Isaías 55:5 - Biblia Dc en Mixe de Quetzaltepec

⁵ Nëjkxëp xyajminy wiinkëtypë naax kajpn mëti'ipë ënety ka'ap të xy'ixy'ätyën ets ja naax kajpn ka'apë m'ixy'ätyën, pëyi'ikyë nëjkx mniminyë, jä'ä ko mëti'ipë Wintsën'ajtpën, ja wa'ats Dios, mëti'ipë jam yajpatpën ma Israel kajpnën, tëë nyajmëjnaxy.

Biblia Mixe de Quetzaltepec

⁵ Nëjkxëp xyajminy wiinkëtypë naax kajpn mëti'ipë ënäty ka'ap të xy'ixy'ätyën ets ja naax kajpn ka'apë m'ixy'ätyën, pëyi'ikyë nëjkx mniminyë, jä'ä ko mëti'ipë Wintsën'ajtpën, ja wa'ats Tios, mëti'ipë jam yajpatpën ma Israel kajpnën, tëë nyajmëjnaxy.

Isaías 55:5 ပူးပေါင်းရင်းမြစ်များ

Isaías 60:9

May kepy nëëwinye'epyë miintëp, mëti'ipë tso'ontëpën Tarsis, yë'ë tsyëëmiintëp yë m'u'unk m'ëna'k, mëët yë poop pujxn ets pu'ts pujxn, ets tukwintsë'ëkëja'antë yë mWintsën, mëti'ipë wa'ats Tios'ajtpën ma Israel ja'ayëtyën, mëti'ipë myajmëjnajxëpën.

Isaías 60:5

Mijts, ko ënety jëtu'un xy'ixy nëjkxëp mxoontä'äky ets jotkujk nëjkx mnäjyawëty. Jää nëjkx ja naax kajpn mëti'ipë yajpatëpën mejy pë'aay mtukniminyë ja wit meeny ets ja näypyutëkë.

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Romanos 15:20

Xëmës ntsoky etsës nkajpxwa'kxëty ja oy aaw oy ayuk ma ka'anëm yajnijawën ja Kristë. Ka'apës jyamëty të ntëkë ma ja ja'ay të yajtuk'ëwaanëtën ja Kristë këtiipës nyajpaatëty jëtu'un ijxtëm ja ja'ayën mëti'ipë jyëjpkojëpën tu'uk ja tëjkkojtuk ma wiink ja'ay të tkojtso'ontä'äkyën.

Hechos 5:31

Tëë ja Dios tpëjktä'äky y'aka'any'äämpy Yajkutujkpë ets Yajknitsokpë, jëtu'unts ja Israel ja'ay t'ëxmatstëty ja y'ëxëëk winma'anyëty ets ja pyoky yajnimä'kxtëty.

Hechos 3:13

Ja Dios mëti'ipë ja Abraham, Isaac ets ja Jacob y'ëwtajtën, ëëts ja n'ap'ajt n'ok'ajtëmë; yë'ë të tmëjjaw të tjaantyjyawë ja Tyuumpë Jesús, mëti'ipë miits mkë'ëyajtën ets y'ookëty; mëti'ipë ja Pilato jya'ëxmatsanën.

Isaías 56:8

Ëjts nëjkx nyajmujkta'ay ja ja'ay mëti'ipë ënety jam muum yajpatëpën wiink naax wiink kajpn tsumy matsy. Wintsën jëtu'un ënaanp, mëti'ipë të tuknipëjktaakën ets ja Israel ja'ayëty tyu'ukmujkta'atëty mëti'ipë të yajpaatën axit ako'owë.

Isaías 55:4

Yë'ë ojts npëjktä'äkyës ijxpë mëtoowpë ma mëj naax mëj kajpnën, ets y'itëty tu'uwinye'epyë ets ëëwwijpë kajpxwijpë ma ja naax kajpnën.

Isaías 45:23

Ëjts ojts kë'ëm nyänyikäjpxyë, tëëjës nikäjpxy koos nmëta'aka'any, ets jëtu'un jyänty tyuna'any jyänty jyata'anyë: nëjkxëp ni'ëmukë ja'ay xywyinkoxtänëtës ets nikajpxtë yë nxëëwës,

Salmos 18:43

Tëës mijts xyajnitso'oky ma ja naax kajpnën mëti'ipë käjpxy kyumëtoownajxpën. Tëës xypyëjktä'äky yajkutujkpë ma ja naax kajpnën ets të xymyëtunyës ja ja'ay ka'apës ënety n'ixy'ätyën.

