Isaías 54:8 - Biblia Dc en Mixe de Quetzaltepec

⁸ Koos yë joot'an xytyuktëjkëy poj'am, ojts nkuke'eky ets nwinwa'ktuty, e mëët ja tsojkën ja'awën xëmëkyëjxmëpë ojts jatëkok npa'ëyoy. Jëtu'un ja Wintsën y'ënä'äny, mëti'ipë yaj'ëwaatsëpëtsëëmpën.

Biblia Mixe de Quetzaltepec

⁸ Koos yë joot'an xytyuktëjkëy poj'am, ojts nkuke'eky ets nwinwa'ktuty, e mëët ja tsojkën ja'awën xëmëkyëjxmëpë ojts jatëkok npa'ëyoy. Jëtu'un ja Wintsën y'ënä'äny, mëti'ipë yaj'ëwaatsëpëtsëëmpën.

Isaías 54:8 ပူးပေါင်းရင်းမြစ်များ

Jeremias 31:3

jam jëkäm ma Israel ja'ayëty yajpaatën, jamës ojts nnäynyikëxë'ëkyë. Jëtu'un xy'ënëmaayës: ëjts xëmës mijts ntsoky njawë; paatykyëjxm tyampaat jëtu'unpë jot winma'any nyajnikëxë'ëkyës.

1 Timoteo 1:16

Paaty ja Dios të xypya'ëyoyës ets ja Jesukristë tyaj'ixëtëty ma ëjtsën ja myä'kxtujkën. Jëtu'untsës nyajnikëxë'ëky ma ja mëpëjkpëtëjkëtyën ko yajpaata'any ja juukyajtën xëmëkyëjxmëpë.

Isaías 60:10

Wiink ja'ay nëjkx ja mkajpn nnapotstë, ets wiink yajkutujkpë nëjkx mmëtunyë; oy yë Wintsën të m'ëk tukjoot'anpëkyë, tyam mtsojkëp ets mpa'ëyoowëp jatëkok.

Zacarías 1:15

Paatyës të ntukjoot'anpëky tääpë naax kajpn mëti'ipë ka'ap tii tmaytyën tajtën, mëti'ipë ojts ni'ikyë ja jotmay t'ixkukëtën maas ënety ëjts të njoot'anpëkyën.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Isaías 54:10

Oy ja tun kopk wya'ktëkatsëty, ets jyitëty, yë ntsojkënës nja'awënës ka'ap tyëkatsa'any ets nkäjpxytyu'unënës ka'ap kyëxa'any nyaxa'any. Yë'ë jëtu'un Wintsën ënaanp mëti'ipë mpa'ëyoowëpën.

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Dios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Isaías 48:17

Jëtu'un yë Wintsën y'ënä'äny, mëti'ipë myajpëtsëëmëpën ëyo'ontum, yë Dios wa'atspë jampë yajpaatyën ma Israel kajpnën: Ëjts jëtu'un Tios'ajtp mëti'ipë mWintsën'ajtypyën, yë'ë ntukni''ijxëp mëti'ipë mtuk'oy'atëpën, jam nwoownëjkxy ma ja tu'ujën mëti'ipë mëpaat xye'eyën.

Isaías 47:6

Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Isaías 8:17

Oy yë Wintsën jyanäyu'utsyë ma Jacob y'u'unk y'okën, ëjts je'eyëmës yë'ë ntuk'ijxpety. Jä'ä ko ma yë'ëjën jamës yë njotkujk'ajtën npaaty.

2 Tesalonicenses 2:16

Ja Wintsën Jesukristë ets Dios, mëti'ipë nteety'ajtëmën, yë'ë të xytsyojkëm ets jotkujk'ajtën të xymyo'oyëmë xëmëkyëjxm; tsojk nkukajpxëm nja'awëkyëtakëmë ko y'oywyinma'any të tyajkëxë'ëky,

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 45:15

E mijts Dios, ka'ap myaj'ixy, Dios mëti'ipë yajnitsokpyën yë Israel kajpn.

Salmos 103:17

Yë Wintsën yë tsyojkën jya'awën xëmë y'ity ma ja'ayën mëti'ipë mëmëtoowëpën ets wiinkutsë'këyëpën; yë tyiyajtën ka'ap nijëna'a kyixy ma ja'ayëtyën jënu'un nyajtsmin nyaskä'äxëtën.

Salmos 13:1

Wintsën, ¿Jëna'apaat ja'atyëkoy xyaj'ita'anyës? ¿Xëmëkyëjxmën ja'atyëkoy xyaj'ita'anyësë? ¿Jëna'a je'eyë mnäyu'utsa'anyë ko mijts niminëty?

Salmos 27:9

Këtiis xywyinkuyu'utsy. Këtiis xyjyëpëky xyjyëtuny a'äkë. Mijts xypyutëjkëpës. Këtiis nätyu'uk xy'ëxmatsëty kuwaankës, mijts nTios'ajtyp ets mijts xyajnitsokpës.

