Isaías 55:1 - Biblia Dc en Mixe de Quetzaltepec

¹ Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Biblia Mixe de Quetzaltepec

¹ Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Isaías 55:1 ပူးပေါင်းရင်းမြစ်များ

Apocalipsis 21:6

Ënet xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Isaías 44:3

Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.

Salmos 143:6

Jamës yë nkë'ë nnajtsxajë ma mijtsën koos nkajpxtä'äky, jä'ä ko nyajmëyäjtypyës yë mputëjk mpupäjtën jëtu'un tä yë naaxwiinyëtë nëë tyajmëyätyën.

Apocalipsis 22:1

Tääts ja tsajpjotmëtë kukäjpxy xytyuk'ijxyës tu'uk ja mëjnëë wa'atspë, mëti'ipë yajjuuky'ajtpën xëmëkyëjxm ko yaj'uuky. Janty të'kxy janty wa'ats yaj'ixy ijxtëm yë ijxnën; jam pyëtsimy ma ja kyutujktaknën ja Dios ets ma ja Kupixyny U'unkën.

Mateo 13:44

Jëtu'un ja tsajpjotmëpë kuttujkën tä wit meenyën mëti'ipë yu'utsy ijtpën ma tu'uk ja kamën. Tu'uk ja ye'etyëjk tpaaty ets jatëkok nän jam tyu'utsy; akujk jotkujk nyijkxy ets tooky tiijaty myëët'ajtypyën ets tjuy ja naax ma ja wit meeny të tpaatyën yu'utsy.

Mateo 10:8

Yajtso'oktë ja pa'amja'ay ets mëti'ipë pu'uts mëëtën, yajjuukpyëktë ja o'kpë ets ixkäxtë ja ku'oypyë. Namëyajtën miitsëty të myajmo'otë ya'atë kuttujkën, këtii xynyipëktëty ko pën xyajtso'oktëty.

Joel 3:18

Jä'ä xëëw yë tsatsymnyëë ets tsi'tsknëë pyëyë'ëka'antë tä mëjnëëjën jam tunkëjxm kopkëjxm ets ma Judá y'itjotmën; komnëë jam pëyë'ëkaanp wokjotm. Jam maas yë ntsajptëjkën jam yë nëë myuuta'any mëti'ipë Sitim itjot yajxookäämpyën.

Salmos 63:1

Dios mëti'ipës nTios'ajtypyën, mijts nTiosniwäämpy, jëtu'un nyajmëyäty tä yë ja'ay nyëtëëtsën; tëkokyë yë njot nini'kxës mijts myajmëyajtëp, jëtu'un tä yë të'ëtsnaax nëë tyajmëyätyën.

Isaías 52:3

Jä'ä ko yë Wintsën jëtu'un y'ënä'äny: Ëjts nitu'kjënu'unën të nka'ëxajës ko ojts myajnitooktë, tyam nän nitu'kjënu'unën kyatsokyë ets nyaj'ëwaatsëpëtsëmtëty.

Apocalipsis 3:18

Paaty mijts nkajpxwijy ets xyjyuyëty ma ëjtsën ja pu'ts pujxn tëëpë wyinkë'ëyën jap jëënjoty ets myajtijëty kumeenyjyä'äy; ets ma ëjtsën xyjyuyëty yë poop wit ets mnätyukxoxëtëty këtiipë niwa'ats ëxwa'ats myajpaatëty, jëtu'un xywyitnijuuxëty mëti'ipë myajtsëtyuunëpën; ets näjyëtu'un xypaatëty ja wiin tsooy ets ka'ap m'ëk ijnëty wiintsën.

1 Pedro 2:2

Tsoktë ja Dios ja y'aaw y'ayuk, ijxtëm ja mëxu'unk janaam tsyi'itsyën ets miits mwinpäjt'ëtë'ëtstëty ma ja Dios ja nyë'ë tyu'ujën ets jëtu'un ja nitsokën xypaatëty,

Romanos 3:24

E ja Dios, mëët ko tmëët'aty ja tsojkën ja'awën ets ka'ap të yajkujuy nitu'kjënu'un, wa'ats të tyajnajxta'ay ja ja'ay, mëët ko ja Jesukristë të tuny ja yaj'ëwaatsëpëtsë'ëmën.

Oseas 14:4

Jëtu'un yë Wintsën y'ënä'äny: Nyajtso'okantëp yam ma je'eyë mkäjpxykyumëtoownaxtën; ntsokantëp yam oy mkapaat mkanitëkëtë, jä'äs ko tëëjës ja njoot'an xyeemy.

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Proverbios 8:4

Mëët miitskyëjxmëty naaxwiinyëtë ja'ayëty, tyamës ya'atë aaw ayuk nkajpxa'any.

Mateo 26:29

Tëy miits n'ënëëmëtë ko ka'apës ya'atë tsatym nyëë n'ëk'uukanë, jäänëm ko ënety n'ukëmë ja jemypyë ja tsatsym nyëë ma ja nteetyës ja kyutujktaknën.

