Isaías 53:3 - Biblia Dc en Mixe de Quetzaltepec

³ Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Biblia Mixe de Quetzaltepec

³ Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Isaías 53:3 ပူးပေါင်းရင်းမြစ်များ

Salmos 69:29

E ëjts, maas npëkyë n'ixyën ets maas mon tuk nyajpaatyën, yajpëtë'kës, Dios mëti'ipës nTios'ajtypyën, yajtsokës.

Salmos 88:4

tyam jyëkyäjpnëp pën y'ëna'anëty ko ookyës nyajpatnë, jä'ä ko tëës ntimmyëjaawkëxy näjyawëty.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 50:6

Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

Isaías 52:14

Jëtu'un ijxtëm mayjyä'äy pya'ëyoowën ko ojts ja wyiin jyëjp tyëkajtstaaynyë ko y'o'knë ets ka'ap y'ëkyajja'ay'ijxnë,

Isaías 53:10

Ja Wintsën ojts mëk yaj'ëyoyë mëët ja pëjkën ijxën. E yë'ëkyëjxm ko nyäkyë'ëyajkë tä tu'uk wintsë'kënën, winë xëëw winë jëmëjt jyuuky'ata'any ets y'ixäämpy ja y'u'unk y'ok, mëët yë'ëkyëjxm nëjkx oy wyimpëtsëmy jyëjpëtsëmy mëti'ipë ja Wintsën të tuknipëjktaakën.

Isaías 53:4

Yë'ë ojts tmënaxy tyajnaxy ja n'ëyo'on'ajtëmë, ojts tmë''ëyoy yë mpëjkën'ajtëmë, ëëtsajtëm jëtu'un ojts nma'ayëm ntajëm ko Dios yë'ë yajtsëtyujtëp ets yë'ë o'ktëy tuunëp.

Miqueas 5:1

Mijts Jerusalén kajpn, yajtu'ukmuk jatëkok yë mtsiptuunpëtëjk ets mnäkyuwa'anëtëty, jä'ä ko tëë yë mnaax mkajpn nyatuky, yë'ë mëk tyiytyunantëp mëti'ipë jam ënä'ämpën ma Jerusalén kajpnën.

Zacarías 11:8

Tu'kpo'o je'eyë të nyäxy nitëkëëk jää të n'ëxwopyës yë kupixyny këwent'ajtpë mëti'ipë ënety yë nmä'kxtujkënës të tyajkëxyën ets mëti'ipë xy'ëxëëk'ijxpënës.

Mateo 26:67

Ënet twintsujë'ktë ets twintäx tjëjptäxtë, twinpojts t'apojtstë,

Mateo 27:63

ets t'ënëmaaytyë: Yajkutujkpë, yë'ë ëëts nja'amyäjtstëp ko tääpë win'ë'ënpë ojts y'ënä'äny ma ënety jyaak juuky'ätynyëmën, ko kom tëkëëk xëëw jyuukpyëka'any.

Marcos 10:33

Ets t'ënëmaay: Jerusalén tyam npa'tëjkëmë, ma ja Naaxwiinyëtë ja'ay ja y'U'unk yajkë'ëkyaka'anyën ma ja teety wintsëntëjkëtyën ets tsajptëkotyëtë yaj'ijxpëjkpëtëjkëtyën; yë'ë yakutukantëp ets y'ookëty ets tukë'ëkëja'antë ja ja'ay mëti'ipë ka'ap jyutiisëty.

Marcos 10:34

Ets nëxi'ika'an tukxi'ika'antë, twintsuj'an tjëjptsuja'antë, ets tyaj'ooka'antë; je'eyëp ko, kom tëkëëk xëëw jyuukpyëka'any.

Marcos 14:34

ënät t'ënëmaay ja y'ijxpëjkpëtëjk: Këjxpës yë n'aaw njot mëët yë jotmay mëpaatëpës n'o'knë. Yaa miits wë'ëmtë ets juuky itë.

Marcos 15:19

Ojts ja kepy tukuwojpë'ëktë, ojts nitsujëtë, ojts nëxik tukxiktë, twinkoxtänëtë ets nyätyijyë t'ëwtajtë.

Marcos 9:12

Ënet ja Jesús y'ëtsooy: Mëtëy yë'ë, jëwyiin yë Elías myina'any ets tu'kë'ëyë tyaj'o'oyëtya'aja'any winë. ¿E tii ko ja Dios ja y'ayuk y'ënä'äny koos ëjts n'ëyo'onpaata'any ets ko ka'apës nyajkupëka'any?

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Lucas 8:53

Ets ja Jesús tukxiktë, nyija'awëtëp ko tëë ja Jairo ja nyëëx y'o'knë.

Lucas 9:22

Ets t'ënëmaay: Yë naaxwiinyëtë ja'ay y'U'unk mëk y'ëyowa'any; ka'ap yë mëjja'aytyëjk, teety wintsëntëjk ets ja tsajptëkotyëtë yaj'ijxpëjkpëtëjk kyupëka'anyë. Yaj'ookantëp, je'eyëp ko kom tëkëëk xëëw jatëkok jyuukpyëka'any.

Juan 11:35

Ënet ja Jesús yäxy.

Juan 8:48

Ënet ja jutiis ja'ayëty t'ënëmaaytyë ja Jesús: Tëyës n'ëna'antë ko mijts msamaariëtë ja'ay ets ko mijts ku'oypyë mmëët'ajtyp.

Deuteronomio 32:15

Yë Jesurún ja'ayëty yajxon të nyi'kxëtë, je'eyë y'atë'kxnëtë mëët ko ku'uxyë jotkëtä'äky të jyë'kxtë; tyam amëj akëjxm nyäjya'awënëtë. Ko jëtu'un të y'ixë'aty ënät ja Wintsën të tja'atyëkoyëtë mëti'ipë ojts yajkoj pyëjkta'akëtën; tyam ixtijy tyajnajxnëtë ja mëti'ipë këwent'ajtëtëpën ets mëti'ipë yajnitsokëtëpën.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.