Salmos 30:5

Yë'ë tsojk'am yë tsyip y'äkë tmëët'aty, yë'ë y'oyjyot ijtëëp xëmë maapaat njuuky'ajtëmën. Pën jë'ëyëm yaxëm koots, komjëpom jotkujk nyajpaata'anëmë.

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Isaías 26:20

Paaty myaj'ënëëmëtë miitsëty naax kajpnëty, tëkëtë ma mjëën mtëjkëtyën ets ko ënety jap tëkoty myajpaatë tääts xyaj'ëtuktëty ja mtëjk. Jap wäänë mnäyu'utsëtëty koonëm ja Wintsën ja tsyip y'äkë nyaxëty.

Isaías 40:27

Israel, Jacob yë nyaax kyajpn, ¿wi'ix ko mijts m'aak'ëxëëkja'ap winë? ¿Wi'ix ko m'ëna'any: Yë Wintsën ka'ap t'ixy wi'ixës njaty nkëpetyën, yë Dios tii tkëwentëty oyës wi'ix njatëty nkëpätëty?

Isaías 49:10

Ka'ap nëjkx yuu nëëtëtsë xymyëët'atë, oy mëk y'anëty, miitsëty ka'ap mni'ana'antë, jä'ä ko ntsojktëp nja'awëtyëp ets nwoownëjkxantëp ma ja nëë myuutyën.

Isaías 49:13

Janty xoontaktëp, janty ëëw janty yaxtëp jam tsajpjotm, näjyëtu'un naaxwiiny naaxkëjxy, jää'ajtp ja akujkajtën jotkujk'ajtën. Jam tunkëjxm kopkkëjxm wä'än jam t'ëwtë tya'axtë, jä'ä ko tëë ja Wintsën ja nyaax kyajpn tyajtso'oky ets të tyajjotkujkë, tëë tuknipëjktaakë ko tpa'ëyowa'any ja ëyoopëja'ay.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Isaías 64:7

Ka pën mkamëkäjpxyë ets ni pën kya'ëna'any jamës näkyuwanëja'anyë ma mijtsën; paaty je'eyë të mnäyu'tsënë etsës të xy'ëxmajtsnëtë ko je'eyë ëxëëkpë ntuntë nkajpxtës.

Jeremias 33:26

nijëna'ajës nka'ixtija'any yë Jacob ets ntuunpës David yë y'u'unk y'ok, ka'apës nijëna'a ntu'u'ëtuka'any yë Abraham, Isaac ets Jacob y'u'unk y'ok ets yajkutuktëty. Jä'ä ko npa'ëyoowtëpës paaty jatëkok nyajjotkujkëja'antës.

Jeremias 51:5

Jä'ä ko yë Israel ja'ayëty ets Judá ja'ayëty, tëë pyokytyuntë mëjwiin këjää ma naax kajpnën, ëjts Wintsën mëti'ipë maaytyääyëpën winë, mëti'ipë yë Israel ja'ay Tyios'ajtypyën, ka'apës tu'ukyë yë Israel ja'ay nja'atyëkoytyë.

Habacuc 3:2

Tëkokyë yë m'aaw m'ayuk mëti'ipës të nmëtoyën, Wintsën ets mëti'ipë të xytyunyën, nmëjja'ap nkënu'kxyjya'apës mëjwiin këjää. Näyjyëtu'un ënät tyam winë tun maas yë njuukyajtënëtyën, jëtu'un tä tëëyëp winë xytyuunyën ets nijawëtëtyës. Tuk'ijxtëk ëëtsëty ko mijts mëët'ajtyp yë pa'ëyo'owën najts'ëyo'owën oy jënu'un mjajoot'anpëky.

Zacarías 1:16

E paaty n'ëna'anyës, ëjts Wintsën: Mpa'ëyoopyës ja Jerusalén kajpn, paatyës yam nyajkutukäämpy ets ja tsajptëjk ets ja naax kajpn jatëkok yajkoj o'oyëtya'atëty.

Zacarías 10:6

Jëtu'un yë Wintsën y'ënä'äny: Ëjts nmëjaaw mo'ojäämpy yë Judá ja'ayëty ets nyajtso'oka'antës yë José y'u'unk y'okëty. Nwoownëjkxäämpyës jatëkok ma nyaax kyajpnëtyën, jä'ä ko npa'ëyoowtëpës yë'ëjëty. Jëtu'unës jatëkok nyaj'ita'antë tä jeexyë ka'ap nijëna'a të ntukjoot'anpëktënës, jä'ä ko ëjts Wintsën mëti'ipë Tios'ajtpën, nmëtoow'ijtypyës wi'ixës pën xymyëkäjpxyën.

Salmos 103:4

Mëti'ipës yë njuukyajtën yajtsokpyën muum o'këntuuy, ets mëti'ipës jotkujk xyaj'ijtpën mëët yë tsojkën ja'awën,

Ezequiel 39:29

Ka'apës nëjkx njëxk n'ëkja'atyëkooyëtë, jä'ä ko tëëjës yë nmëjajtën nyajnaaxkëtä'äky ma Israel kajpnën. Ëjts Wintsën, ëjts ënaanp.