Isaías 54:11 - Biblia Dc en Mixe de Quetzaltepec

¹¹ Mijts naax kajpn ka'apë mjotkujk'atyën, ma ëxëëk mjaty mkëpetyën mëët ja mëktuupoj, ma ka'ap pën mniminyën ets jeexyë myajjotkujk'atyë. Ëjts n'oytyunäämpy yë mtëjk, yë'ëjës ntuk'ëjx'atäämpy yë juuntsaa; ets tsuxktsaajës ntukpojtsë'ëkäämpy;

Biblia Mixe de Quetzaltepec

¹¹ Mijts naax kajpn ka'apë mjotkujk'atyën, ma ëxëëk mjaty mkëpetyën mëët ja mëktuupoj, ma ka'ap pën mniminyën ets jeexyë myajjotkujk'atyë. Ëjts n'oytyunäämpy yë mtëjk, yë'ëjës ntuk'ëjx'atäämpy yë juuntsaa; ets tsuxktsaajës ntukpojtsë'ëkäämpy;

Isaías 54:11 ပူးပေါင်းရင်းမြစ်များ

Jeremias 30:17

Nyajtso'okäämpy nyaj'akëta'akäämpy jatëkok, nyajtsooypyätäämpyës ja mtsëtyut, oy jënu'un yë mmëtsiptëjk jya'ëna'antëty: Yë Sión kajpn tëë yaj'ëxmajtsnë, ka'ap pën y'ëkmëmaay y'ëkmëtajënë. Ëjts Wintsën, ëjts ënaanp.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

1 Crónicas 29:2

Ëjts tëëjës yajxon mëk nyajnimëjaawtä'äky ets të mpata'ayës winë mëti'ipëjaty tunaanpën ma kyoja'anyën ja Wintsën ja jyëën tyëjk: Pu'tspujxn, poop pujxn, tsuxkpujxn, juunpujxn, kepy, tsaa. Tëës näjyëtu'un npaaty oytsyaa mëti'ipë tsuxk, tsapts ets mëti'ipë tunaanpën ma mëët wiinkëtypë yajxëpina'anyën.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Ezequiel 10:1

Ënätës të n'ixy jam niwits nijuux nëkëjxm mëti'ipë yajpatpën ma ja kyëpajkëtyën ja tsajpjotmëtë kukäjpxy, tu'uk yë kutujkëntakn aak tsuxk uky tsyaa mëët y'oytyunyëty.

Isaías 54:6

Mijts jëtu'un ojts mjaty mkëpety tä tu'uk to'oxy'ëna'k yajnike'ekyën mëti'ipë naanpëkën, e yë Wintsën yë'ë jatëkok të mmëkäjpxyë ets të m'ënë'ëmxëty:

Isaías 51:21

E paaty ënät mijts naax kajpn, ka'apë mjotkujk'atyën, mëtoow'it ya'atë aaw ayuk, ma myajpaatyën tä amu'ukyë ja'ayën ets ka'ap m'uuky.

Isaías 49:14

Jëtu'un ënety ja Sión y'ënä'äny: Tëës yë Wintsën xymyajtstutnë ets tëëjës xyjyä'äytyëkooynyë.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënety tyukjotkujk'ajtypyën, nëjkxëp jam tpaaty ja po'kxtakn.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Salmos 34:19

Yë ja'ay mëti'ipë oy juukyajtpën kanaakpëky yë ëxëëkpë tmënaxy tyajnaxy, e yë Wintsën yë'ë putëjkëyëp ma tëkokyë ëxëëkpën.

Efesios 2:20

Jëtu'un miitsëty ijxtëm ja potsyën; ets ja ijxpëjkpëtëjk ets ja Dios ja kyäjpxynyajxpëtëjk jëtu'un ijxtëm ja potsy ëjxën; ja Jesukristë yë'ë jëtu'un ijxtëm ja tsaajën mëti'ipë ja potsy myëtënääpyën.

Mateo 8:24

Ënet ja mëkpoj ajotkumonë myiiny jam mejyjyotm. Ojts ja kepy nëëwinye'epyë y'ujtsta'ay mëët ja nëë. Maap ënety ja Jesús.

Ezequiel 1:26

Jam niwits nijuux nëkëjxy jëtu'unës të n'ixy jam yowë yë po'kxtakn ma yajkutujktaknën, yë'ë mëët y'oytyunyëty yë tsuxk uky tsyaa; e ma tääpë kutujktaknën jam tu'uk yë ja'ay yaj'ixy.

Lamentaciones 1:21

Njamëtoowtëp yë ja'ayës koos n'ëjy ntu'uky, je'eyëp ko ni pënës xykyaniminy mëti'ipës xyajjotkujkta'akëpën. Nyija'awëtyääytyëp yë nmëtsipës koos o'ktëy njaty nkëpety ets nmëtsipës je'eyë xyoontä'äky ko tnijawë'aty mijtsës xytyuunp. Yajmin ja xëëw po'o mëti'ipë të xynyikäjpxyën ets wä'än näjyëtu'un tjatë tkëpätë tä njaty nkëpetyën.

