Isaías 54:14 - Biblia Dc en Mixe de Quetzaltepec

¹⁴ Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Biblia Mixe de Quetzaltepec

¹⁴ Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Isaías 54:14 ပူးပေါင်းရင်းမြစ်များ

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Zacarías 9:8

E ëjts a'ijxp jëjp'ijxp nyajpaata'anyës ets nkuwa'ana'anyës mëti'ipës njä'ä'ajtypyën, ka'apës yaa pën nyajnaxa'any. Yë ja'ay mëti'ipë tëytyunaanpën ka'ap nëjkx y'ëktëytyuunë, jä'ä ko ëjts nkëwent'atanëpës yë nja'aynyë.

Zacarías 8:3

Wimpitaanpës jam Jerusalén, etsës jam ntsëënëja'any. Ënet nëjkx yë Jerusalén kajpn yajtijy kajpn mëti'ipë wyintsë'këpën ja Dios, e ja kopk mëti'ipë jyä'ä'ajtypyën ja Wintsën mëti'ipë maaytyääyëpën winë, jä'ä nëjkx txëëwaty wa'ats kopk.

Isaías 9:4

Jä'ä ko mijts të xyajjëwä'äky ja nätyiytyunë, ja ëyo'owën jotëko'oyën ets ja monyëtukyë ma ënety ja wintsëntëjkëty o'ktëy y'ëtë'ëtstën y'ëna'antën, ijxtëm jam Madián tëkok jyäjty kyëpejtyën.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 1:26

Jä'äjës ntsoky ets jatëkok xymyëët'atëty m'ënä'ämpë mkutujkpë ijxtëm ijty tëëyëpën, xymyëët'atëty jatëkok mëti'ipë mnajts'ëw mnajtskajpxëtëpën. Koos ënety jëtu'un të ntuny tääts nëjkx jatëkok myajtijy Oykyajpn Wa'ats Kajpn.

2 Pedro 3:13

E yë'ëts njëjp'ijxmëp jempyë tsajp, jempyë naax mëti'ipë Dios të twaantä'äkyën, ma tu'kë'ëyë winë oy ets mëtëy tyu'uye'eyën.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 45:24

ets y'ëna'ana'antë: Yi'iyë tu'uk yë Wintsën yajmëtakp, yë'ë nätyu'uk mëk'ajtën myëët'ajtyp. Tëkokyë nu'unës ënety xymyëtsip'atën, nëxi'iky tukxi'iky wyë'ëma'antë.

Isaías 2:4

Yë'ë nëjkx ja nëë poky tnipaye'ey maajaty ja naax kajpn yajpaatyën, yë'ë nëjkx tyaj'oyë ja jëën tsip ma ja naax kajpn tsyiptuntën. Ja tëypyujxn mëti'ipë tyuktsiptuuntëpën je'eyë nëjkx yajtukyu'uy, ja kyu'umënëty ujts nëjkx yajtuktsujkmuky; nimëti'ipë kajpn nëjkx ja myëku'uk tka'ëknipëtë'knë ka'ap nëjkx y'ëkkopkpëky'ajnë ja'ay tjatëty wi'ix tsyiptunëtyën.

Jeremias 31:23

Yë Wintsën mëti'ipë maaytyääyëpën winë, yë Israel ja'ay yë Tyiosëty, yë'ë ënaanp: Ko ënety nyajtëkajtsës yë Judá ja'ay yë jyuuky'ajtënëty ets ko ënety jam jatëkok yajpaatë ma nyaax kyajpnëtyën, jëtu'un nëjkx y'ëna'antë: Yë Wintsën kyënu'kxëp ya'atë tun kopk wa'atspë ma jyää'atyën mëtëypyë nipaye'eyën.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Isaías 51:13

¿Wä'än jëtää xyjyä'äytyëkoyëty ja mWintsën mëti'ipë të myajkojyën mëti'ipë ojts yë tsajp twijtstëyën ets tyajta'tspëjkyën ja naaxwiinyëtë? ¿Tii je'eyën xëmë mtsëyuyä'änyë janaam jatsojk, ko ëxëëk mtunyë ja kumeenyjyä'äytyëjk, mëti'ipë jëjp'ixy yajpatëpën ets myaj'ooka'anyë?, ¿Maajën të nyijkxy ja m'ëwa'an'at?

