Isaías 55:2 - Biblia Dc en Mixe de Quetzaltepec

² ¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Biblia Mixe de Quetzaltepec

² ¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Isaías 55:2 ပူးပေါင်းရင်းမြစ်များ

Salmos 22:26

Kaytyë uuktë, miitsëty ninu'un ëxëëk myajtun myaj'ënëëmëtën, kaytyë uuktë ku'uxyë; Miitsëty ninu'un xy'ixta'atën yë Wintsën, mëjjawëtë ets mjuuky'atëty jeky.

Salmos 34:11

Mintë, u'unk ëna'këty ets mëtoow'ijtëkës yë n'aaw n'ayuk: tyam ntukni''ixëja'antë wi'ix yë Wintsën xy'ëwtatëtyën.

Salmos 36:8

Ku'uxyë wyë'ëmtë mëët ja ka'ayën ukën mëti'ipë jam yajpatpën ma mjëën mtëjkën; e ja nëë mëti'ipë mtuk'ukpyën yë'ë mëti'ipë tso'onpën ma taxnëëjën mëti'ipë jämyë mu'tpën,

Salmos 63:5

Täätsës jëtu'un nnäjyawëtëty janty akëtä'äky janty jotkëtä'äky, jëtu'un tä yë ja'ay akëtä'äky jotkëtä'äky nyäjyawëtyën ko kyäy y'uuky, ets ja n'aaw nyä'änës mëjpëjkta'akëtëty mëët ja xoontakën.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënety xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Proverbios 1:33

E ja ja'ay mëti'ipës xy'ijxkujk xyjyä'äkyujkëpën, akujk jotkujk jyuuky'äty ets ka'ap tsyë'ëkëja'any oy tii tmëtowëty atsë'ëk ajawëpë.

Proverbios 7:23

ets ok ja jyuukyjot yajtukuumnaxy, jëtu'un tä tu'uk yë joon kyukääkën xuumyjoty ka'apë tnijawë y'ooka'any.

Proverbios 8:32

E tyam, u'unkëty maayëty, mëtoow'ijtëkës. Jëtu'un winë xytyuntëty ijxtëm ëjts winë ntunyën, ënät jotkujk myajpaatëty.

Proverbios 9:5

Min kaytyë ja ntsajpkääkyës ets min uuktë ja nëë mëti'ipës të nyaj'oyën.

Eclesiastés 6:2

Jëtu'un yaj'ixy win'ixy yowë Dios ja'ay wit meeny tmo'oy ets win'ixy yowë jotkujk ja'ay tyajjuuky'äty, mëti'ipë tii tyëkoy'ajtxëtën mëti'ipë tsyojkën'ajtëpën; je'eyëp ka'ap yë'ëjëty tukjuuky'atë wiink ja'ay tyukjuuky'äjtyp. Ya'atë jëtu'unpë nän natëk winma'any yë'ë ets je'eyë pyäätyë nimo'on nitujkmëty.

Isaías 1:19

Ko miitsëty xykyupëktëty ko mmëtowantëp, nëjkxëp mka'ayën m'ukën xypyaatë oyëtypë;

Isaías 10:27

Jä'ä xëëw nëjkx ja mtsëmy mkë'ëy myajtuknipëjktu'uty, ets nëjkx yajnëkejy ja kepy mëti'ipë mtsëëm'ijtypyën, jëtu'un tä tsajpkaa kepy tsëëm'ityën mëti'ipë tyukyuupyën.

Isaías 25:6

Jam ma Sión kopkën, yë Wintsën mëti'ipë maaytyääyëpën winë, tnipëjktaakëja'any tu'uk ja ka'ayën ukën, aakyë'ë pyëjkta'akäämpy oyëtypë jë'kxy pëky, oyëtypë kääky uuky, xu'kxëtypë ets pa'akëtypë.

Isaías 44:20

Tyaapë jëtu'un tä ja'ay kuyjyaam tjë'kxyën. Jëtu'un tä ja'ay kë'ëm nyäwyin'ëënyën. Tääpë jëtu'unpë ja'ayëty ka'ap nijënu'un tjëkyepy wi'ix tsyo'oktëtyën. Ka'ap nijënu'un tja'akyukëtë ko mëti'ipë y'ëwtajtëpën nëkoopë nyätyukwin'ëënëtë.

Isaías 46:6

Tä ja'ay mëti'ipë may yë pu'ts pujxn yäjkpyën ets may yë poop pujxn tkijpxtä'äky ets t'ënëëmë tu'uk ja ja'ay ets t'oytyunëty yë awinax, yë'ëts y'ëwtajtyp ets twinkoxtänë.

Isaías 51:1

Jëtu'un ja Wintsën y'ënä'äny: Mëtowtë ya'atë aaw ayuk miitsëty ninu'un xytsyojkën'atën ja oypyë juukyajtën Ixtë ja tsaa maa ojts yajnëpu'uyën ets maa ojts yajmëpëtsëmyën.

Isaías 51:4

Naax kajpnëty, mëtoow'itë n'aaw n'ayukës: N'ijxpëjkënës yam nyakäämpy, ets ja ntëyajtënës yë'ë kyutë'kxäämpy kyujajäämpy ja naax kajpn.

