Isaías 57:13 - Biblia Dc en Mixe de Quetzaltepec

¹³ Ko ënety xy'amëtoy yë näypyutëkë, yë m'awinax ka'ap mputëkëja'anyë ets ka'ap myajtso'oka'anyë. Jëtu'unyë nëjkx wyimpapojta'atë; nëjkxëp pyojtëkooytya'atë. E mëti'ipës ënety ëjts xytyuk'ijxpäjtëpën, kajpnjoty nëjkx tsyëënëtë ets jam nëjkx tsyëënëtë maas nkopkën wa'atspë.

Biblia Mixe de Quetzaltepec

¹³ Ko ënäty xy'amëtoy yë näypyutëkë, yë m'awinax ka'ap mputëkëja'anyë ets ka'ap myajtso'oka'anyë. Jëtu'unyë nëjkx wyimpapojta'atë; nëjkxëp pyojtëkooytya'atë. E mëti'ipës ënäty ëjts xytyuk'ijxpäjtëpën, kajpnjoty nëjkx tsyëënëtë ets jam nëjkx tsyëënëtë maas nkopkën wa'atspë.

Isaías 57:13 ပူးပေါင်းရင်းမြစ်များ

2 Reyes 3:13

e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

Job 21:18

¿Jëna'a të y'ëkwa'kxtëpë jëtu'un tä yë pu'uxm pyojwä'kxyën ko pojxujtyky nyäxy?

Salmos 1:4

E yë ëxëëkja'aytyëjkëty ka'ap jyëtu'un'atë, jä'ä ko jëtu'un yë'ëjëty tä aaykyëta'akën mëti'ipë winpapojpën.

Salmos 118:8

Jaak'oy ni'ik ko yë Wintsën ntuk'ijxpäjtmëty, ets ka'ap ko yë naaxwiinyëtë ja'ay ntuk'ijxpäjtmëty.

Salmos 125:1

Tëkokyë ja'ayëty pënjaty yë Wintsën tyuk'ijxpäjtëpën, ka'ap nijëna'a yu'kxa'antë, jëtu'un yë'ëjëty tä yë Sión kopkën mëti'ipë xëmë ijtëëpën.

Salmos 37:11

Yë'ë tëy yë ja'ayëty mëti'ipë yu'unk naxym juuky'ajtëpën, nëjkxëp tkuma'ayën'atë yë naaxwiinyëtë ets nëjkx akujk jotkujk jyuuky'atë.

Salmos 37:22

Pënjaty yë Wintsën të tkënu'kxyën, yë'ë jyä'ä'atantëp yë naaxwiinyëtë, e pënjaty të tpokyën nëjkxëp kyutëkooytya'atë.

Salmos 37:29

Yë oyjyä'äytyëjk nëjkxëp tkuma'ayën'atë yë naaxwiinyëtë, ets xëmëkyëjxm nëjkx tsyëënëtë naax wiinkëjxy.

Salmos 37:3

Jam tu'ukyë këx'ix ma Wintsënën ets kuuytyun mëti'ipë oyën, juuky'at naaxwiiny naaxkëjxy ets näyaj'itët oy.

Salmos 37:34

Mijts jämyë këx'ix ma Wintsënën, ets yi'iyë mëmëtow, yë'ë mkumayanëp ets mo'oja'anyë tu'uk yë naax kajpn tä tu'uk yë näkyumayën. Nëjkxëp kë'ëm xy'ixy wi'ix ënety ja ëxëëkja'aytyëjk kyutëkoytyën.

Salmos 37:9

Yë ëxëëkja'aytyëjk nëjkxëp yaj'ixkäxtë ma ja naax kajpnën, e mëti'ipë Wintsën tyuk'ijxpäjtëpën yë'ë nëjkx ja y'ijtakn tpaatë ma ja naax kajpnën.

Salmos 58:9

Wä'än tnitoytyë tä äpnyën ma ka'anëm tii tnijawëtën, wä'än mëët yë joot'an tyajnujkë'ëktë tä tsuxk ujts yajnujkë'ëkyën.