Zacarías 9:15

Yë Wintsën mëti'ipë maaytyääyëpën winë yë'ë kyuwa'anäämpy mëti'ipë jyä'ä'ajtypyën ets yë'ëjëty jëtu'unyë t'atääna'an tuktääna'antë yë tsaa mëti'ipë jayajtuka'tstëpën ets myëtsip ëxëëk tuna'antë; y'uukanëtëp yë myëtsip yë jyot nye'pnyëty tä yë tsatsymnyëëjën, jëtu'un tä muum tsimjoty yaj'atämën yë ne'pny; jëtu'un tä jam yajkëxtemyën yë ne'pny ma wintsë'këntyakn yë wyajën.

Cantares 1:4

Yajjaamkojkës pojën. Japës yajnëjkxk mijts yajkutujkpë ma m'ityën mtsëënën. Mëët mijts jotkujkës nyajpaata'antë, yë'ëjës ni'ik n'oyjya'awëtyëp yë mwiin mjëjp këtiinëm yë tsatym nyëë. Paatyëmën to'oxytyëjk mtsokëtë.

1 Corintios 3:2

Ka'ap ojts miits tsip nyaj'ijxpëktë. Jëtu'un nyaj'ixpëjktë ijxtëm tu'uk ja mëxu'unk yajmo'oyën ja tsyi'tsk ko ka'ap tjaty tkayëty ja kääky uuky, jä'ä ko ka'ap miits ënety xyjyatë wi'ix xyjyä'äkyukëtëty mëti'ipëty tsipën. Tyampaat ka'ap xyjyatë,

Zacarías 10:7

Yë Efraín jëtu'un tä tsiptuunpën nyaxa'any. Jotkujk yë jyot wyinma'any tjawëja'any tä jeexyë tsatym nyëë t'uukyën ets ko ënety ja y'u'unk y'ëna'k y'ixyë tääts näjyëtu'un jotkujk yajpaata'antë. Jotkujk yë jyot wyinma'any tjawëja'antë jä'ä ko yë Wintsën tsyokyë jyawëty.

Zacarías 2:6

Jëtu'un yë Wintsën y'ënä'äny: Ëjts të n'ëwa'atsy ets miitsëty axit ako'owë mjatëty wiink naax wiink kajpn. E tyam jëtu'unës n'ëna'any: Käkpëtsëmtë jam ma ja naax kajpnën, jam anëkëxmtsow. Käkpëtsëmtë jam Babilonyë, ma myajpaatën tsumy matsy, miitsëty mëti'ipë ijty tsënaaytyëpën jam Sión. Ëjts Wintsën, ëjts ënaanp.

Rut 4:1

Ënet ojts ja Booz nyijkxy ma ja naax kajpn yajnitëkën, jam ijty ja ja'ay tyu'ukmuktë. E jamts ënety pyo'kxy pyiky ko ajotkumonë t'ijxpaty nyäxy ja ja'ay mëti'ipë ja Rut winkon myëku'uk'ajtypyën. Tä ja Booz ojts tmëkäjpxy ets t'ënëmaay: Mëku'uk. Min mpo'kxy. Tääts myiiny ja myëku'uk ets nyaaxwe'tsy.

Cantares 1:2

Tsu'kxkës maas n'aawën. Koos yë mwiin mjëjp ntsu'kxy, jëtu'unës njawë pya'akëty tä yë tsatym nyëëjën mëti'ipë tëë nyimaanaxyën,

Lamentaciones 5:4

Njuuynyëtëpës mëti'ipës ëëts nnëë'ajtëpën; njuuynyëtëpës mëti'ipës ëëts nja'axy'ajtëpën.

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.

Hechos 8:20

Tääts ja Pedro y'ëtsoowë: Poky mijts m'itëty mëët yë mmeeny ëyoowtaknjoty, jä'ä ko xywyinmay xyjyuyä'äny mëti'ipë ja Dios nyayäjkpyën.

Proverbios 9:5

Min kaytyë ja ntsajpkääkyës ets min uuktë ja nëë mëti'ipës të nyaj'oyën.

Ezequiel 47:1

Ojtsës jatëkok ja ye'etyëjk xywyoownëjkxy ma ja tsajptëjk yajnitëkën. Ënätës n'ijxpaty ko japtëm ma akaj'ëjxën myuuty yë nëë, jam nyajtspëyë'ëkë xëëwpëtsëmtsyow, ma ja tsajptëjk nyajts'ixën. A'oytsyow ja nëë tnaye'ey ja tsajptëjk, ëpa'tkë'ëytsyow ma wintsë'këntyaknën.

Ezequiel 47:9

Maajaty jyä'tyën ya'atë nëë jyëkyejpy jam jyuuky'atëty oymyëti'ipë jëyujkëty ets jyëkyejpy jap nëëjoty tsyëënëtëty yë nëë jëyujk. Jä'ä ko ya'atë nëë ko muum jya'tëty ma ta'ampë nëëjën, pa'ak y'awinpita'any ets jyëkyäpëp jyuuky'atëty oytyiijëyujkëty.

Proverbios 9:1

Ja ixpëkyajtën ojts ja tyëjk tkojy, ets tpëjktäky wëxtujk yë nyixeny.

Isaías 1:19

Ko miitsëty xykyupëktëty ko mmëtowantëp, nëjkxëp mka'ayën m'ukën xypyaatë oyëtypë;