Isaías 57:2 - Biblia Dc en Mixe de Quetzaltepec

² ets po'kxpë nyëjkxnëtë. Oy të nyëye'ey të tyu'uye'eytyë, tyam po'kxnëtëp jap je'eyë o'kpëjutjoty.

Biblia Mixe de Quetzaltepec

² ets po'kxpë nyëjkxnëtë. Oy të nyëye'ey të tyu'uye'eytyë, tyam po'kxnëtëp jap je'eyë o'kpëjutjoty.

Isaías 57:2 ပူးပေါင်းရင်းမြစ်များ

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

2 Crónicas 16:14

ets jam nyaaxtëjkëy ma y'o'kpëjutën mëti'ipë nyipëjktakëyën ma ja David ja kyajpnën. Jam yajkëxko'ky ma tu'uk ja maapäjnën oypyë y'oytyunyëtyën mëët ja tsooy ets ja nëë mëti'ipë pa'akxu'kpën. Ets tyajmëjjëtyë tu'uk ja mëj jëën, mëti'ipë yë'ë yajtukmëjja'awëyën.

Job 3:17

Jap naaxjoty jap kyukëxë tëkokyë yë ëxëëkja'aytyëjk, yë y'ëxëëktu'un y'ëxëëk kajpxënëty, e mëti'ipë të y'ënu'kxën jap tpaaty yë po'kxtakn;

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Isaías 14:18

Tëkokyë ja yajkutujkpë aak jotkujk yaj'ixtë pyo'kxtë pyëktë ma y'o'kpëjutëtyën;

Isaías 26:7

Ja wa'ats ja'aytyëjk ja nyë'ë tyu'ujëty tëyë nyijkxy; mijts Wintsën, mijts kë'ëm ja nyë'ë tyu'u myaj'o'oyëyëp.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Ezequiel 32:25

Jam yë Elám jyëpijpnë tsyiptuunpëtëjk akujky mëti'ipë näjyëtu'un të y'ooktën, tu'kë'ëyë yë'ëjëty aak ka'ap yë Dios të t'ëwtatë ets tsipjoty të y'ooktë mëti'ipë nyapikëtyëpën ja jyutëty. Tëë t'ëtsë'k t'ajawëtë ja mëti'ipë juuky'ajtëpën, je'eyëp ko tyam ka'ap pën y'ëkmëj'ijxënëtë jap o'kpë akujky ma të kyëtakta'atën. Jam të wyë'ëmta'atë ma ja o'kpëtyën mëti'ipë ja'ay të yaj'ookëtën.

Daniel 12:13

E mijts Daniel, ye'eymyës yë mtu'u mapaat jyä'tyën ets mpo'kxëty, jä'ä ko ënety jëtu'un të nyajxta'ay të kyëjxta'ay winë jää nëjkx mpëtë'ëky ets nëjkx xy'ëxajë ja mkuma'ayën.

Mateo 25:21

Tääts ja wyintsën y'ënëmaayë: Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Lucas 16:22

Ënet ojts y'o'knë ja Lázaro ets yajnëjkxë ja Dios ja y'anklës jam tsajpjotm ma ja Abraham yajpaatyën; ok ja kumeenyjyä'äy näjyëtu'un y'o'ky, tääts nyaaxtëjkëy.

Lucas 2:29

Tyam, Wintsën, tëë ja mwaantakën y'atëy. Oyës n'o'knëty akujk jotkujk.

Lucas 7:50

Tääts ja Jesús tjaaknëmaay ja to'oxytyëjk: Jä'äkyëjxm të mnitso'oky ko mijts të xymyëpekyës, oy mnëjkxnëty akujk jotkujk.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

2 Corintios 5:8

Jëtu'un ëëtsajtëm ntukjoot'amëj'ajtëmë ets njatsojkëm ets jeexyë ja ni'kx'ajt nkopk'ajtëm n'ëxmajtsënë ets nnëjkxmëty juuky'ajtpë ma ja Wintsënën.

Filipenses 1:23

Aak oy mäjtskpëky, ¿mëti'ipës tëy nwin'ijxnëp? Tu'kpëky, njatsojkpyës etsës jeexyë n'o'knë ets mëët ja Kristë nëjkx nyajpaatyës, yë'ëjës oy nja'ap.

Apocalipsis 14:13

Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.