Isaías 56:7 - Biblia Dc en Mixe de Quetzaltepec

⁷ nyajminantëpës jam maas yë ntun nkopkën wa'atspë, jotkujk nyaj'ita'antës maas yë ntëjkën. Nkupëkäämpyës yë wyintsë'kënëty no'okpyë xämpyë ets ja wiinkëtypë ja wintsë'kën, jä'ä ko yë ntëjkës jä'ä yajtija'any: tëjk ma Tiosmëkajpxk y'ityën mëti'ipë naax kajpn jyä'ä'ajtypyën.

Biblia Mixe de Quetzaltepec

⁷ nyajminantëpës jam maas yë ntun nkopkën wa'atspë, jotkujk nyaj'ita'antës maas yë ntëjkën. Nkupëkäämpyës yë wyintsë'kënëty no'okpyë xämpyë ets ja wiinkëtypë ja wintsë'kën, jä'ä ko yë ntëjkës jä'ä yajtija'any: tëjk ma Tiosmëkajpxk y'ityën mëti'ipë naax kajpn jyä'ä'ajtypyën.

Isaías 56:7 ပူးပေါင်းရင်းမြစ်များ

Marcos 11:17

Ets ja Jesús tyëjkëy yaj'ijxpëjkpë, jëtu'un y'ënäny: Jëtu'un ja Dios ja y'aaw y'ayuk kuja'ay myiny: Yë ntëjkës jä'ä wya'anëty Dios ëwtajtakn. E miitsëty, jëtu'un xywyanëtë ijxtëm yë mä'tspë tsyënaaytyaknën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Lucas 19:46

Tääts t'ënëmaay: Jëtu'un ja Dios ja y'aaw y'ayuk y'ënä'äny: Jä'äjës ja ntëjk wya'anëty Dios ja'amyäjtstakn, e miitsëty jä'ä të xyaj'awinpijnëtë mä'tstakn.

Mateo 21:13

ets t'ënëmaay: Jëtu'un kuja'ay myiny: Yë ntëjkës jä'ä yajtijëty Dios mëkajpxtakn e miitsëty jä'ä të xyaj'awinpijnëtë mä'tstakn.

Romanos 12:1

Mëku'uktëjkëty, yë'ëkyëjxm ko ja Dios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Dios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Dios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

Zacarías 8:3

Wimpitaanpës jam Jerusalén, etsës jam ntsëënëja'any. Ënet nëjkx yë Jerusalén kajpn yajtijy kajpn mëti'ipë wyintsë'këpën ja Dios, e ja kopk mëti'ipë jyä'ä'ajtypyën ja Wintsën mëti'ipë maaytyääyëpën winë, jä'ä nëjkx txëëwaty wa'ats kopk.

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

Hebreos 13:15

Paaty, tsojk ja Dios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Dios mëët ja aaw ayuk.

1 Timoteo 2:8

Ntsojkpyës ets ja ja'ay tja'amyätstëty ja Dios oymyaatsowëty, ets ja kyë'ë tyujkxajtëty ma ja Tiosën mëët ja oyjyot oywyinma'any ets ka'ap myëëtëty ja tsip äkë.

Éxodo 28:38

Yë'ë Aarón ya'atë tsyëëm'itëp ets yë'ë tukëtakpäjta'ajëtëp ja Israel ja'ayëty ja nyëë pyokyëty, näjyëtu'un ko ja yojxën tkë'ëyakëty ma ja Tiosën, yë Dios ko t'ixëty ya'atë tsya'a, ënätnëm t'ëxajëty tkupëkëty ja yojxën mëti'ipë ënety yajmoopyën.

Isaías 11:9

Maas ja ntun nkopkën ka'ap jam nitii yajpaata'any mëti'ipë ëxëëktunëpën, jam ma naax kajpnën ujts jam yajpaata'any mëët ja Wintsën y'oyajtën myëj'ajtën, jëtu'un tä yë mëjmejyën y'ujtsëtyën mëët yë nëë.

Isaías 19:19

Ets nëjkx tyajkojtë tu'uk ja wintsë'këntyakn jap Egiptë, jam ma ja tsëpa'anën, jam tu'uk tsaakopk tyajpëtë'ëka'antë mëti'ipë Wintsën tyukmëjjawëjantëpën.

Isaías 19:21

Nëjkxëp ja Wintsën nyänyikëxë'ëkyë jam ma Egiptë ja'ayëtyën, ets ja Egiptë ja'ayëty nëjkxëp nijawëtë pën Wintsën'ajtpën, nëjkxëp tmo'otë ja wintsë'kën ets ja ayajk ako'onën. Nëjkxëp ja wyaantakën tuntë ets nëjkx tkuuytyuntë.

