Isaías 58:1 - Biblia Dc en Mixe de Quetzaltepec

¹ Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

Biblia Mixe de Quetzaltepec

¹ Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

Isaías 58:1 ပူးပေါင်းရင်းမြစ်များ

Isaías 2:5

Miitsëty Jacob yë y'u'unk y'ëna'k, mintë ets ni'ëmukë nye'eymyujk nnajxmujkmëty ma ja Wintsën ja nyëë'aaw tyu'u'aawën.

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

Isaías 40:6

Jëtu'un tu'uk ja aaw yo'kn të yajmëtoy y'ënä'äny: Mëk yujkya'ax, etsës të nyajtëy: ¿Wi'ixës n'ëna'anëty? Ko tëkokyë yë naaxwiinyëtë ja'ay jëtu'un yë'ëjëty tä aay ujtsën, tä pëjyën kamjotypë tu'ujotypë yajpaatyën.

Isaías 43:27

Ja m'ap m'ok tyuuntë ja nëë poky, ja mya'ijxpëjkpëtëjkëty ojts xykyäjpxy kyumëtoownaxtë,

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Isaías 56:10

jä'ä ko ja ja'ayëty mëti'ipë ijx'ijtp këwent'ajtëpën, maas ja nnaax nkajpnën aak wiints të y'awinpijta'atë. Ka'ap tii t'ixtë; jëtu'un tä uk uumpën, ka'apë wyojyën; je'eyë mya'atë pyo'kxtë ets xyëëwma'atë, jëtu'un jyuuky'atë xëmë wiinkumaatë yowë.

Isaías 57:12

Ëjts nikajpxäämpyës yam wi'ix mtëkoyën, oy mja'ëna'any ko mwa'atsëty ets ko mëtëy winë xytyuny.

Isaías 59:12

Tëë yajxon mijts nyajjoot'anpëktë, ja nëë poky mëti'ipës të ntuntën jä'äs xëmë ka'ap xyajjotkujk'atë; ëxëëk ëëts të n'ëtë'ëtstë ets tëë mëj këjää ja nëë poky ntuntës.

Jeremias 2:2

Nëjkx mëmëtya'ak yë Jerusalén ja'ayëty; mëk mya'axëty mjokëty ets tja'akyukëtëty, jëtu'un xy'ënëëmëty: Jëtu'un yë Wintsën y'ënä'äny: Nja'amyetsypës ko mijts m'ëna'k'ajty, xywyinkutsë'këpës ijty koos npëjky n'uky, xytsyojkpës xyjya'apës ijty, ojtsës xypyanëjkx jam të'ëts'itum, ma ja it naaxwiinyëtën ma ka'ap tii y'ity wyintëyën.

Jeremias 36:9

Ma taxtujk po'o y'apetyën, ma ja mëmëkoxk jëmëjtpën ma yajkutukyën yë Joaquim, yë Josías yë myaank mëti'ipë jam Judá ënä'ämpën, ojts tu'uk ënä'ämën tpëjkta'aktë ets ja Jerusalén ja'ayëty, Judá ja'ayëtyën y'ayuu'atëty mëti'ipë jam Jerusalén të myintën.

Jeremias 6:17

Yë Wintsën ojts yë këwent'ajtpë tpëjktä'äky ets t'ënëmaay yë naax kajpn: Mëtowtëp ko ja pujxnxuxn yajtukxu'uxëty mëti'ipë nyikäjpxypën ko kutsë'ëkëpë myiny kyëtä'äky. E ja naax kajpn je'eyë y'ëtsooy: Tii tääpë, ka'ap yam yë'ë yajmëtowa'any.

Lamentaciones 2:14

Ja wiinkëma'ay mëti'ipë ja mkäjpxynyajxpëtëjk ojts mtuk'ëwa'anxëtën nëkoo ojts je'eyë mwin'ëënyë. Ka'ap ojts tkajpxkëxë'ëktë ja mpoky këtiipë ja mjuukyajtënëty y'oyëtëty, nëkoo ojts mtukwinwanëty oypyë juukyajtën ets ojts mtukmëpëkyë.

Ezequiel 11:4

Paatykyëjxm mijts, nëjkx mëmëtya'aktë ëjts nxëëwkyëjxmës.

Ezequiel 16:2

Mijts ye'etyëjk, tuk'ix yë Jerusalén ja'ayëty wi'ix ëxëëkjaty winë tuntën.

Ezequiel 20:4

Yë'ë mtukwinmëtowëp ets xytyuknijawëty wi'ix yë y'aptëjk winë të tuntën ëxëëk.

Ezequiel 22:2

Mijts ye'etyëjk, yë'ë myajnitukëp yë naax kajpn mëti'ipë yaja'ay o'kpën. Mtukwinmëtoowta'ajëp mëti'ipëjaty të tuuntëkoytyën,

Ezequiel 23:36

Ënet ja Wintsën xy'ënëmaayës: E mijts ye'etyëjk, ¿Wi'ix mnikajpxäämpy wi'ix ja Oholá ets ja Oholibá tkumëtowa'antën ja pyokyëtyë? Pën jëtu'un, tukwinmëtow ma wyiin jyëjpën wi'ix winë ëxëëk të tuntën.

Ezequiel 33:3

Ets ko ja këwent'ajtpë t'ixy ko tam wyinkony ja mëtsip ma ja naax kajpnën, yë'ë tyukxuxyp ja xyuxn ets ja ja'ay tnijawëtë.

Oseas 8:1

Tukxu'ux yë mxuxn tä tukxu'uxyën mëti'ipë këwent'ajtpën ma Wintsën yë kyajpnën. Jä'ä ko tëë ja käjpxytyu'unën tjëënaxy ets tëë tkäjpxykyumëtoownaxy ja n'ijxpëjkënës.

Jonás 1:2

Pëtë'ëk ets mnëjkxëty jam ma Nínive kajpnën ets xytyuk'ëwaanëty ko nyajkutëkoyä'änyës, tëëjës nijawë wi'ix yë nyëë pyoky kyëjääjëtyën.

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

Apocalipsis 1:10

Wintsën ënety ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Apocalipsis 4:1

Ko jëtu'un y'ëkjajty y'ëkkëpejty, ënätës n'ijxpaty ko ja tsajp y'ëwa'atsy ijxtëm tu'uk ja tëjk'aawën; ets ja ayuk nmëtooyës janty mëk ijxtëm tu'uk ja xuxnën, mëti'ipës ënety jëwyiin të xymyëkäjpxyën jëtu'unës xynyëmaay: Pät yam ets ntuk'ixëty mëti'ipë ok tunan jatanëpën.