Isaías 54:7 - Biblia Dc en Mixe de Quetzaltepec

⁷ Wäänë nätyu'uk n'ëxmajtskojy, nwowäämpy jatëkok mëët tu'uk ja oy jot oy winma'any ets tu'ukyë n'ijtmëty.

Biblia Mixe de Quetzaltepec

⁷ Wäänë nätyu'uk n'ëxmajtskojy, nwowäämpy jatëkok mëët tu'uk ja oy jot oy winma'any ets tu'ukyë n'ijtmëty.

Isaías 54:7 ပူးပေါင်းရင်းမြစ်များ

Salmos 30:5

Yë'ë tsojk'am yë tsyip y'äkë tmëët'aty, yë'ë y'oyjyot ijtëëp xëmë maapaat njuuky'ajtëmën. Pën jë'ëyëm yaxëm koots, komjëpom jotkujk nyajpaata'anëmë.

2 Pedro 3:8

Mëku'uktëjkëty, ja'amyätstë näjyëtu'un, ko ja Dios, tu'kxëëwpë, tu'uk mil jëmëjtën tyajnaxy; ets ja tu'uk mil jëmëjtpë tu'kxëëwën tyajnaxy.

Miqueas 4:6

Jëtu'un yë Wintsën tnikäjpxy: Jä'ä xëëw nëjkx nyajmujkta'ayës yë nkupixynyës, mëti'ipës ënety të ntëytyunyën: Mëti'ipë të yaj'akajpxtuktën, mëti'ipë të y'ënu'kxëtën ets mëti'ipë të y'aye'ey të y'anaxëtën. Mëët yë'ëjëty, mëti'ipë ënety niwäänë të wyë'ëmtën, yë'ëjës mëët tu'uk yë naax kajpn mëjpë nkoja'any. Ëjts Wintsën, ëjts n'ënä'ämäämpy yë nnaax nkajpnës jam ma Sión kopkën, tyam ets xëmëkyëjxm.

Isaías 26:20

Paaty myaj'ënëëmëtë miitsëty naax kajpnëty, tëkëtë ma mjëën mtëjkëtyën ets ko ënety jap tëkoty myajpaatë tääts xyaj'ëtuktëty ja mtëjk. Jap wäänë mnäyu'utsëtëty koonëm ja Wintsën ja tsyip y'äkë nyaxëty.

Isaías 60:4

Ijxë'ëk koowë'ëk ets ijx'ëwtit mwintuuy mpë'aay: Aak tu'ukmujktaaynyëtëp yë ja'ayëty ets mnimiinëtëp. Jëkämpaat muum ja m'u'unk ëna'k tsyo'onëtë; ets ja mnëëxëty jëtu'un myintë tä jeexyë yajtsään yajkontën.

Deuteronomio 30:3

Ja Wintsën nëjkxëp mpa'ëyowëtë ets myajjotkujkta'akëtë, nëjkxëp jatëkok myajtu'ukmukëtë oy ënety muum mtimyajpaatë,

2 Corintios 4:17

Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Isaías 56:8

Ëjts nëjkx nyajmujkta'ay ja ja'ay mëti'ipë ënety jam muum yajpatëpën wiink naax wiink kajpn tsumy matsy. Wintsën jëtu'un ënaanp, mëti'ipë të tuknipëjktaakën ets ja Israel ja'ayëty tyu'ukmujkta'atëty mëti'ipë të yajpaatën axit ako'owë.

Ezequiel 36:24

Nyajtso'onta'ajantëp yam ma tääpë naax kajpnëtyën; nyajtu'uk mujkta'ajantëp ets jatëkok nyajwinpita'antë ma mkë'ëmnaax mkë'ëmkajpnëtyën.

Isaías 60:10

Wiink ja'ay nëjkx ja mkajpn nnapotstë, ets wiink yajkutujkpë nëjkx mmëtunyë; oy yë Wintsën të m'ëk tukjoot'anpëkyë, tyam mtsojkëp ets mpa'ëyoowëp jatëkok.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Isaías 27:12

Jä'ä xëëw ja Wintsën nëjkx ja myëj'ajtën tyaj'ixyë, tyimtso'ontä'äky jam Éufrates ets tyimja'ty jam Egiptë. Jëtu'un tuna'any tä ja'ay tsajpmok tyajpajk'atyën; je'eyëp ko miitsëty Israel ja'ayëty tu'ukjaty nëjkx myajwinwoptë.

Salmos 106:47

Yajtsoktëkës ëëtsëty, Wintsën, mijts mëti'ipës nTios'ajtëpën. Yajmujktëk ëëtsëty jënu'un nyajpaatënës naaxjoty kajpnjoty, ets ja mxëëw wa'atspë nwin'ëw nwinya'axtëtyës ets mëët yë xoontakën myajmëjpëjkta'akëty.

Efesios 1:10

Jatëp jëtu'un wi'ix të tuknipëjktaakën ko ja xëëw tpaatëty ets tukë'ëtëjkëtya'aja'any ja Kristë mëti'ipë tsajpjotm ijtpën ets mëti'ipëjaty ijtpën naaxwiiny.