Isaías 1:27

Mëëtës ja ntëyajtën ets ja oypyë ja ntu'unënës nkajpxënës, nyajtso'okäänpyës jatëkok yë Jerusalén ja'ayëty, ets xynyimintëtyës.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Isaías 14:4

ya'atë nëjkx xy'ixy ets jëtu'un xynyëxi'ik xytyukxi'ikëty ja Babilonyë ja'ay mëti'ipë ënä'ämp yajkutujkpën: Ixtë wi'ix o'ktëy ja ënä'ämpë yajkutujkpë jyäty kyëpetyën. Ix wi'ix të jyajnë ja mëti'ipë ijty nämyëjja'aw näjyääntyjya'awëyëpën.

Isaías 16:4

Wä'än jam ma mnaax mkajpnën tkäktso'oktë yë ja'ayëty mëti'ipë käkpëtsëëmtëpën jam Moab. Mijts jëtu'un näpyëjkta'akët yu'tstaknën ma ja'ayëtyën mëti'ipë yajpapooytyëpën.

Isaías 26:2

Yaj'ëwa'atstë ja tëjk'aaw, wä'än tnaxtë ja naax kajpn mëti'ipë mëtëy winë tyuuntëpën ets mëti'ipë ka'ap pën nyätyukwin'ëënëtën.

Isaías 33:18

Ko ënety jëna'a xyjyä'äymyetsy wi'ix ojts ja atsë'ëk ajawëpë xyajnaxyën, ënät nëjkx m'ëna'any: ¿Ma ënät tyam ja ja'ay mëti'ipë ijty yajkëpäjtpën? ¿Ma ënät tyam ja mëti'ipë ijty y'ijxyp tyuunpyën wi'ix ja meeny yaj'yäkyën ets wi'ix tyunyën? ¿Ma ënät tyam ja mëti'ipë ijty myëtyoowtääpyën ja mëjëtypë këjxmëtypë ja potsy?

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënety të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënety ëxëëk të mjaty të mkëpety ko mku'o'kë,

Isaías 60:18

Ma mnaax mkajpnën ka'ap nëjkx nijëna'a y'ëkyajmëtoownë jëën tsip, ka'ap nëjkx naax kajpn y'ëkkutëkooynyë ets xit ko'ow y'ëkjajnë; jä'ä nëjkx ja mpotsy yajtijy yajnitsokpë ets ja mtëjk'aaw mëjpëjktakën.

Isaías 62:1

Mëët ko ntsoky njawë mijts Jerusalén kajpn, ka'ap tjëkyepy amonyë n'itëtyës; mëët ko ntsoky njawë mijts Jerusalén kajpn, ëjts ka'apës npo'kxa'any koonëm n'ixëtyës ko ënety jëtu'un tyi'kxy jyäjy tä xyiintyä'äky jyajtä'äkyën, mëët ko ënety të mmëtä'äky, ets koonëmës n'ixëty jëtu'un tyi'kxy jyäjy ja nitsokën tä jëënyä'änkën.

Jeremias 30:20

Yë Israel ja'ayëty nëjkxëp jyotkujkëtë tä ijty tëëyëpën; mëk nëjkx yë nyaax kyajpn y'itë ëjts nwintuuyës, ëjts kë'ëm ntëytyunäämpy mëti'ipë ëxëëk tuunëpën ets yaj'ëyoowëpën.

Proverbios 3:24

Ko mpo'kxëty, ka'ap tii xytsyë'ëkëty xyjyawëty; ko mnäkyo'okëtëty akujk jotkujk mma'a mpo'kxëty.

Isaías 32:17

Ja oypyë ja nänyipaye'eyën nëjkxëp tyajjää'aty ja jotkujk'ajtën, xeemyajtën ets oyajtën xëmëkyëjxmëpë.

Oseas 10:12

Tëë n'ënëëmëtës: Yë'ë oypyë nipaye'eyën ni'iptë ets xyajmuktëty yë nätsyok näjyawë. Nipëjktaakëtë yë naax ets xynyi'iptëty jemypyë tëëmt, jä'ä ko yë'ë nyixëëw'ajtyp ets Wintsën yaj'ijxta'ajëty, koonëm tyajminëty ja nitsokën ma miitsëtyën tä nëë tuujën.