Isaías 56:11 - Biblia Dc en Mixe de Quetzaltepec

¹¹ Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Biblia Mixe de Quetzaltepec

¹¹ Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Isaías 56:11 ပူးပေါင်းရင်းမြစ်များ

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Ezequiel 13:19

Miitsëty, yë'ë mnätyukwin'ë'ënëtëp tu'knuukpyë tsajpmok, ëkë tu'ukpë mäjtskpë tsajpkääky, etsës xynyëxi'ik xytyukxi'iktë maas ja nnaax nkajpnën; xyaj'ook xyajtëkoytyë yë ja'ay ka'apë jeexyë y'ookyën; xyajwë'ëmtë juuky ka'apë nyitëkëtyën jyuuky'atëty. Jëtu'un yë nnaax nkajpnës xywyin'ëëntë, ko tmëpëky ja win'ë'ënën antakën.

Apocalipsis 22:15

Ka'ap jap tyëkëtëty mëti'ipë ëxëëk ja'ay'ajtëpën, patooy panajxpë, ëxëëktuunpë, yaja'ay'o'kpë, mëti'ipë y'ëwtajtëpën ja awinax ets mëti'ipë yi'iyë tsyojkën'ajtëpën ja ënëëmëtyä'äky.

Tito 1:7

Mëti'ipë nyikopk'atëpën ja Dios ja nyaax kyajpn yë'ë mëpaat t'ixy ttuny mëti'ipë Dios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

Juan 8:43

¿Tii ko ka'ap miits xyjyä'äkyukëtë yë n'aaw n'ayukës? Yë'ë ko miits ka'ap xymyëtowtë mëti'ipës njakäjpxypën.

Isaías 57:17

Mëët ko yë Israel pyokytyuny, ojtsës tëkok njoot'anpëky, ojtsës ntukëpety etsës ntimy'ëxmajtsy; e yë'ë ni'ikyë ojts wyinma'any mëk tpëjktä'äky ets ëxëëk y'ëtity y'ënäny.

Isaías 1:3

Yë tsajpkaa y'ixyp pën wyintsën'ajtypyën, ets krukts nyija'ap ma jyë'kxtakn yë wyintsën të myo'oyën; e yë Israel ja'ayëty mëti'ipës nnaax'ajtyp nkajpn'ajtypyën ka'ap y'ijxkäpy ets ka'ap jyä'äkyukë.

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Dios nëkoo tukajpxpätë ets yajputëkëtëty.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

1 Timoteo 3:8

Näyjyëtu'un ja mëpëjkpëtëjk mëti'ipë ja tuunk të yajtuknipëktën jap tsajptëkoty, yë'ë mëti'ipë jyëkyejpy yajwintsë'ëkëty, mëti'ipë ka'ap y'ëëwtëkoy kyajpxtëkoytyën, ka'apë y'uuktën myu'ukëtën ets ka'apë yi'iyë wit meeny tpa'ix tpawoontën.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

Hechos 20:33

Ka'apës nijëna'a të n'atsoky yë wit meeny, pu'ts pujxn ëkë wit xox,

Hechos 20:29

Nija'apës, ko yaa ntsoonëtyës, minantëp mëti'ipë win'ëënantëpën ets ja mëpëjkpëtëjk tyajwinma'anytyëkoya'antë. Jëtu'un jyata'antë ijxtëm ja pa'uk tyajkutëkoyën ja kupixyny.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Eclesiastés 5:10

Mëti'ipë ja'ay yë wit meeny je'eyë y'ixk'ajtypyën ni'ikyë tmaytsyoky; mëti'ipë ja'ay je'eyë tyäty kyumeeny'ata'anyën ka'ap nijëna'a nyäjyawëty myeenypyääty. Tyaapë nän natëkë winma'any yë'ë,

1 Samuel 2:29

E pën jëtu'un y'ixë'aty tii ko ka'ap xy'ëkmëjpëjktaknëtë ja ayajk ako'onën mëti'ipë ja'ayëty yë Wintsën tyuknimiintëpën. ¿Wi'ix ko ja m'u'unk m'ëna'k jä'ä ni'ik mtsojkpy mja'ap ets këtiinëm ëjts, je'eyë xyajni'kxënyë mëët ja tsu'utsy mëti'ipë myëmiintëpën ëjts nwintuuyës ja Israel ja'ayëty, mëti'ipës nkajpn'ajtypyën?

Éxodo 23:3

Këtii xytyimmëpëjkta'ajëty ja y'aaw y'ayuk ja ëyoopëja'ay.

Filipenses 3:2

Näkyëwent'atëtë ma ja ja'ayëtyën mëti'ipë ka'ap tsyokëtën, mëti'ipë tëkatsy winët tyuuntëpën ets tsyujktëp ja nyi'kx kyopkëty;

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Jeremias 8:10

Paatykyëjxm wiink ye'etyëjkës nmo'ojäämpy ja tyo'oxytyëjkëty ets nyaax kyamëty wiink ja'ayës ntukë'ëtëjkëjäämpy. Jä'ä ko wä'än tmëjëty tmutskëty, aak yi'iyë myëmaay myëtajtëp wi'ix wyitpaat myeenypyaatëty mëët ja ëxëëktu'un ëxëëk kajpxën; wä'än yë'ë'atë käjpxynyajxpëtëjkëty ets teetytyëjkëty, ka'ap tii oy tpaatë.

Oseas 4:8

Yë'ë nnaax nkajpnës nëë poky tyukjuuky'äjtyp, paaty tsojkën'atë ets ja'ay pyokytyuntëty.

Jueces 18:20

Ja teety oy ojts ya'atë aaw ayuk tmëtoy, ënät ënätyë tpëjkë'ky ja kepy tsyetsy mëti'ipë ënety nikoyën mëët ja poop pujxn ets ja wyit ets ja wiinkëtypë naaxpotsy mëti'ipë ja Micaías ja y'u'unk y'ëna'k y'u'unk tyo'oxytyëjk y'ëwtajtëpën ets tpatso'ony ja Dan ja jyä'äyëty.