Isaías 55:13 - Biblia Dc en Mixe de Quetzaltepec

¹³ Tsiin nëjkx jam yony ma ijty y'äpnyjyotëtyën, pëjy nëjkx jam yony ma ijty pyaxnteenyjyotëtyën; ya'atë nëjkx tyajmëjnaxy ja Wintsën ja xyëëw, ijxpäjtën nëjkx wyi'imy xëmëkyëjxm ets jeky y'ita'any, ka'ap nijëna'a kyutëkoyä'äny.

Biblia Mixe de Quetzaltepec

¹³ Tsiin nëjkx jam yony ma ijty y'äpnyjyotëtyën, pëjy nëjkx jam yony ma ijty pyaxnteenyjyotëtyën; ya'atë nëjkx tyajmëjnaxy ja Wintsën ja xyëëw, ijxpäjtën nëjkx wyi'imy xëmëkyëjxm ets jeky y'ita'any, ka'ap nijëna'a kyutëkoyä'äny.

Isaías 55:13 ပူးပေါင်းရင်းမြစ်များ

Salmos 96:12

Wä'än yë kam tu'u txoonta'aktë, mëët tëkokyë jënu'un jam winë yajpaatyën. Wä'än akujk jotkujk tya'axtë tjoktë yë aay kepy mëti'ipë yuukjoty yajpatëpën,

Isaías 19:20

Yë'ë nëjkx yajtuk'ixy ets ja Wintsën mëti'ipë maaytyääyëpën winë yaja'amyätsëty jap ma Egiptë kajpnën. Ko tmëkajpxtëty ja Wintsën ma t'amëtowtën ja näypyutëkë ko ënety ëxëëk yajtun yaj'ënëëmëtë, yë'ë nëjkx tyuknikäxëtë tu'uk ja yajnitsokpë mëti'ipë nëjkx kyuwa'anëtë ets yajtso'okëtën.

Isaías 32:13

Äpny ets aay ujts jam yonaanp maas yë nkajpnën ma tu'kë'ëyë ja jëën tëjkën mëti'ipë yi'iyë tsojkën'atë ja äjtsën pujtën.

Isaías 35:1

Wä'än txoontä'äky ja itjot, të'ëts it të'ëts naaxpë; wä'än tjam'aty ja xoontakën, ja jotkujk'ajtën ets yaj'ixëty pëjyjyotypë ujtsjotypë,

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

Isaías 41:19

Jam ma ka'ap tii y'ity wyintëyën, jamës nyajyona'any, acacië kepy, arrayanes kepy ets olivë kepy; jam ma tëë naaxwiinyëtë tyëëtsë'ktaaynyën jamës nyajyona'any tsiin kepy, mëët yë ajë kepy ets wiinkëtypë kepy,

Isaías 43:21

ja naax kajpn mëti'ipës të nyajkojyën ets nimëtya'akëty ja nmëj'ajtënës.

Isaías 5:6

jëtu'unyës ntimyjyä'äytyëkoyä'äny. Ni pën kyakuyu'ujëtëty ets ni pën kyawinpux kyawinpootëtëy, äämjyoty pejyjoty nëjkx wyi'imy. Ëjts kë'ëm njëpëkäämpy ja yoots nëma'a ets ka'ap y'ëktuunëty.

Isaías 54:10

Oy ja tun kopk wya'ktëkatsëty, ets jyitëty, yë ntsojkënës nja'awënës ka'ap tyëkatsa'any ets nkäjpxytyu'unënës ka'ap kyëxa'any nyaxa'any. Yë'ë jëtu'un Wintsën ënaanp mëti'ipë mpa'ëyoowëpën.

Isaías 56:5

ni'ikës winë nmo'oja'antë këtiinëm jyëtu'unëty ko jeexyë ja y'u'unkëty y'ëna'këty tmëët'atë, ëjts nëjkx kë'ëm n'ënëëmëtë ko jap yë xyëëw wyë'ëma'antë tsajptëkoty xëmëkyëjxm ma potsywyiinën, etsës yë xyëëw nmo'oja'antë mëti'ipë xëmë yajtukja'amyätstëpën.

Isaías 60:13

Jëtu'un yë Wintsën t'ënëmaay yë Jerusalén: Jam yë mwit meeny tsyoona'any Líbano: Oykyepy, tsiin kepy ets ajë kepy mëët yaj'oytyunëty yë ntsajptëjkës, ets oy kyëxë'ëkëty maas nnajtswa'akëja'anyën.