Isaías 51:23

Yë'ëjës nmo'ojäämpy yë ja'ayëty mëti'ipë ëxëëk të mtunyën, mëti'ipë ijty m'ënëmaayëpën: Xii naaxkëjxy nekyo'okët, wä'änës jam nkëxye'eytyë; ets ojts mnäkyo'okyë tää myaj'ate'eny myajtukte'eny naaxwayën.

Cantares 5:14

yë kyë'ë jëtu'un yë'ë tä pu'ts pujxnën mëti'ipë winë yajtuknipijtpën, mëti'ipë pu'ts tsaa mëët nyikoyëtyën; yë jyot nyini'kx jëtu'un kyëxë'ëky tä yë elefantë pajkën mëti'ipë yajxon të yajnitsetsy të yajnixeeyën ets të yajtukputsayë yë tsuxk uky tsyaa;

1 Reyes 5:17

Ja yajkutujkpë ojts tni'ënä'ämë ets ja'ayëty tmëja'tëty ja oyëtypë ja tsaa ets tsowëtypë mëti'ipë tsajptëjk yajtukkojëpën ja nyipotsy'ëjx.

Deuteronomio 31:17

E ëjts nëjkxëpës ja ntukjoot'anpëktë ets nëjkxëpës n'ëxmajtsnëtë, tiijës n'ëkmëmaay n'ëkmëtajnëp, tyam ja ëyo'on jotmay ma yë'ëjëtyën ni'ikyë nëjkx myëjwiinë kyëjääjë ets koonëm y'ëna'antëty: ¿Këtii jëtäätën yë'ëkyëjxmëty yam o'ktëy tjajtëmë ko ja Wintsën ka'ap y'ëkyajpatnë ma ëëtsajtëmënë?

Éxodo 24:10

Jam ojts ja Dios t'ixtë mëti'ipë yë Israel ja'ay Tyios'ajtëpën, ojts yë tyeky tyajnaaxkëtä'äky ets jëtu'un yaj'ijxy yë'ë yowë tyukte'empy yë wa'kpäjn mëti'ipë oytyunyën mëët yë tsaa mëktsuxkpë ets jëtu'un tyi'kxy tä tsajp jyäjyën.

Éxodo 3:7

e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Éxodo 3:2

Jam ojts yë Dios yë kyukäjpxy nyänyikëxë'ëkyë tä tu'uk yë jëënën, jëtu'un yaj'ixy toopy yowë jam ma zarsa kepyën. Ënet yë Moisés yajxon tja'ijxwa'atsany ja jëën mëti'ipë jam yä'ämpën kepykyëjxm, e ja zarsa kepy ka'ap tii jyätyë ets ka'ap tyoy.

Éxodo 2:23

Jëtu'un nyäjxy ja xëëw po'o, ja yajkutujkpë mëti'ipë ënety jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënety jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Dios ojts tmëtoow'ity ko jap Israel ja'ayëty jyë'ëtë ya'axtë.

Isaías 60:15

Ka'ap nëjkx naspëk nastunë m'ëk ijnë ets ka'ap nëjkx pën m'ëk ëxëëk'ijxënë; nän ka'ap nëjkx nätyu'uk m'ëkmoon m'ëktujknë, ëjts mijts nyaj'itäämpy xëmë, tsuj xoontä'äky ets jotkujk nëjkx y'itë ja m'u'unk m'ok.

Job 28:16

Ka'ap tjëkyepy ntukuju'uymyëty yë pu'ts pujxn oypyë yaj'ixyën ets ka'ap tjëkyepy yajtukjuyëty yë uky tsyapts tsaa ets tsuxk uky tsyaa.

Isaías 44:28

Jëtu'unës n'ënëëmë yë Ciro: Tyampaat ka'ap ënety maa të yajnijawë'aty yë Ciro xyëëw, mëti'ipë jam Persië yajkutujkpën, oy muum pën të tjanimëtyä'äky. Mijts yë'ë mtunëp mëti'ipës ëjts ntsojkpyën xytyunëty. Yë Jerusalén kajpn jëtu'unës n'ënëëmë: mijts myajkoj'oyëjaanp jatëkok, yë mtsajptëjk nëjkxëp jatëkok yë nyipotsy ëjx tya'tspëky.

Isaías 54:12

ma tsaajën mëti'ipë yajtijpën rubí jamës yë mëjpotsy npojtsë'ëka'any mëti'ipë pya'tänëpën ja mtëjk, ets mtëjk'akaj yë'ëjës ntukpa'tänëjäämpy yë berilë tsaa, ets mnapotsy yë'ëjës ntuk'oytyunäämpy yë oyëtypë tsaa.

Miqueas 7:11

Jerusalén, pyätyp jatëkok ja xëëw po'o ma ja mpotsy yajkoj'oyëtyën ets ja mtsëpa'an nyaaxkëta'akëty.

1 Reyes 6:30

Ojts näjyëtu'un tnikooyta'ay ja nyiye'eypyäjn ja tëkot ets ja tëja'aw.

2 Crónicas 3:6

ojts tukpiw tukma'kxë yë oyëtypë tsaa. Ja pu'ts pujxn mëti'ipë yajtuuntën aakjä'ä oyëtypë.