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Isaías 62:8

Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Isaías 62:9

Miitsëty nëjkx kë'ëm xyajpëtë'ëktë ja mpëjktä'äkyëty miits nëjkx kë'ëm xyjyë'kxtë ets ëjts xyajmëjnaxtëty; nëjkxëp xyajmuktë yë mtsatym tyëëmëty ets nëjkx ja tsatym nyëë xy'uuktë jap tsajptëkoty.

Isaías 65:23

Ka'ap ja tuunk nyatëkë'atëty, ko ënety ja u'unk ëna'k myëxu'unk'atë, ka'ap nëjkx yajpoktë, kënu'kxy ja Wintsën yaj'ita'anëtë, kënu'kxy nëjkx y'itë y'u'unk y'ëna'këty.

Jeremias 12:13

Ojts tjani'iptë yë tsajpmok, äpny ojts tpëjkmuktë, nëkoopë ja tuunk nyatëkë'ajty. Ka'ap ojts ja pëjktä'äky wyintëy mëët koos ntukjoot'anpëjky.

Jeremias 17:24

Ëjts Wintsën, jëtu'unës n'ëna'any: Ja'aykyukëtë, mëmëtoowtëkës, këtii tsëmy kë'ëy xymyënaxtëty po'kxënxëëw ma Jerusalén kajpn yajnitëkën; tääpë xëëw kënu'kxy mëpaat nyäxy ets nitiituunk jää kyayajtunëty.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënety ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Jeremias 31:14

Ëjts nyajkutukäämpy ets ja teetytyëjkëty jotkujk kyäytyëty y'uuktëty ets ja nnaax nkajpnës tukxoonta'aktëty mëti'ipës nmooytyëpën. Ëjts Wintsën, ëjts ënaanp.

Oseas 12:1

Yë Efraín poj jyi'kxyp: Tu'kxëëw tpaye'ey yë poj mëti'ipë xëëwpëtsëmtsyow tso'onpën. Këjääjëp yë wyin'ë'ënën ets tsyip y'äkë. Yë Asiria ja'ay yë'ë mëët käjpxytyu'unën tuny ets Egiptë ja'ayëty tyuknikejxyp yë olivë on tä tu'uk näynyamo'ojën.

Oseas 8:7

Ojts tni'iptë poj ets yë'ë yajpëtë'ëkantëp tuupoj; ka'ap nëjkx tyajpëtë'ëktë pyëjktä'äkyëty ma kyam tyu'ujëtyën, ka'ap nëjkx tmëët'atë yë tsyajpmokëty; e ko tjapaatëty wiink ja'ay nëjkx tjë'kxtë tpëktë.

Habacuc 2:13

Yë Wintsën mëti'ipë maaytyääyëpën winë ka'ap tmëjpëjkta'aka'any yë mtuunk ets oy jënu'un tii të xyjyayajnimëjaawtä'äky, jä'ä ko nitooytya'ajaanp ja mëti'ipë të xyapëjktä'äkyën.

Mateo 15:9

Nëkoopë nyätyijëtë koos xywyintsë'ëkëtë; yë y'ijxpëjkënëty, ja'ay yë y'ënä'ämën.

Mateo 22:4

Tääts ja wiinkpë ja tyuunpë ojts tkexy ja'aywyoopë ets t'ënëmaay: Nëjkx ënëëmëtë ja ja'ayëty ko ja kääky apaatë y'owxijnë. Tëës ni'ënä'ämë ets ja tsajpkaa y'ookëty: tsajpkaa ayääkë ets ni'kxëtypë. Apaatë y'ijtaaynyë, wä'än min tkaytyë.

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.

Marcos 7:14

Tääts jatëkok tmëkajpxmujky ja mayjyä'äy ets t'ënëmaay: Mëtoow'itë ni'ëmukë ets xyjyä'äkyukëtëty:

Lucas 15:23

Nëjkx ja tsajpkaa tu'uk xyajtsoontë ni'kxpë ets xyaj'ooktëty. Tsojk nka'ayëm n'ukëm ets nxëëwtu'unëmë.

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Dios Teety yë kuttujkën të myo'oyë.

Romanos 10:17

Jëtu'unkyëjxm, ja mëpëjkën ënät yajmëët'aty ko yajmëtoow'ity, ets ja aaw ayuk jam ja tsyoony ma ja Kristë të tnimëtyä'äkyën.

Romanos 9:31

E ja jutiis ja'ayëty mëti'ipë yë'ë kyajpxkopk'ajtëpën ja ënä'ämën ko yë'ë nyipaye'ey mëtëy, ka'ap të tpaatë ja nipaye'eyënë.

Deuteronomio 11:13

Pën miitsëty mkuuytyuuntëp ja y'ënä'ämën tyiyajtën mëti'ipë tyam të nmo'otën, pën mtsojktëp mja'awëtëp ja Wintsën mëti'ipë miits mTiosajtëpën ets pën m'ëwtajtëp winë aaw winëjot.

Hebreos 13:9

Këtii myajwin'ëëntëty mëët ja wiinkëtypë ja ijxpëjkën ets mëti'ipë wiinktsow tso'onpën. Yë'ë ni'ik oy ko amëk jotmëk nyajpatmëty ma ja Dios ja tsyojkën jya'awënën ets këtii ko npatu'unmëty ja ënä'ämën mëti'ipë nyikäjpxypën wi'ix ja ka'ayën ukën mëpaat yajjë'kxy yajpëkyën; jä'ä ko tääpë ënä'ämën ka'ap nimaa tyuny.