Isaías 49:18

Ijxë'ëk ets xy'ixëty wi'ix ja ja'ay ye'eymyuktën ets mniminyën. Ëjts Wintsën, njuukyajtënës ntukajpxpejtyp, ko tu'kë'ëyë yë'ëjëty jëtu'un tä kë'ëjiitsën, nantsëmën ets kujänën mëti'ipë yë to'oxytyëjk nätyuk'oytyuunëpën ko pyëka'any.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

Isaías 11:12

Tääts tpëjkta'aka'any tu'uk yë ijxpäjtën ma ja naax kajpnën ets tyajtu'ukmujkta'aja'any ja ja'ay mëti'ipë ënety ja myëtsip të yajnëjkxyën wiink naax wiink kajpn tsumy matsy; tyajmujkta'aja'any naaxwiinyëtë apëtsëmy ja Judá ja'ay mëti'ipë xit ko'ow yajpatëpën wiink it wiink naaxwiinyëtë.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

Isaías 14:1

Ja Wintsën nëjkxëp jatëkok nijootwinpity ja Jacob ja y'u'unk y'ok ets nëjkx jatëkok t'u'unkniwa'any. Ja Israel ja'ayëty nëjkxëp jatëkok jam tsyënaaytyaknpëktë ma ja nyaax kyajpnëtyën. Ja jaaypyaat jaaypyo'kxy nëjkxëp nyimin nyija'tëtë ets nëjkx jam tsyëënëtë ma yë'ëjëtyën.

Isaías 27:8

Ko yë Dios yë nyaax kyajpn të yajjoot'anpëkyë, je'eyë wiink kajpn të tnajtskäxë, je'eyë ojts yë nyaax kyajpn tuk'ëxmatsy ijxtëm tu'uk yë pu'uxm pyojke'ekyën, ijxtëm tu'uk pu'uxm wyimpapojyën mëët jëënpoj mëti'ipë tso'onpën xëëwpëtsëmtsyow.

Isaías 49:13

Janty xoontaktëp, janty ëëw janty yaxtëp jam tsajpjotm, näjyëtu'un naaxwiiny naaxkëjxy, jää'ajtp ja akujkajtën jotkujk'ajtën. Jam tunkëjxm kopkkëjxm wä'än jam t'ëwtë tya'axtë, jä'ä ko tëë ja Wintsën ja nyaax kyajpn tyajtso'oky ets të tyajjotkujkë, tëë tuknipëjktaakë ko tpa'ëyowa'any ja ëyoopëja'ay.

Isaías 49:21

Ets nëjkx mmay mtajy: Ixës tyaapë n'u'unk nmaay may të ntimyajmooynyë. Ëjts ka'apës ijty u'unk ëna'k nmëëtëty; ëxwopy ixkexyës të n'ity ets ijxtëkoy ja'atyëkoy, ¿wi'ixës yë n'u'unk n'ëna'k të yä'knëtë? Nnätyu'ukës xëmë të nyaj'ixmatsy, ¿wi'ixën të myiinëtë n'u'unk n'ëna'kës?

Isaías 50:1

Jëtu'un ja Wintsën y'ënä'äny: Miitsëty këtii m'ëna'antëty ko paatyës ja Israel kajpn të n'ëxmatsy, mëti'ipë miits mtaak'ajtëpën ëkë paatyës të ntooky ma wiink kajpnën jä'äkyëjxm koos ënety pën nmënu'kxy'äty. Miitsëty paaty të myajtooktë wiink naax wiink kajpn jä'äkyëjxm ko të mpokytyuntë; ja Israel kajpn paaty të yaj'ëxmatsy jä'ä ko miitsëty je'eyë të mkäjpxykyumëtoownaxtë.

Isaías 62:4

Ka'ap nëjkx m'ëk yajtijnë Tëë yaj'ëxmatsy ets ka'ap nëjkx mnaax mkam y'ëkyajtijnë Tëë kyutëkoy, yë mxëëw jä'ä nëjkx yajtijy Ëjts Ntsojkën, ets mnaax mkajpn jä'ä nëjkx yajtijy Ëjts Nto'oxytyëjk, jä'ä ko mijts yë Wintsën ni'ik mtsojkën'ajtëp, ets yë'ë jëtu'un itaanp tä mniye'etyëjkën ma mnaax mkajpnën.

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Jeremias 51:5

Jä'ä ko yë Israel ja'ayëty ets Judá ja'ayëty, tëë pyokytyuntë mëjwiin këjää ma naax kajpnën, ëjts Wintsën mëti'ipë maaytyääyëpën winë, mëti'ipë yë Israel ja'ay Tyios'ajtypyën, ka'apës tu'ukyë yë Israel ja'ay nja'atyëkoytyë.

Lamentaciones 3:31

Yë Wintsën ka'ap tu'ukyë xyjyä'äytyëko'omyëty.

Salmos 30:6

Ëjts jotkujkës të näjyawëty, ets të nmay të ntajyës: Ni pënës ëjts ëxaty xykyatun xykya'ënëëmëty.

Salmos 107:3

ets mëti'ipë ojts tyajtu'ukmukyën ma ënety yajpaatën xit ko'ow wiink naax wiink kajpn, anëkëjxytsyow, ëpa'tkë'ëytsyow, a'oytsyow ets anajnytsyow,

Lamentaciones 3:32

Oy xy'ëkyaj'ëyo'owmëty, xypya'ëyo'owmëp jatëkok, jä'ä ko tsyojkën jya'awën mëj këjää ni'ik.