Salmos 84:12

Wintsën mëti'ipë maaytyääyëpën winë, janty jotkujk yë ja'ay yajpaaty mëti'ipë mijts mtuk'ijxpäjtëpën.

Proverbios 28:25

Mëti'ipë ja'ay je'eyë atsojkpën, tsip ixtääpy je'eyë, e mëti'ipë yë Dios tyuk'ijxpejtypyën, jotkujk jyuuky'ata'any.

Isaías 11:9

Maas ja ntun nkopkën ka'ap jam nitii yajpaata'any mëti'ipë ëxëëktunëpën, jam ma naax kajpnën ujts jam yajpaata'any mëët ja Wintsën y'oyajtën myëj'ajtën, jëtu'un tä yë mëjmejyën y'ujtsëtyën mëët yë nëë.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Isaías 25:4

Jä'ä ko mijts jëtu'un të mnaxy tä tu'uk tsoktaknën ma y'amin y'a'ookën yë ëyoopëja'ay, ma y'amin y'a'ookën yë ja'ay mëti'ipë winë yajmëyäjtypyën ets mëti'ipë mon tuk yajpatpën, ma ka'ap nitu'umëtyën ets ka'ap ni'a'anmëtyën. Ko xyäjtë yë ëxëëkja'aytyëjk jëtu'un tä jeexyë tyitykpyojyën, ko pyotm'aty.

Isaías 40:24

Jëtu'un tä pi'k ujts u'unkën naaxkëjxy yonyën mëti'ipë yajnaanpäänpën, mëti'ipë ëka'any tiktskäkpën. Pën yë Wintsën yaj jëënpojpy ma yë'ëjëtyën, xootsantëp ënätyë, ets wyimpapojy mëët mëktuupoj tä aay pu'uxm wyimpapojyën.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Dios xytyukxoonta'akëty, ja Wa'atspë yajpaatyën jam ma Israel kajpnën.

Isaías 45:20

Ye'eymyujkta'atë ets mmintëty. Winkoonta'atë miitsëty, nijënu'un të mkäktso'oktën ma naax kajpn o'ktëy të jyätyën. Mëj këjää ja'ay tsyuu'atë ko yë'ë tuk'ijxpätë awinax mëti'ipë mëët kepy y'oytyunyëtyën ets ënät twinkajpxta'aktë tä jeexyë Tiosëtyën mëti'ipë ka'ap tjëkyepy yajtso'okëtëtyën.

Isaías 49:8

Tëë tpaaty ja xëëw po'o maas nyaj'ixa'anyën ja n'oyajtënës, ets të n'ëtsoy; tëë tpaaty ja xëëw ma ja nitsokën y'itëtyën. Tëë nkuwa'any jä'ä ko yë'ëjës ënety mëët ja naax kajpn ja käjpxytyu'unën ntuna'any, ets tpëktëty ja it naaxwiinyëtë mëti'ipë ëxëëk të jyäty të kyëpetyën,

Isaías 56:7

nyajminantëpës jam maas yë ntun nkopkën wa'atspë, jotkujk nyaj'ita'antës maas yë ntëjkën. Nkupëkäämpyës yë wyintsë'kënëty no'okpyë xämpyë ets ja wiinkëtypë ja wintsë'kën, jä'ä ko yë ntëjkës jä'ä yajtija'any: tëjk ma Tiosmëkajpxk y'ityën mëti'ipë naax kajpn jyä'ä'ajtypyën.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 65:11

E miitsëty wiink të m'ëtëtsnëtë, ni'ikyë ja Wintsën të xy'ëxmajtsnëtë, ka'ap jam të m'ëkyajpatnëtë maajës ja nkopkën kënu'kxypyë, jä'ä ja ka'ayën ukën të xytyukwintsë'ëkëtë ja tios Gad ets ja tios Mení mëti'ipë ja'ay tyijtëpën yajkumeenytyakpë.

Isaías 65:25

Ja pa'uk ets ja kupixyny tu'ukyë nëjkx y'oktë wyëtstë, yë kaa ets tsajpkaa tu'kmukyë jyë'kxa'antë, ets tsa'any naax jyë'kxäämpy. Maas yë wa'atspë nkopkën ka'ap nëjkx pën jyiiky myëku'uk tmëtëkoy.

