Isaías 56:3 - Biblia Dc en Mixe de Quetzaltepec

³ Pën tu'uk jaaypyo'kxyjyä'äy näkyë'ëyajkëp ma Wintsënën, ka'ap tjëkyepy y'ëna'anëty: Ëjts ëpëkyës yë Wintsën xypyëjktä'äky ma nyaax kyajpnën. Ets ja'ay mëti'ipë të yaj'ixtsyaapëkyën, ka'ap tjëkyepy y'ëna'anëty: Ëjts jëtu'unës tä tu'uk të'ëts kepyën.

Biblia Mixe de Quetzaltepec

³ Pën tu'uk jaaypyo'kxyjyä'äy näkyë'ëyajkëp ma Wintsënën, ka'ap tjëkyepy y'ëna'anëty: Ëjts ëpëkyës yë Wintsën xypyëjktä'äky ma nyaax kyajpnën. Ets ja'ay mëti'ipë të yaj'ixtsyaapëkyën, ka'ap tjëkyepy y'ëna'anëty: Ëjts jëtu'unës tä tu'uk të'ëts kepyën.

Isaías 56:3 ပူးပေါင်းရင်းမြစ်များ

1 Corintios 6:17

E ko ja ja'ay nyämyukyë mëët ja Wintsën, nän tu'ukyë wyimpity mëët yë'ë.

Efesios 2:22

Näyjyëtu'un miits ko tu'ukyë m'itë mëët ja Kristë, tu'ukyë mwinpätë koonëm myajpaatëty ma ja Dios ja tsyajptëjkën mëti'ipë yajpatpën mëët ja Kyënu'kxymyëk'ajtën.

Romanos 15:16

etsës nmëtunëty ja Jesukristë ets ja ja'ay tuk'oy'atëty mëti'ipë ka'ap jyutiis'atën. Yë'ës ntukmëtuumpy ja Jesukristë etsës nkajpxwa'kxëty ja oy aaw oy ayuk mëti'ipë tso'onën ma ja Tiosën. Jëtu'untsës ntuny ets y'itëty mëti'ipë ka'ap jyutiisëty ijxtëm ja wintsë'kën mëti'ipë Dios y'oyjya'apën, mëti'ipë Kënu'kxymyëkajtën të tyajwa'atsyën.

Hechos 17:4

Ënet ja jutiis ja'ay jënaakën tmëpëjktë ets tu'ukyë yajpatë mëët ja Pablo ets ja Silas ets näjyëtu'un may myëpëjktë ja ja'ayëty ka'apë jyutiis ja'ay'atën ets may ja to'oxytyëjkëty mëj'äämpyë wintsë'ëkëpë y'itën.

Hechos 10:34

Ënet ja Pedro kyajpxtso'ony: Tyamës n'ixy nijawë ko ja Dios tsyojktääpy ja ja'ay ni'ëmukë,

Sofonías 2:11

Atsë'ëk ajawë yë Dios tyuna'anëtë. Yajkutëkooytya'ajäämpyë yë tios mëti'ipë ja'ay y'ëwtajtëpën ets yë'ë nëjkx tu'ukyë yaj'ëwtaty oymyaajëty.

Jeremias 50:5

Yajtëwantëp maatsow wyi'imyën ja në'ë tu'u mëti'ipë nëjkxpën Sión, jam nyëjkxa'antë ets y'ëna'ana'antë: Tsojk ninëjkxëmë yë Wintsën ets mëët ntu'unmëty tu'uk yë käjpxytyu'unën mëti'ipë itëpën xëmë, mëti'ipë ka'ap yajja'atyëkoyëtyën.

Isaías 56:5

ni'ikës winë nmo'oja'antë këtiinëm jyëtu'unëty ko jeexyë ja y'u'unkëty y'ëna'këty tmëët'atë, ëjts nëjkx kë'ëm n'ënëëmëtë ko jap yë xyëëw wyë'ëma'antë tsajptëkoty xëmëkyëjxm ma potsywyiinën, etsës yë xyëëw nmo'oja'antë mëti'ipë xëmë yajtukja'amyätstëpën.

Isaías 39:7

Yë'ëpaat nëjkx yajmënëjkxtë m'u'unk m'okëty jam Babilonyë, nëjkxëp yajnëtsuktë y'ëxtsyaajëty ets jap myëtuntëty ma ja yajkutujkpë ja y'akujk tëjkën.

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

1 Pedro 1:1

Yë Pedro, Wintsën Jesukristë y'ayuk kajpxnajxpë, tyam mtuknikäxëtë kajpxpo'kxën mëti'ipë kujë kääkë yajpatëpën ma Ponto y'itjotm, Galacia, Capadocia ets Bitinia y'itjotmën,

Hechos 18:7

Ënet ojts pyëtsimy tsajptëkotm ets ojts nyijkx ma ja Ticio Justo ja tyëjkën, tsajptëjk pë'am ënety tsyëënë, Dios t'ëwtajty.

Efesios 2:12

ja'amyätstë ko jëwyiinyëp ka'ap ijty mëët ja Kristë m'itë, winjëkämjaty ijty myajpaatë ma ja Israel ja'ayëtyën, ets mëjëkäm'ajtëp ja Dios ja wyaantakën. Jëtu'un ijty miits yaa naaxwiiny mjuuky'atë, ka'ap ja Dios xynyijawëtë ets nitii xykyajëjp'ixtë.

2 Crónicas 6:32

Oy yë'ëjëty jaaypyaat jaaypyo'kxy, mëti'ipë ka'ap kyunaax kyukajpnëtyën ma ja mnaax mkajpnën, je'eyëp ko mëët yë'ë ko tmëtoy'äty ko mijts mëj ets mëtoopy ja kajpxtakën ets myintëty yaa ma ya'atë tsajptëjkën ëkë muum jëkäm mnitsoonëtëty,

Isaías 56:6

Ja jaaypyaat jaaypyo'kxyëty mëti'ipë näkyë'ëyajkëtëpën maas ëjtsën ets xymyëtuuntëpës ets xytsyojktëpës; ënantëp koos xymyëtuna'antë, ka'ap wyi'ixëty, nëkoo ko tpo'kxtë yë npo'kxënxëëwës ets twinkutsë'ëkëtë ets mëk yajpaatë ma ja nkäjpxytyu'unënës,

Deuteronomio 23:9

Ko mëët mtsippaatëty yë mëtsiptëjkëty ets muum mtsënaaytyaknpëktëty, këtii tii xytyuntëty mëti'ipë ëxëëk këxë'kpën.

Ester 9:27

yë Jutiiyë ja'ayëty jëtu'un ojts tkäjpxy'atë ko ya'atë xëëw pa'u'unk pa'ëna'k mëpaat yajtuny, ma ja Jutiiyë ja'ayëtyën ets ma ja ja'ayëtyën mëti'ipë tyuktëjkëpën ja Jutiiyë ja'ay ja myëpëjkënëty; winjëmëjt ya'atë xëëw yajtunëty, nitu'kjëmëjt kyaninaxëty. Mäjtsk xëëw ja ja'ay xyëëwtuntëty ma ënety tukka'ayën ets jëtu'un yajkuuytyunëty ja ënä'ämën mëti'ipë të tkäjpxy'atën;