Isaías 60:17

Yë'ë nmo'ojäämpy yë pu'ts pujxn tä jeexyë tsyuxk pujxnëtyën, poop pujxn nmo'ojäämpy tä jeexyë jyuunpujxnëtyën, tsuxkpujxn nmo'ojäämpy tä jeexyë kyëpetyën, juunpujxn nmo'ojäämpy tä jeexyë tsyaajëtyën. Ëjts kë'ëm ntuknipëjktaakëjäämpy ets yë'ë m'ënä'ämëtëty ja jotkujk'ajtën, ets mtu'uwinye'eyëtëty ja tëyajtënpë.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 63:12

mëti'ipë ja Moisés tyukpanëjkxën oy tyimmaajëty ja kyënu'kxyajtën, mëti'ipë yajwa'kxën mäjtskpëky ja mëjnëë ets ja nyaax kyajpn të'ëts wa'ats tyajnajxy ets y'awinpijty mëj'äämpy oy tyimmaajëty,

Isaías 63:14

ets tä yë tsajpkaa jyoykyëtä'äkyën. Ja Wintsën ja myëk'ajtën jä'ä ijty tu'uwinye'eyëtëp. Jëtu'un twinwooy ja nyaax kyajpn ets ojts mëj'äämpy nyäxy ets ja mëj'ajt oyajtën tukpaty.

Isaías 7:11

Amëtow yë mWintsën ets tyaj'ixëtëty yë myëj'ajtën, yë'ë mtuk'ixëp ko myëët'ajtyp yë mëk'ajtën tsajpkëjxm ets naaxpa'tkë'p.

Isaías 7:19

Aak jap nëjkx kyukäkëtya'atë muum wokjoty, aankjoty, ujtsjoty, äpnyoty, ets jam muum ma aayjëyujk ujtsjëyujk nyëë'uuktën.

Isaías 7:24

Ma tääpë kajpnën ënät nëjkx jam pën tyëkë pën myënëjkxyp yë tyi'pxn ets kyu'umën, jä'ä ko ja naax kajpn äpnyjyot ets pejyjot y'awinpita'any.

Jeremias 13:11

Jëtu'un tä tu'uk ja'ay nyäwyë'ënta'atsyën, jëtu'unës yë Judá ja'ayëty ets Jerusalén ja'ayëty të nmëët'aty, wë'ënta'atsy tu'ukmukyë të yajpaatë mëët ëjts ets yë'ë nnaax'at nkajpn'atëtyës, jëtu'un yë nxëëwës tyajmëjnaxtëty, tääts yë nmëj'ajt n'oyajtënës jam nyikëxë'ëkëty ma yë'ëjëtyën. E yë'ëjëty ka'ap të xymyëmëtowtës. Ëjts Wintsën, ëjts ënaanp.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Jeremias 50:5

Yajtëwantëp maatsow wyi'imyën ja në'ë tu'u mëti'ipë nëjkxpën Sión, jam nyëjkxa'antë ets y'ëna'ana'antë: Tsojk ninëjkxëmë yë Wintsën ets mëët ntu'unmëty tu'uk yë käjpxytyu'unën mëti'ipë itëpën xëmë, mëti'ipë ka'ap yajja'atyëkoyëtyën.

Ezequiel 28:24

Yë Israel kajpn ka'ap nëjkx y'ëkyaj'ëyoowënë wiinkëtypë naax kajpn na'ëwtitypë yajpaatën ma yë'ëjën. Ënet nëjkx yajnijawë ko ëjts Wintsën.

Miqueas 7:4

Mëti'ipë oyjyä'äy yaj'ijxpën jëtu'un tä tu'uk yë äpnyën; mëti'ipë mëtëy tu'uye'epyën jëtu'un tä paxnteenyën. Je'eyëp ko miimp wiinkoonp ja xëëw po'o jëna'a ja nëë poky yajnipaye'eyëtyën, ja xëëw po'o mëti'ipë ojts tnikäjpxyën ja këwent'ajtpë.

Zacarías 1:8

Kootsës nwinkumaay: Nwin'ijxyës tu'uk yë ja'ay, kwaay tyuk'ënyääpy. Jam joyjotm tyänë, ujtsjoty, jëtu'un yaj'ixy ja ujts xunpoxën ets jam ix'am kanaak kwaay nyatänëty, tam mëti'ipë tsaptsën, naje'eyë yëkën ets poopën.

Lucas 2:14

Mëjjaw jaantyjawë ja Dios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Juan 15:8

Jëtu'un ënety xyajnikëxë'ëktë ja nTeetyës ja myëj'ajt y'oyajtë ko mtëëmpätëty may ets tjëkyäpëty wi'ix myajtijtëtyën ko miits n'ijxpëjkpë'atë.

Romanos 6:19

Jëtu'unës nmëtyä'äky ijxtëm miits mja'ay'atën yaa naaxwiiny, ko ëmaay paki'ix myajpaatë, ko ka'ap oy xyjyä'äkyukëtë ya'atë jëtu'unpë winma'any. Jëtu'un ijxtëm miits ijty xykyë'ëyaktën ja mjot mnini'kxëty ma ja ëxëëkpën; jëtu'un tyam xykyë'ëyaktëty ja mjot mnini'kxëty ma ja oypyë ja nipaye'eyënën ets wa'ats mjuuky'attëty.

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.