Isaías 65:9

Ëjts ntuknipëjktaakëjäämpyës ets ja Jacob tmëët'atëty ja y'u'unk y'ok nimay, ets jyam'atëty ja ja'ay ma Judá jyä'äyën mëti'ipë tunjot kopkjot wyintsëënëtëpën. Mëti'ipës të nwin'ixyën yë'ë nëjkx naaxwiinyëtë tjä'ä'atë, mëti'ipës xymyëtuuntëpën yë'ë nëjkx jam tsyëënëtë.

Isaías 66:20

Nëjkxëp tyajmiinta'atë nitëkokyë yë mjëëky mmëku'ukëty mëti'ipë ënety wiink naax wiink kajpn yajpatëpën. Tam mëti'ipë nëjkx myinyën kwaaykyijxy, kepy wyintëkäämpëkëjxy, kepykyijxy, mulëkëjxy ets jëyujk jëku'uxkëjxy. Jëtu'un nëjkx n'ixyës tä jeexyë pën tii xytyukwintsë'ëkënës jam Jerusalén, tä yë Israel ja'ayëty tmëmintën yë wintsë'kën a'ukënjoty mëti'ipë wa'atsën, mëti'ipë jam yajktëpën maas yë ntsajptëjkën ets maas ja nkopkën wa'atspë. Ëjts, Wintsën, ëjts ënaanp.

Jeremias 2:28

Judá, ¿ma ënät ja mtios mëti'ipë të xyajkojyën? Mijts jëtu'un yë tios may xymyëëtëty tä maykyajpnën. Wä'än yë'ë mniminyë ets wä'än myajtso'okyë ko ëyo'on xypyaatëty.

Jeremias 22:20

Judá, pät jam ma Líbano kopkën ets jam mëk mkuyaxnaxëty. Mëk jam mya'ax mjokëty ma Basán kopkën. Yujkya'ax jam ma Abarim kopk kupi'tykyën, jä'ä ko tëë ja mye'etyëjktëjk tyëkooytya'atë mëti'ipë ënety mëët m'ijtmuky mtsënaaymyukyën.

Jeremias 22:22

Paaty ja mkopktëjk jëtu'un jyata'antë tä aay pu'uxm wyimpapojyën ets ja mye'etyëjktëjk tsumy matsy yajmënëjkxa'antë wiink naax wiink kajpn. Wintsëtyu'un jëjptsëtyu'un nëjkx mwë'ëmy mëët ko ënety ëxëëkpë yi'iyë të xytyuny të xykyäjpxy.

Jeremias 30:14

Ja ye'etyëjktëjk mëti'ipë ënety mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Ezequiel 20:40

Tëkokyë yë Israel ja'ayëty jam nëjkx xy'ëwtatës maas yë wa'atspë nkopkën, jampë yajpaatyën nkajpnjotmës. Ëjts Wintsën ëjts ënaanp. Jamts jotkujk n'ëxajëtëty; jam n'amëtowa'antë yë ayajk ako'onën ets tmëmintëty mëti'ipë më''ëka'any yajpëtë'ktëpën ma nyaax kyamëtyën ets oy tyimtiijëty tiijës xytyukmëyoxantëp.

Oseas 13:3

Paatykyëjxm jëtu'un jyata'antë tä nëëma'a yaj'ixyën jopyëp; tä maanik kyä'äyën ets ënätyë tyëkoy; tä aaykyëta'ak wyimpapojyën; tä jok pyëtsimyën jëëntooytyaknjoty.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Zacarías 7:13

ets y'ënäny: Jëtu'un ijxtëm yë'ëjëtyën ka'ap xymyëtoow'ijtës koos ojts njamëkajpxtë, näjyëtu'unës ëjts ka'apës nmëtoow'ita'any koos ënety xyjyamëkajpxtë.

Jueces 10:14

Nëjkx yë'ë amëtowtë yë putëjkën ja tiosëty mëti'ipë miits kë'ëm të xywyin'ixtën. Wä'än yë'ë myajtso'okëtë ma tyam amaayjoty jotmayjoty myajpaatën.