'un tä yë xëëw y'änyën kujkxyëëw.

Job 11:17

jëtu'un nëjkx yë mjuukyajtën tyi'kxy jyäjy tä xëëwën ko kyujkyxyëëwënë, jëtu'un nëjkx mkutë'kxy mkujajy oy ënety api'its akoots të myajpaaty.

Lucas 18:22

Ko Jesús jëtu'un tmëtooy, tääts t'ënëmaay: Tap ja tu'uk mëti'ipë mtëkoy'ajtxëpën. To'kta'a winë mëti'ipë mmëët'ajtypyën ets xymyo'ojëty ja ëyoopëja'aytyëjk; jëtu'un xypyaatëty ja kuma'ayën tsajpjotmëpë ets pamiinkës ënät ok.

Proverbios 14:31

Ja'ay mëti'ipë wyojpy kyä'tsypyën yë ëyoopëja'ay, Dios myëtëkoopy mëti'ipë të yajkojyën; e mëti'ipë pya'ëyoopyën yë ëyoopëja'ay, yajmëjnajxëp yë Dios.

Isaías 29:18

Jä'ä xëëw, nëjkxëp ja nat tmëtoy ko ënety tii yajkäjpxy nokykyijxy, ets ja wiints nëjkxëp y'ixë'ëky oy ënety jënu'un kyootsëty.

Proverbios 28:27

Mëti'ipë ja'ay pyutëjkëpën yë ëyoopëja'ay, ka'ap tii tyëkoy'ata'anxëty; e mëti'ipë ja'ay winë tyukwintuk'o'kpyën ma ëyoopëja'ayën, nëjkxëp yajpoky.

Salmos 41:1

Jotkujk yë ja'ay yajpaaty mëti'ipë y'ijxpatypën yë ëyoopëja'ay ets o'ktëypyë yajpaatyën ets tputëkë; yë Wintsën yë'ë yajtso'okanëp ko ënety ëxëëk ja xëëw po'o wyinkony.

Isaías 60:2

Nituky ja naaxwiinyëtë y'ity mëët ja kootsajtën, nijuuxy ja naax kajpn y'ity ko kyootsëty; e yë Wintsën yë'ë mkutë'kxanëp ets ma mijtsën jam ja myëj'ajt y'oyajtën nyikëxë'ëka'any.

Ezequiel 18:16

ka'ap tyaj'ëyoy ja ëyoopëja'ay; ka'ap tii t'amëtoy ko myëku'uk meeny tuk'ënu'kxy; ka'ap pën tmeetsy, ni'ikyë ja kyääky y'uuky tyajwä'kxy mëët mëti'ipë yuu'o'këpën ets xyojxyp ja mëti'ipë niwa'ats ëxwa'ats yajpatpën;

Zacarías 6:15

Nëjkxëp yë ja'ay muum jëkäm tsyoontë mëti'ipë nëjkx tyuntën ma ënety ja Wintsën ja tyëjk yajkoj'oyën; jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy. Ya'atë tunan jatanëp ko ënety miitsëty xymyëtowtë ets xypyatuntë ja Wintsën ijxtëm të y'ënä'änyën.

Zacarías 14:7

Tu'kxëëw je'eyë y'ita'any, yi'iyë nëjkx yë Dios tnijawë. Ka'ap yaj'ixa'any jëna'a ënety kyoots'aty jä'ä ko tu'ukyë nëjkx ja xëëw nyäxy ma ënety të tjapaatyën jeexyë kyootsë.

Deuteronomio 15:4

Jëtu'un'äämpy ka'ap ni pën y'ëyowëty ma mnaax mkajpnën, yë mWintsën yë'ë nëjkx mkënu'kxyë mëj këjää ma ja it naaxwiinyëtën mëti'ipë mo'ojanëpën.

Job 31:31

Ko ijty tu'uk yë ja'ay, mëti'ipë tsënääpyën maas yë ntëjkën nëkoo ëxaty tuna'any yë jaaypyo'kxy,

Salmos 112:4

Jëtu'un jyäjy tyi'kxy tä jëënën akootstuuy ets yajkutë'kxtë ja ja'ay mëti'ipë oy juuky'ajtëpën, mëti'ipë pa'ëyoopën, mëti'ipë oy nipaye'epyën ets mëtëy winë tuny.