Isaías 55:4 - Biblia Dc en Mixe de Quetzaltepec

⁴ Yë'ë ojts npëjktä'äkyës ijxpë mëtoowpë ma mëj naax mëj kajpnën, ets y'itëty tu'uwinye'epyë ets ëëwwijpë kajpxwijpë ma ja naax kajpnën.

Biblia Mixe de Quetzaltepec

⁴ Yë'ë ojts npëjktä'äkyës ijxpë mëtoowpë ma mëj naax mëj kajpnën, ets y'itëty tu'uwinye'epyë ets ëëwwijpë kajpxwijpë ma ja naax kajpnën.

Isaías 55:4 ပူးပေါင်းရင်းမြစ်များ

2 Samuel 22:44

Mijtsës të xyajnitso'oky ma ja naax kajpnën ëxëëkpë, etsës të xypyëjktä'äky Wintsën, ma ja naax kajpn ja mëjatyëtypë, tëë xymyëtuntës ja ja'ay ka'apës ënety n'ixy'ätyën.

Salmos 18:43

Tëës mijts xyajnitso'oky ma ja naax kajpnën mëti'ipë käjpxy kyumëtoownajxpën. Tëës xypyëjktä'äky yajkutujkpë ma ja naax kajpnën ets të xymyëtunyës ja ja'ay ka'apës ënety n'ixy'ätyën.

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Isaías 16:5

Yë David yë y'u'unk y'ok yë'ë nëjkx tpaaty ja kutujktakn, mëti'ipë yajkutukaanpën mëët ja tëyajtën. Mëtëy nëjkx winë tnipaye'ey, jëtu'un tä y'ixëtyën ja poky ets mëtëy tyaj'ita'any ja ënä'ämën tëyajtën.

Isaías 43:10

Jëtu'un yë Wintsën y'ënä'äny: Miits nyajnajxtëp ijxpë nija'apë, miits të nwin'ixtë ets ntuunpë'atëty, ets xynyijawëtëty pën ëjts ets xymyëpëktëtyës ets xyjyä'äkyukëtëty ko ëjts jëtu'un. Ka'ap maa jëtu'unpë tios tä ëjtsën ets ka'ap nijëna'a jëtu'unpë y'ita'any.

Isaías 43:12

Jëtu'un ja Wintsën y'ënä'äny: Tëës nikäjpxy ets tëëjës ntukyaax ntukjokë, ëjts të nyajnitso'oktë; ka'ap wyiink tiosëty, tam ja ja'ay nmëëtëtyës mëti'ipë të t'ixtën.

Jeremias 30:9

Ëjts nëjkx xymyëtuny, ëjts maas nxëëwatyën Wintsën, nëjkxëp tmëtuntë yë David, mëti'ipës npëjkta'akäämpyën ënä'ämpë yajkutujkpë.

Ezequiel 37:24

Yë ntuunpës David, yë'ë nëjkx yajkutuky ma yë'ëjëtyën ets yë'ëjëty nëjkxëpës xymyëmëtowtë ets nëjkx tkuuytyuntë ja n'ënä'ämënës ntëyajtënës.

Ezequiel 37:25

Jam nëjkx tsyëënëtë ma ja naax kajpnën mëti'ipës nmooyën yë ntuunpës Jacob, ma ojts näjyëtu'un tsyëënëtën yë y'ap y'okëty. Jam nëjkx tsyëënëtë xëmë ets näjyëtu'un yë y'u'unk y'ëna'këty ets y'u'unk y'okëty; yë ntuunpës David yë'ë nëjkx xëmë yajkutuky.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënety yajni'ënä'ämën ets yajkoj'oyëty jatëkok ja Jerusalén kajpn ets ma ënety jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Mateo 2:6

Mijts Belénkëtë kajpn, Judea y'itjotmëtë, ka'ap mijts mnanëkookajpnëty ma tääpë naaxën, jä'ä ko jam tu'uk ja yajkutujkpë pyëtsëma'any mëti'ipë tyu'u wyinye'eyäämpyën yë n'Israel kajpnës.

Juan 10:27

Yë nkupixynyës xyo'kmëtoowtëpës yë'ëjëty, etsës xypaye'eytyë.

Juan 10:3

Ja kemy kyëwent'ajtpë yë'ë ja kemy yaj'ëwatsyp, ja kupixyny këwent'ajtpë xëëwpety tmëkäjpxy ja kyupixyny, e ja kyupixyny nän yo'kmëtoowëp; ets tyajpëtsëmy jap kemyjoty.

Juan 12:26

Pën jääjës pën xymyëtun'any, wä'änës xypyaminy; ets pën maas ënety nyajpaaty, jam näjyëtu'un yajpaata'any mëti'ipës ënety xymyëtuunpën. Pën jää pën xymyëtuna'anyës, yajmëjnaxanëp ja nTeetyës.

Juan 13:13

Miitsëty jä'äs xytyijtë Yaj'ijxpëjkpë ets Wintsën ets tëy jëtu'un m'ëna'antë, yë'ëjës jëtu'unpë ntuunk'ajtyp.

Juan 18:37

Ënet ja Pilato y'ëtsoowë: Ko jëtu'un m'ëna'any jëtu'un yajja'akyukë, yajkutujkpë yowë mijts. Ënet ja Jesús y'ëtsooy: Mijts jam m'ënaanp, ëjts yajkutujkpë. Ëjts yë'ëjës të niminy naaxwiiny etsës nimëtya'akëty ja tëyajtën. Ni'ëmukë mëti'ipë tyuk'ijtëtëp ja tëyajtën, myëtoow'ijtëp yë n'aaw n'ayukës.

Juan 3:16

Yë'ë ko Dios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Efesios 5:24

Je'eyëp ko jëtu'un ijxtëm ja mëpëjkpëtëjk tmëmëtowtën ja Kristë, näjyëtu'un ja to'oxytyëjk tmëmëtowtëty ja nyiye'etyëjk.

2 Tesalonicenses 1:8

Yë'ë nyiminäämpy ets tukumëtowa'any mëti'ipë ja Dios ka'ap tmëmëtowtën ets ka'ap tpatuntën ja oy aaw oy ayuk ma ja Wintsën Jesukristë yajnimëtyä'äkyën.

1 Timoteo 6:13

Ja Dios, mëti'ipë myoopyën ja juukyajtën oy tyimtiijëty jam Jesukristë wyintum, mëti'ipë ojts näjyëtu'un nikäjpxyën jam ma ja Poncio Pilato, mijts yam ntuknipëjkpy

Hebreos 2:10

Tu'kë'ëyë mëti'ipë jää'ajtpën aak Dios jyä'ä'ajtääpy ets yaj'ijtääpy, jä'ä ko tsyojkpy ets ja y'u'unk y'ëna'k näjyëtu'un tpaatëty ja myëj'ajtën y'oyajtën; Dios ojts tyaj'awinpity ja Jesukristë wa'ats ko y'ëyooy, mëti'ipë të yajnitso'okëtën.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,

Apocalipsis 3:14

Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Dios yajkojën.