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Juan 17:1

Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Dios nja'amyejtsy: Dios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Oseas 1:10

Pyatäämpy ja xëëw po'o ma Israel ja'ay nyimay'ata'antën jinën, ni pën kyamayëtëty tkijpxëty ets tmëtsyowëty. Ets ka'apës nëjkx n'ëk'ënëmaaynyëtë: Miitsëty ka'ap nkajpn'atë, jä'ä nëjkx yë Dios y'ënë'ëmxëtë: Miitsëty yë'ë Dios juukpyë m'u'unk'ajtëtëp.

Isaías 52:15

jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënety ka'ap nijëna'a të tmëtowtën.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

1 Pedro 1:11

Ja Kristë ja myëk'ajtën yë'ë ijty tyuknija'ap ja käjpxynyajxpëtëjk wi'ix ja Kristë y'ëyowa'anyën ets ja mëj'ajtën oyajtën mëti'ipë ok minaanpën; yë'ëjëty ojts tjanijawëja'antë ja xëëw po'o jëna'a jëtu'un jyata'any kyëpäta'any mëti'ipë ja Kristë ja myëk'ajtën ënety jyanikäjpxypën.

Hebreos 5:5

Tim näjyëtu'un ja Kristë ka'ap ojts kë'ëm nyäpyëjktä'äkyë teety wintsën, ja Dios ojts myo'oyë ja mëj'ajtën jaanty'ajtën ko y'ënëmaayë: Mijts n'u'unk'ajtyp, tyamës n'ëna'any ko mijts n'u'unk'ajtyp.

Efesios 3:5

Ni pën ijty tëëyëp tkanijawë, je'eyëp ko tyam tëë ja Dios mëët ja kyënu'kxymyëk'ajtën tuk'ixy tuknijawë ja wa'atspë y'ijxpëjkpëtëjk ets ja kyäjpxynyajxpëtëjk.

Lucas 24:26

Ko jëwyiin ja Jesús y'ëyowëty ets ok tpëkëty ja myëj'ajt y'oyajtën.

Efesios 2:11

Jëtu'un miitsëty, mëti'ipë ka'ap jyutiis'atën, ka'apë tsyuky'atën ets mëti'ipë nätyijëtëp ko tsyuky'atë, mëti'ipë tëë yajnatsujk'ëwtitën ja ye'etyëjk'ajtënëty,

2 Samuel 22:44

Mijtsës të xyajnitso'oky ma ja naax kajpnën ëxëëkpë, etsës të xypyëjktä'äky Wintsën, ma ja naax kajpn ja mëjatyëtypë, tëë xymyëtuntës ja ja'ay ka'apës ënety n'ixy'ätyën.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Isaías 45:22

Naax kajpnëty jëkämpaatpë yajpaatën, nimiintëkës ets nyajtso'oktëty, jä'ä ko ëjts jëtu'un Tios'ajtp nätyu'uk, ka'ap maa wiinkpë.

Isaías 49:12

Ëk'ixtë. Tää ja'ay myiintë mëti'ipë jëkäm tso'ontëpën: tam mëti'ipë tso'ontëpën anajnytsyow, a'oytsyow, xëëwpëtsëmy ets xëëwkëtä'äkytsyow.

Jeremias 30:19

Jap nëjkx ja'ay tkukajpxëtë tja'awëkyëta'aktë ets nëjkx xyi'iktë xyontë. Yë ja'ay niwäänëpë, ni'ikyës nyajnimayëja'antë. Ëjts ka'apës ni pën n'ixtija'any, ni'ikyës ntsoka'an njawëja'antë.

Ezequiel 39:7

Ëjts ntsojkpyës ets nxëëwës wa'atspë yajnijawëty ma Israel kajpnën ets ka'apës nkupëka'any ets nëxi'iky tukxi'iky wyë'ëmëty. Nëjkxëp wiinkëtypë naax kajpn tnijawë ko ëjts wa'atsës yë nxëëw nyaj'ity ma Israel.