Isaías 25:6

Jam ma Sión kopkën, yë Wintsën mëti'ipë maaytyääyëpën winë, tnipëjktaakëja'any tu'uk ja ka'ayën ukën, aakyë'ë pyëjkta'akäämpy oyëtypë jë'kxy pëky, oyëtypë kääky uuky, xu'kxëtypë ets pa'akëtypë.

Isaías 56:5

ni'ikës winë nmo'oja'antë këtiinëm jyëtu'unëty ko jeexyë ja y'u'unkëty y'ëna'këty tmëët'atë, ëjts nëjkx kë'ëm n'ënëëmëtë ko jap yë xyëëw wyë'ëma'antë tsajptëkoty xëmëkyëjxm ma potsywyiinën, etsës yë xyëëw nmo'oja'antë mëti'ipë xëmë yajtukja'amyätstëpën.

Isaías 60:7

Tu'kë'ëyë tsajppaxëty kupixynyëty jampë tyänëtën Quedar, aakmijts mjä'ä'atäämpy; yë kupixyny ayääkë jampë myäytyänëtën Nebaiot, aakmijts nëjkx xyajtuny ets Wintsën xytyukwintsë'ëkëty ma ja wintsë'këntyaknën ets oy xyuukëty jyokëty, jëtu'unts yë tsyajptëjk janty'oy ni'ik kyëxë'ëkëty.

Isaías 60:11

Ëwa'ats xëmë mtëjk'aaw y'ita'any, jëtu'un y'ita'any xëëny koots ets tyëkëtëty yë ja'ayëty mëti'ipë myëmiintëpën yë näypyutëkë ets nyaxtëty yë yajkutujkpëtëjk mëët yë jyä'äy.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 65:25

Ja pa'uk ets ja kupixyny tu'ukyë nëjkx y'oktë wyëtstë, yë kaa ets tsajpkaa tu'kmukyë jyë'kxa'antë, ets tsa'any naax jyë'kxäämpy. Maas yë wa'atspë nkopkën ka'ap nëjkx pën jyiiky myëku'uk tmëtëkoy.

Jeremias 7:11

¿Jëtu'un xyjyëjp'ixtë ko ya'atë ntsajptëjkës ma ëjts nyaj'ëwtatyën, mä'tsëntëjk yë'ëjë? Ëjts wa'atsës nijawë tiijaty mtuuntëpën. Ëjts Wintsën, ëjts ënaanp.

Ezequiel 20:40

Tëkokyë yë Israel ja'ayëty jam nëjkx xy'ëwtatës maas yë wa'atspë nkopkën, jampë yajpaatyën nkajpnjotmës. Ëjts Wintsën ëjts ënaanp. Jamts jotkujk n'ëxajëtëty; jam n'amëtowa'antë yë ayajk ako'onën ets tmëmintëty mëti'ipë më''ëka'any yajpëtë'ktëpën ma nyaax kyamëtyën ets oy tyimtiijëty tiijës xytyukmëyoxantëp.

Ezequiel 47:22

Yë'ë nëjkx xykyuma'ayën'atë ets yë'ë nëjkx näjyëtu'un tkuma'ayën'atë jaaypyaat jaaypyo'kxy mëti'ipë y'u'unk myääy myëët'ajtëpën ma miitsëtyën. Yë jaaypyaat jaaypyo'kxy jëtu'un xyjyawëtëty tä jeexyë y'Israel ja'ay'atën. Ko ënety xypyëjkwa'kxtë yë naax kam nëjkxëp näjyëtu'un yë jaaypyaat jaaypyo'kxy xymyo'otë yë jyä'äjëty mëti'ipë tsënaaytyëpën ma miitsëtyën.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

1 Reyes 8:41

Nëjkxëp jëna'a xëëw jëmëjt tpaaty ma wiink naax wiinkajpn tnijawëtëtyën ja mxëëw ets wi'ix ja mëj'ajtën xymyëëtëtyën.

Isaías 57:13

Ko ënety xy'amëtoy yë näypyutëkë, yë m'awinax ka'ap mputëkëja'anyë ets ka'ap myajtso'oka'anyë. Jëtu'unyë nëjkx wyimpapojta'atë; nëjkxëp pyojtëkooytya'atë. E mëti'ipës ënety ëjts xytyuk'ijxpäjtëpën, kajpnjoty nëjkx tsyëënëtë ets jam nëjkx tsyëënëtë maas nkopkën wa'atspë.

Isaías 65:11

E miitsëty wiink të m'ëtëtsnëtë, ni'ikyë ja Wintsën të xy'ëxmajtsnëtë, ka'ap jam të m'ëkyajpatnëtë maajës ja nkopkën kënu'kxypyë, jä'ä ja ka'ayën ukën të xytyukwintsë'ëkëtë ja tios Gad ets ja tios Mení mëti'ipë ja'ay tyijtëpën yajkumeenytyakpë.